Регион
Страшната позадина на приказната за 7-годишното момче кое со месеци талкаше голо по улиците во Загреб
Голо момче измачкано со црвена боја трча по улица во Загреб, а случајните минувачи на местото на настанот се шокирани од глетката. За овој случај доста се пишуваше во медиумите во регионот пред две години, а „Јутарњи лист“ сега објавува што се случило во меѓувреме и која е приказната на момчето.
Секој што ќе го сретнеше ќе го прашаше „кој е тој, каде живее, кои му се родители, од каде е на улица“, но малото момче не одговараше. Се чинеше дека е „во својот свет“ додека зборуваше сам со себе и ги вртеше прстите. Не плачеше ниту се вознемируваше. Сепак, тажната приказна зад ова шокантно загрепско утро набрзо беше откриена, пишува „Јутарњи лист“, пренесе „Блиц“.
Имено, откриено е дека осумгодишникот живее во една од околните улици, има пречки во развојот, а сето тоа било проследено со откривање на тажни епизоди од неговиот семеен живот. Неговата мајка (44) завршила под лупа на Центарот за социјална работа, полицијата како и обвинителството.
Мајката на момчето беше обвинета за кршење на правата на детето бидејќи не се грижела соодветно за него од 15 август 2020 година до 20 јуни 2021 година. Обвинителството бара една година затвор бидејќи било откриено дека во неколку наврати го оставала синот без надзор додека била под дејство на опојни средства, па малото момче за помалку од една година трипати залутало од дома, а граѓаните го наоѓале на улица. Конечно, во јуни 2021 година, тој итно бил одземен од семејството и сместен во институција каде што фокусот е ставен на грижата за децата со физички и ментални заболувања.
„Дете на околу седум години лежи на патот. Нема облека на себе и е босо“, беше еден од вознемирувачките наслови од јуни 2021 година.
Една од станарите од улицата додека возела видела момче кое не носело облека на себе, му пришла и излегла од возилото.
„Видов дека нешто не е во ред со тоа дете. Го прашав како се вика и дали сака да влезе во автомобилот. Не ми одговори, но не можеше ни да ги фокусира очите, па заклучив дека има аутизам. Му го покажав моето куче во автомобилот што го возев и тој се согласи да влезе во автомобилот. Во текот на возењето не ми одговараше на прашањата, а јас возев по главниот пат мислејќи дека родителите го бараат, дека ќе сретнам некого. Во исто време ги прашував минувачите дали знаат чие е тоа дете. Потоа дошла полиција и одговорила на повикот. Го зеле момчето“, изјави за „Јутарњи.хр“ жена која била сведок, наведувајќи дека потоа слушнала од други соседи дека истото дете и претходно талкало по улица без надзор.
Друг маж повикал полиција кога на улица наишол на голо дете. Потоа полицијата ја затекнала мајката во лоша физичка и психичка состојба, а во пријавата посочиле дека се сомневаат дека конзумирала дрога и алкохол.
Таткото на момчето, кој не живее со нив, утрото на 17 јуни дошол да си го земе синот за да го однесе во градинка. Не го нашол во куќата, а морал да ја протресе сопругата која спиела за да ја разбуди. Не знаел дали се дрогира, вели дека слушнал такви тврдења, но не знаел дали да им верува. Истовремено, тој признал дека малото момче залутало од дома пет-шест пати во годината и дека е вешт во вадењето на прозорците од бањата.
Мајката на момчето размислувала за нејзината грижа, нагласувајќи дека изградила ограда околу куќата за да не може нејзиниот син да талка. Но, изјавила и дека вратата не била заклучена во тие кобни денови и дека не знае кој ја оставил отклучена.
Центарот ја определи мерката стручна помош и поддршка и за мајката и за таткото при вршењето родителска грижа. И додека таткото се грижи и е во постојана комуникација со Центарот и презема се што е условено, мајката исчезнала и покрај првичните ветувања и изразена волја. По две и пол недели поминати во одделението за зависности, за да се префрли од метадонска терапија на супституциона терапија со бупренорфин, од ноември минатата година и се губи секаква трага.
