Спорт
Од парите на Барселона за судиите се купувале авионски билети, пршута и тостери
Нови шокантни детали се појавија за скандалот што ја тресе Шпанија откако обвинителството пред две недели поднесе обвинение за корупција против Барселона и нејзините поранешни претседатели Хосеп Марија Бартомеу и Сандро Росело. Тие се обвинети дека од 2001 до 2018 година на Хозе Марија Енрикез Негреира, поранешен шеф на судиите во Ла Лига, и на неговата компанија исплатиле вкупно 8,4 милиони евра.
За возврат, Негреира им делегирал судии кои одговараат на Барселона и гарантирал дека тие ќе судат за нив. Интересно, иако во периодот кога Барселона е обвинета за потплаќање судии, нејзин претседател во првиот мандат (2003-2010) беше и сегашниот Жоан Лапорта, но тој не е осомничен за кривичното дело. И покрај ова, Хавиер Тебас, првиот човек на Ла Лига изјави дека Лапорта мора да поднесе оставка.
Единствениот услов под кој може да остане претседател на Барселона, додаде Тебас, е да каже сѐ што знае за поткупот на судиите. И додека Лапорта жестоко негира дека Барселона некогаш и под некои околности плаќала судии, новите докази објавени во медиумите го покажуваат спротивното.
„Ел Мундо“, еден од најугледните европски дневни весници, ги објави сметките на компанијата на Негреира, кои докажуваат дека тој со парите од Барселона купувал разни подароци за судиите, авионски билети, но и пршута и тостери. Ова беше откриено со преглед на сметките запленети од шпанската даночна управа како дел од истрагата против Барселона.
„Ок Диарио“ ги објави, а сите шпански медиуми ги пренесоа, пораките на WhatsApp што Хавиер Енрикез, син на корумпиран висок судски функционер, му ги испратил на Алберто Солер, тогашниот директор на Барселона, во 2017 година. Тие се фалат дека Жил Манцано, шпанскиот интернационален судија, намерно судел против Атлетико Мадрид во реваншот од полуфиналето на Купот на Кралот.
„Тој судеше сѐ за вас, беше премногу очигледно. Грешките на судијата, пеналот и поништениот гол беа во корист на Барселона. Тие беа толку очигледни. Сите картони за Барселона беа доделени правилно, освен за Бускетс. Ве молиме запомнете што ви напишав претходно за Луис Суарез. Се гледаме подоцна, кога вие сакате“, му пишува синот на корумпираниот судија на директорот на Барселона откако судијата ја поддржал Барселона кон финалето на Купот во 2017 година.
Барселона го доби првиот натпревар на гостински терен со 2:1, но очигледно сакаше дополнително да се обезбеди пред реваншот на домашен терен. Манцано направи сѐ за да си ги покрие трагите, а со тоа ги исклучи играчите на Барселона, Серхи Роберто и Луис Суарез. Но, првиот беше исклучен во 57. минута, кога Барселона водеше со 1:0, а вториот на крајот од мечот кој заврши 1:1 бидејќи Атлетико израмни во 83. минута. Сепак, пред тоа беше исклучен и Јаник Караско.
Атлетико подоцна постигна гол со играч помалку за 1:1, но Манцано го поништи голот на Антоан Гризман поради непостоечки офсајд. Десет минути подоцна го исклучи Караско од Атлетико Мадрид. Во 83. минута судијата мораше да досуди пенал против Барселона бидејќи Жерар Пике го собори Кевин Гамеиро кој погоди од белата точка.
Атлетико потоа тргна по гол за продолжение со десетмина фудбалери, но не успеа, иако во последната минута Манцано повторно мораше да му покаже црвен картон на играч на Барселона. Луис Суарез беше исклучен бидејќи го удри Коке со лакот во вратот.
Последиците по оваа фарса беа такви што навивачите на Атлетико Мадрид не го заборавија и не му простија на Манцано во судскиот процес против нивниот клуб, но дури и Барселона, иако фаворизирана, беше незадоволна од тоа како беше десеткувана од судијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона ја потопи „жолтата подморница“
Фудбалерите на Барселона лесно го победија Виљареал во 17-то коло од Примера (2:0), со што ја забележаа својата осма последователна победа во шпанската елита.
