Свет
(Видео) Шојгу: Секоја војна завршува со мир
Рускиот министер за одбрана, Сергеј Шојгу, во интервју за ТВ „Звезда“ на руското Министерство за одбрана, беше прашан како ќе заврши војната, на што тој одговори: „Секоја војна завршува со мир“.
Но, кога еден новинар прашал колку бргу може да се очекува мир во Украина, Шојгу не одговорил на прашањето и ја напуштил просторијата.
Иако ТВ „Звезда“ првично објави видео од заминувањето на министерот за одбрана, тоа беше отсечено во подоцнежна изјава.
❗️Any war ends in peace- russian Minister of Defence Shoigu.
Has he just said WAR? Ooops… watch out, Sergei, windows are everywhere, even in basements.
For a start to end the war that you started would be good to f*ckoff from the Ukrainian land!!! pic.twitter.com/5rosLXOoOJ
— Maria Drutska 🇺🇦 (@maria_drutska) March 21, 2023
Аналитичарите велат дека рускиот претседател Владимир Путин, најверојатно, планира да ја одолжува војната што е можно подолго со надеж дека поддршката на Западот за Украина ќе ослаби.
„Владимир Путин нема непосредни планови за мир во Украина и затоа Западот треба уште долго да се подготвува да му даде помош на Киев“, предупреди генералниот секретар на НАТО во интервју за „Гардијан“.
Јенс Столтенберг изјави дека рускиот претседател е вмешан во „војна на трошење“.
„Жестоките борби насочени околу Бахмут покажуваат дека Русија е подготвена само да фрли илјадници и илјадници војници, да земе многу жртви за минимални придобивки“, рече шефот на НАТО.
„Претседателот Путин не планира мир, тој планира уште војна“, продолжи Столтенберг додавајќи дека Русија го зголемува воено индустриското производство и „посегнува до авторитарните режими, како Иран, Северна Кореја и други, за да се обиде да набави повеќе оружје“, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Привремениот либански премиер Микати: На Либан му треба итен прекин на огнот
Привремениот премиер на Либан, Наџиб Микати, денеска изјави дека на неговата земја и е потребен итен прекин на огнот меѓу Израел и милитантите на организацијата Хезболах и најави дека околу 1,2 милиони луѓе се раселени поради израелските напади.
„Запрете ги борбите. Не ни треба повеќе крв. Не ни треба повеќе уништување“, рече Микати на онлајн конференција организирана од Американската работна група за Либан, непрофитна организација со седиште во САД, пренесува Ројтерс.
Тој нагласи дека „итно е потребно прекин на огнот“.
Свет
Бајден: Не поддржувам напади врз иранските нуклеарни постројки како одговор на нападот
Американскиот претседател Џозеф Бајден изјави денеска дека не поддржува напади врз иранските нуклеарни постројки како одговор на ракетниот напад врз Израел.
„Ќе разговараме со Израелците за тоа што ќе направат, но сите седуммина (земјите од Г7) се согласуваме дека имаат право да одговорат, но тие треба да одговорат пропорционално“, им рече Бајден на новинарите, пренесе Ројтерс.
Бајден одговори дека ќе бидат воведени нови санкции кон Иран и додаде дека наскоро ќе разговара со израелскиот премиер Бенјамин Нетанјаху.
„Очигледно е дека Иран отстапи далеку од курсот“, нагласи тој.
Иран вчера лансираше повеќе од 180 балистички ракети кон Израел, потег што Бајден претходно го опиша како „неефикасен“.
Израелскиот премиер Бенјамин Нетанјаху вети дека Иран ќе плати за нападот.
Некои аналитичари наведуваат дека одговорот на Израел овој пат веројатно ќе биде поостар, што укажува на тоа дека Израел би можел да ги таргетира иранските нуклеарни или нафтени постројки, пренесува Танјуг.
Свет
Претставникот на Израел во ОН: Итно да се воведат санкции кон Иран поради неговиот ладнокрвен напад врз Израел
Претставникот на Израел во ОН Дени Данон побара денеска на итната седница на Советот за безбедност на Обединетите нации посветена на кризата на Блискиот Исток, веднаш да се воведат санкции кон Иран поради, како што наведе, ладнокрвнниот ракетен напад врз Израел.
„Ова е напад врз милиони израелски цивили. Тоа се жени и деца, муслимани, христијани, Евреи, луѓе од сите вери. Во овој невиден чин на агресија, Иран истрела речиси 200 балистички проектили“, рече Данон, ОН, соопшти Советот за безбедност.
Тој изјави дека милиони луѓе се во засолништа и посочи дека нападот на Иран е обид да се нападне срцето на израелското општество и дека на мета биле најсветите места – џамиите, црквите и синагогите.