Таа не доаѓа на нејзината адреса, не добива судски наредби, а полицијата не може да ја лоцира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Жељазков и Марта Кос: Без Западен Балкан не може да се заврши европскиот проект
Европската иднина на Западен Балкан е гаранција за просперитет и мир и превенција од влијанието на силите кои имаат за цел неединство. Интеграцијата на земјите од регионот не е прашање на суд, туку стратешки избор поврзан со стабилноста и конкурентноста на целиот регион.
Ова го изјави бугарскиот премиер, Росен Жељазков, кој се сретна со Марта Кос, еврокомесарката за проширување на унијата , јави БГНЕС.
„Бугарската позиција е јасна – го поддржуваме европскиот пат на секоја земја од Западен Балкан, водени од принципите на индивидуалниот пристап и постигнатиот напредок“, додаде Жељазков.
Рече дела посветеноста на реформите мора да биде двострана.
„Ни треба искреност, јасност, предвидливост и дијалог. Интеграцијата на Западен Балкан е одговорност од особено значење за Бугарија. Интеграцијата на овие земји ќе ја направи ЕУ посилна и поотпорна“, коментира Жељазков.
Тој и’ се обрати на Кос, велејќи дека нејзиното присуство во Софија е израз на доверба дека заедно ќе дадат нов поттик за иднината и просперитетот на нивните земји.
„Без интеграција на Западен Балкан не може да се заврши европскиот проект“, додаде Жељазков.
Комесарката Кос, исто така, истакна дека европската интеграција пред се ќе доведе до стабилност и безбедност во регионот на Западен Балкан.
„Мора да го надминеме заморот. Вреди да се инвестира во реформи за ЕУ. За да бидеме успешни, потребен ни е став кој ја надминува болката од минатото. За ова ќе биде потребно лидерство“, повика Марта Кос.
Според неа, пристапот на соседните земји на Бугарија во Европската унија ќе обезбеди многу придобивки за трговијата, бизнисот и поврзувањето.
Во изјавата за „Дондуков 1“, Марта Кос објави дека таа и премиерот Жељазков разговарале за планот на Европската унија за нова стратегија за Црното Море, која Европската комисија ќе ја претстави наскоро.
„Црноморскиот регион е исклучително важен за нашата безбедност, за трговијата, за енергетските врски и како мост кон Турција, Грузија, Ерменија и Азербејџан“, истакна Кос во заедничката изјава со бугарскиот премиер.
„Бугарија е во срцето на овие размислувања и важно е таа активно да учествува во подготовката на оваа нова стратегија“, рече Кос.
Марта Кос го истакна и значењето на пристапот на Бугарија во еврозоната.
Регион
Револт во Германија поради новите правила за работниците од Западен Балкан, меѓу кои и македонските
Идната Демохристијанско-социјалдемократската влада планира да инвестира 500 милијарди евра во наредните години во реконструкција на дотраената инфраструктура: железници, патишта и мостови. Во исто време, има намера да се фокусира на уште еден итен проблем, а тоа е недостатокот на станови во Германија, пишува Дојче веле.
Но, за тие планови, покрај пари, ќе бидат потребни и многу работници, квалификувани и неквалификувани. Токму во овој сектор Правилото за Западен Балкан, воведено во 2016 година, ги покрива потребите на германскиот пазар на труд во последните години бидејќи, за разлика од другите програми за имиграција на работна сила, Правилото за Западен Балкан не ја условува квалификацијата, туку само договорот за вработување на германскиот работодавач. Ова и овозможи на градежната индустрија особено да вработува неквалификувани работници кои исто така се дефицитарни на германскиот пазар на труд.
Погрешна и штетна одлука
Минатата година, социјалдемократско-зелено-либералната влада, во екот на имиграциската либерализација, ја зголеми годишната квота како дел од правилото за Западен Балкан од 25 на 50 илјади работни дозволи годишно. Но, во својот коалициски договор, идната влада минатата недела повторно ја намали таа квота на 25.000 годишно.
Сега многу работодавци се прашуваат која е причината за ова намалување.
„Правилото за Западен Балкан се покажа како испробан инструмент за регрутирање работна сила без прекумерна бирократија, што инаку е реткост во секторот за миграција“, изјави за „Штутгартер цајтунг“ заменик-директорот на Германската индустриска и трговска комора, Ахим Деркс. Затоа одлуката на идната влада повторно да ја преполови квотата за Западен Балкан, според него, оди во погрешна насока.