Избраниците на Ханси Флик, во Виљареал, го отворија резултаот во 12-та минута, кога Рафиња погоди од пенал.
Потоа следуваше шоуто на Ламин Јамал. Прво, Ренато Веига доби директен црвен картон во 39-та минута за наивен старт врз суперталентираниот 18-годишник, а пота Јамал во 63-та минута го постави конечниот резултат.
Јамал го постигна својот седми гол во 14-от лигашки натпревар, има и седум асистенции.
Од неуспехот во Ел Класико, Каталонците имаат само победи, со импресивна гол-разлика од 26:8. Во следниот натпревар, тие ќе гостуваат кај нивниот голем ривал Еспањол.
Барселона е на чело на табелата со 46 бода, четири повеќе од Реал Мадрид, Венаш зад водечката двојка е Атлетико, додека „жолтата подморница“ го зазема четвртото место.
Foto/ depositphotos
Спорт
(Видео) Астон Вила не запира, Роџерс му пресуди на Манчестер Јунајтед
Фудбалерите на Астон Вила го победија Манчестер Јунајтед (2:1) на свој терен во дербито на 17-то коло од Премиер лигата. Астон Вила ја забележа скромната шеста победа во 61-от меѓусебен дуел со Јунајтед во Премиер лигата.
Головите, со кои Вила ја продолжи победничката серија ги постигна Морган Роџерс во 45-тата и 58-та минута. На другата страна, Матеус Куња погоди во третата минута од судиското продолжение во првото полувреме.
За да биде уште полошо за „црвените ѓаволи“, капитенот и најдобар играч Бруно Фернандес се повреди и ја напушти играта на полувремето.
Единствениот позитивен факт е дебито на Џек Флечер (18), син на познатиот Дарен, играч на првиот тим на Јунајтед од времето кога клубот предовен од сер Алекс Фергусон владееше во Премиер лигата.
Роџерс речиси постигна два идентични гола на овој натпревар, со прецизен удар во спротицниот агол, при што првиот беше особено импресивен.
Куња постигна гол по големата грешка на Мети Кеш и добрата реакција на Патрик Доргу.
Куња беше тој што ја имаше најдобрата шанса во 68-та минута за израмнување, но неговиот удар со глава заврши покрај стативата.
Вила ја забележа својата 10-та победа по ред во сите натпреварувања и моментално е трета во Премиер лигата со 36 бода, три помалку од лидерот Арсенал. Следен противник за тимот на Унаи Емери е Челзи.
Јунајтед е седми со 26 бода, а негов следен ривал е Њукасл.
Фото/ Depositphotos
Спорт
Тренерот на Милан се соочува со жестока казна
Тренерот на Милан, Масимилијано Алегри, е соочен со долга суспензија поради навреда на спортскиот координатор на Наполи, Габриел Оријали, за време на полуфиналето на италијанскиот Суперкуп помеѓу двата клуба во четврток вечерта.
Како што објавува „Газета Спорт“, тренерот на второпласираниот тим од Серија А би можел да добие казна од неколку натпревари во домашното првенство поради несоодветните зборови што му ги упатил на поранешниот италијански фудбалер.
Во случај да не добие суспензија, трофејниот италијански стручњак веројатно ќе биде „удрен во џебот“, а Дисциплинската комисија е таа што треба да одлучи каква казна ќе му одреди на Алегри.
Од Наполи веќе изјавија дека се надеваат, дека Алегри ќе добие соодветна казна за своето простачко однесување.
„Се надеваме дека овој целосно неконтролиран напад нема да помине незабележано, особено затоа што, со 33 камери вклучени во продукцијата на настанот, беше невозможно да не се види што се случи“, се вели во соопштението на клубот кој ќе се бори против Болоња за титулата победник на италијанскиот Суперкуп.
За потсетување, Милан ќе го игра својот следен натпревар во Серија А само во недела, 28 декември во Верона.
Foto/ freerangestock

