Актуелниот европски првак, Фенербахче доживеа еден од најтешките порази во Евролигата, синоќа во Мадрид (84:59). Тренерот Шарунас Јасикевичиус се обиде да анализира што се случува со неговиот тим.

„Денес не направивме ништо што сакавме на теренот. Бевме ужасни во првото полувреме“, рече Јасикевичиус на прес-конференцијата по натпреварот.

„Искрено, не ми е гајле каква кошарка игравме бидејќи не бевме добри. Не изгледавме како професионални спортисти на теренот. Тоа многу ме загрижува бидејќи од почетокот на сезоната многу зборуваме за мотивацијата. Како да не можеме да се справиме со успехот што го постигнавме досега. Во овој момент изгледаме очајно на теренот. Играта веројатно ќе се подобри како што ќе одат натпреварите, но ова не изгледа добро во моментов“, рече Јасикевичиус.

Тој вели дека тимот треба да влезе во ритам:

„Ова е еден од најлошите порази. Да, секако дека е лошо, но ова не е крајот. Мислам дека како тим мора да бидеме поскромни, верувам дека ако сакате да бидете шампион, мора да се однесувате како шампион секој ден. Кога во некои натпревари работите тргнуваат наопаку, ние едноставно престануваме да играме, а шампионскиот тим не смее да се однесува така. Секако, сè уште има многу натпревари пред нас и ќе бидеме подобри како што напредува сезоната, но во моментов работите не одат по наша волја.“

Фенербахче е 17-ти на табелата со само три победи и пет порази оваа сезона.

Марио Вушковиќ, 23-годишен дефанзивец, се соочува со речиси четиригодишна суспензија поради позитивен допинг тест за еритропоетин (ЕПО), забранета супстанца што ги подобрува перформансите со зголемување на бројот на црвени крвни зрнца.

Иако Вушковиќ веднаш побара анализа на примерокот Б, кој исто така потврди присуство на ЕПО, тој и неговиот правен тим тврдат дека е невин и се борат против одлуката, за која тврдат дека неправедно му ги одзела најдобрите години од кариерата. Неговото враќање на тренинзите е планирано за септември 2026 година, а официјалните натпревари за ноември истата година, пишува „Билд“.

Случајот на Вушковиќ беше многу сложен и предизвика многу контроверзии. Меѓу нив се тврдењата дека тој имал исклучително тежок физички тренинг пред тестот, што можело да влијае на резултатите од анализата на примерокот од урината и да предизвика нелогични наоди.

„Вушковиќ, за кого моментално се снима документарен филм, собра тим адвокати од Берлин за тужбата. Сепак, постапката пред Европскиот суд за човекови права трае со години, а исходот е неизвесен. Во овој случај, поверојатно е дека ќе бараат надомест отколку намалување на суспензијата“, пишува „Булд“.

Неговиот тим ангажираше реномирани адвокати и научници од САД и Канада за да ја оспорат пресудата и да укажат на можни неправилности во постапката. Откако германската федерација и Меѓународниот суд за спортска арбитража (CAS) ги отфрлија неговите жалби, правдата сега се бара во Европскиот суд за човекови права.

Дополнително, се разгледува и покренување постапка пред државниот суд. Таа акција би можела да резултира со мултимилионска тужба за изгубени плати, неисплатени бонуси и пропуштени можности за профитабилни фудбалски договори. Бидејќи Вушковиќ не сака да признае нешто што не го сторил, тој ја одби и можноста за спогодба, што би било признавање на вината во замена за пократка суспензија.

Холгер Руне претрпе сериозна повреда на Ахиловата тетива и ќе биде надвор од терените неколку месеци. Сепак, само неколку дена по операцијата, Данецот најде начин да тренира.

Руне излезе на теренот и тренираше на стол. Ја крена оперираната нога на решетка и ги враќаше топките што доаѓаа од другата страна.

Се уште нема точен датум кога Руне ќе се врати на тренинзите и турнирите, но оваа слика покажува дека закрепнувањето оди во вистинската насока. Руне има и насмевка на лицето, што е уште еден позитивен детаљ.

Данскиот тенисер моментално се наоѓа на 12-то место на АТП листата.

Holger is already back on court (kind of) 😄 pic.twitter.com/w8ZzWrk8dr

— Bastien Fachan (@BastienFachan) October 30, 2025