Тим-Оливер Милер, директор на Централната асоцијација на германската градежна индустрија, дели слично мислење. Тој за „Штутгартер цајтунг“ изјави и дека намалувањето на годишната квота особено влијае на градежната индустрија.
„Значаен дел од странските работници на германските градилишта доаѓаат од некои од земјите на поранешна Југославија… сегашната одлука за намалување на овој контингент е изненадувачка и штетна за индустријата. Особено ако се земат предвид планираните инфраструктурни проекти кои ќе ја зголемат побарувачката за работна сила“, вели Милер.
Зошто да се намалат квотите?
Намалувањето на квотата нема да влијае само на големите инфраструктурни проекти, туку и на станбената изградба, смета Аксел Гедашко, директор на чадор-асоцијацијата за изградба на станови (ГдВ).
„Ако протокот на работници од Западен Балкан се преполови, тоа би можело да го влоши недостигот на работна сила на градилиштата“, смета Гедашко.
Ниту Јан Даненбринг од Централното здружение на германски занаетчии (ЗДХ) не ја разбира причината за намалувањето на контингентот.
„Федералната влада неодамна ја удвои оваа квота и сега ја враќа назад иако околностите во споредба со минатата година не се променети“, вели Даненбринг, исто така за „Штутгартер цајтунг“ и заклучува: Ако сакаме да промениме нешто во секторот за домување, ќе ни треба секој човек.
Негативни коментари и недоволно разбирање за одлуката на идната влада за правилата за работниците од Западен Балкан доаѓаат и од редот на експертите за пазарот на трудот. Херберт Брикер од Институтот за истражување на пазарот на труд (ИАБ) смета дека потегот на владата испраќа погрешен сигнал. Тој посочува дека вработувањето на Западен Балкан досега се покажало како успешен механизам.
„Од 95 до 98 отсто од оние кои пристигнале во Германија како дел од ова правило се вработени една година по нивното пристигнување во Германија и редовно ги плаќаат своите придонеси“, заклучува Брикер.
Регион
Додик: Добив понуда од моќни луѓе
Претседателот на Република Српска, Милорад Додик, изјави дека некои моќни луѓе од Европа му понудиле мирно да ја напушти Босна и Херцеговина.
„Имам понуда од некои моќни европски луѓе, кои ми испратија порака дека немаат ништо против да заминам и да бидам слободен во Унгарија, Русија, Србија, каде и да сакам“, рече Додик во емисијата „Телеринг“ на РТРС. Тој рече дека нема да ја напушти Република Српска.
Пред еден месец судот на БиХ издаде налог за апсење на Додик и му одреди едномесечен притвор поради одбивање да се јави на поканата од Обвинителството на БиХ за сослушување како осомничено лице.
Додик беше прогласен за виновен со првостепената пресуда за непочитување на одлуките на високиот претставник Кристијан Шмит. Покрај тоа, Додик е под истрага за сомнителното купување вила во Белград, а тој одби да се јави на поканата за сослушување во тој случај.
Села му одговори на Таравари: Без доверба и чест нема ниту куќа, ниту врата
Едниот од лидерите на поделената Алијанса за Албанците, Зијадин Села, преку социјалните мрежи му одговори на неговиот поранешен сопартиец, Арбен...
Папазов од притвор оди во куќен притвор – за седуммина осомничени за пожарот во Кочани мерката е заменета
Поранешниот градоначлник на Кочани, Љупчо Папазов, кој си поднесе оставка од функцијата по трагедијата во дискотеката „Пулс“, оди во куќен...
Револт во Германија поради новите правила за работниците од Западен Балкан, меѓу кои и македонските
Идната Демохристијанско-социјалдемократската влада планира да инвестира 500 милијарди евра во наредните години во реконструкција на дотраената инфраструктура: железници, патишта и...
Почина уште еден повреден во пожарот во Кочани, кој се лекуваше во Белград
Министерството за здравство информира дека во согласност со информациите од Воено медицинската академија во Белград, денеска претпладне, за жал, на...
Осомничениот полицаец за пожарот во Кочани по кој се трагаше сам се пријавил во Обвинителството
Полицаецот по кој се трагаше утрово сам се пријавил во Обвинителството. Тој е меѓу 10-те полициски службеници, кои од завчера...
ЗНАМ: Некој што соработува со ДУИ не треба да биде дел од Владата
За Движењето ЗНАМ за наша Македонија е неприфатлива соработка со нереформираната ДУИ и со лица од СДСМ кои учествувале или...
(Видео) Кузеска 30 дена по трагедијата во Кочани: Зошто се штитат актуелните полициски функционери, министре Тошковски, нели имате малку совест?
„Поминаа триесет дена од трагедијата во Кочани, во која го загубија животот 61 лице, а уште 200 беа тешко повредени....
Јотова: Постои обид од колегите од РСМ нормалните барања на Бугарија да ги претстават како каприц
Потпретседателката на Бугарија, Илијана Јотова, и еврокомесарката за проширување, Марта Кос, ќе разговараат за проширувањето на ЕУ кон Западен Балкан....
Обвинителството бара построга казна за возачот кој ја усмрти Теодора: вложена жалба на пресудата
Основното јавно обвинителство Тетово изјави жалба на пресудата на Основниот суд во Тетово од 7.4.2025 година, со која обвинетиот М....
Да се извинат Филипче и СДС што го лажеa народот дека Бугари во Уставот се единствениот услов за напредок на државата, вели ВМРО-ДПМНЕ
Бугарскиот министер за надворешни работи, Георг Георгиев изјави „уставните измени не се единствениот услов, тогаш допрва почнува процесот”. Оваа негова...
„Таравари не може да бега од одговорност за затворената Кардиохирургија, која е стратешки интерес на државата“, велат од партијата Левица
„Министерот Таравари продолжува да ја крие сопствената одговорност позади некаква стручна комисија, која треба да утврди дали имало пропусти од...
Кои се критериумите според кои едни се пуштени, а други остануваат во притвор, без доволно докази, прашуваат од ДУИ по трагедијата во Кочани
Демократската Унија за Интеграција со сериозна загриженост ги следи случувањата поврзани со трагичниот настан во Кочани и начинот на кој...
Мелони денеска кај Трамп: Ова е можеби единствената шанса на ЕУ
Во текот на денешниот состанок во Вашингтон, италијанската премиерка Џорџа Мелони ќе се обиде да го спречи американскиот претседател Доналд...
Привремена измена на сообраќајот на автопатот А1, делница Демир Капија – Смоквица
Синтек Инженеринг известува дека отпочнува времена измена на сообраќајот на автопат А1, делница Демир Капија – Смоквица од 17.4.2025 до...
Русите го нападнаа Днепар со дронови: двајца загинати, меѓу повредените и деца
Русија синоќа изврши масовен напад со дрон врз градот Днепар во југоисточна Украина, при што загинаа две лица. Серхиј Лисак,...
Израел: Ќе ги задржиме безбедносните зони во Газа и по војната
Израелскиот министер за одбрана изјави дека и по завршувањето на војната армијата ќе остане во таканаречените „безбедносни зони“ кои беа...
Таравари тајно преговарал со Ахмети, Меџити вели дека не го исклучиле од коалицијата туку тој се самоисклучил
Не е веќе тајна бидејќи коалицијата „Вреди“ одамна забележа дека постојат преговори меѓу Таравари и Ахмети со вмешаност на одредени...
Се’ уште се прибираат докази во изгорениот „Пулс“, се вештачат телефони и лаптопи
Дел од обвинителите кои постапуваат во предметот за пожарот во кочанската дискотека „Пулс“, како и Јавниот обвинител, денеска, одржаа состанок...
Трговците со помалку од 10 вработени немаат обврска да ги објавуваат цените онлајн
Од четврток, 18 април, сите трговци (мали, средни или големи) ќе треба да ги објават цените на секој производ што...
„Влен“ денес на средба ќе ја разгледа одлуката на Таравари да настапи на изборите со свои кандидати за советници
Во 14 часот денес ќе се состане коалицијата „Влен“ по што ќе се знае како ќе продолжат понатаму со Алијансата...
