Свет
Масакар во Америка: поранешен војник пукал во децата додека спиеле
Поранешен војник убил три деца, од кои две се негови, додека спиеле во нивниот дом во Јужна Каролина додека мајка им избезумено молела за помош, соопштија властите. Поранешниот војник убил и колега на неговата сопруга, а потоа се самоубил.
„Чарлс Слакс Јуниор застрела и уби војник кој работеше со мајката на децата и случајно се нашол внатре во домот“, изјави началникот на полицијата во Самтер, Расел Роарк, на прес-конференција.
Слакс и неговата сопруга беа разведени, но тој сè уште имал клуч од домот во Самтер, во кој влегол околу 22 часот во вторникот.
Слекс го застрелал колегата на својата поранешна сопруга во дворот додека таа се обидувала да го запре, а потоа ја турнал и се упатил на катот и ги застрелал децата на возраст од 5, 6 и 11 години во нивните кревети, изјави началникот на полицијата.
„Малите деца спиеле во своите кревети“, рече Роарк.
Мобилниот телефон на мајката се полнел горе, па истрчала да види дали ранетиот колега има телефон што може да го користи. Слушнала истрели, се вратила внатре и го видела својот поранешен сопруг на врвот од скалите, каде што се застрелал, изјави Роарк.
Убиениот војник немал никаков однос со жената надвор од работа, а инспекторите не откриле зошто Слакс дошол во куќата или дали требало да има клуч, рече Роарк.
„Секој што има деца – секој што има емпатија за дете што умира толку насилно, може да разбере како се чувствува таа мајка“, рече началникот на полицијата.
Слакс (42) ги убил своите деца, 5-годишниот Ајден Холидеј-Слакс и неговиот 6-годишен брат Асон Холидеј-Слакс, а исто така ја уби и нивната полусестра, 11-годишната Ава Холидеј. Пред разводот Слакс ѝ беше очув на Ава.
„Тоа беше долга ноќ. Ова е ужас“, рече судскиот лекар.
Идентитетот на убиениот војник не е објавен.
Слакс бил цивил доделен во штабот на американската армија во воздухопловната база Шо, а убиениот војник исто така бил распореден, според воените информации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Привремениот либански премиер Микати: На Либан му треба итен прекин на огнот
Привремениот премиер на Либан, Наџиб Микати, денеска изјави дека на неговата земја и е потребен итен прекин на огнот меѓу Израел и милитантите на организацијата Хезболах и најави дека околу 1,2 милиони луѓе се раселени поради израелските напади.
„Запрете ги борбите. Не ни треба повеќе крв. Не ни треба повеќе уништување“, рече Микати на онлајн конференција организирана од Американската работна група за Либан, непрофитна организација со седиште во САД, пренесува Ројтерс.
Тој нагласи дека „итно е потребно прекин на огнот“.
Свет
Бајден: Не поддржувам напади врз иранските нуклеарни постројки како одговор на нападот
Американскиот претседател Џозеф Бајден изјави денеска дека не поддржува напади врз иранските нуклеарни постројки како одговор на ракетниот напад врз Израел.
„Ќе разговараме со Израелците за тоа што ќе направат, но сите седуммина (земјите од Г7) се согласуваме дека имаат право да одговорат, но тие треба да одговорат пропорционално“, им рече Бајден на новинарите, пренесе Ројтерс.
Бајден одговори дека ќе бидат воведени нови санкции кон Иран и додаде дека наскоро ќе разговара со израелскиот премиер Бенјамин Нетанјаху.
„Очигледно е дека Иран отстапи далеку од курсот“, нагласи тој.
Иран вчера лансираше повеќе од 180 балистички ракети кон Израел, потег што Бајден претходно го опиша како „неефикасен“.
Израелскиот премиер Бенјамин Нетанјаху вети дека Иран ќе плати за нападот.
Некои аналитичари наведуваат дека одговорот на Израел овој пат веројатно ќе биде поостар, што укажува на тоа дека Израел би можел да ги таргетира иранските нуклеарни или нафтени постројки, пренесува Танјуг.
Свет
Претставникот на Израел во ОН: Итно да се воведат санкции кон Иран поради неговиот ладнокрвен напад врз Израел
Претставникот на Израел во ОН Дени Данон побара денеска на итната седница на Советот за безбедност на Обединетите нации посветена на кризата на Блискиот Исток, веднаш да се воведат санкции кон Иран поради, како што наведе, ладнокрвнниот ракетен напад врз Израел.
„Ова е напад врз милиони израелски цивили. Тоа се жени и деца, муслимани, христијани, Евреи, луѓе од сите вери. Во овој невиден чин на агресија, Иран истрела речиси 200 балистички проектили“, рече Данон, ОН, соопшти Советот за безбедност.
Тој изјави дека милиони луѓе се во засолништа и посочи дека нападот на Иран е обид да се нападне срцето на израелското општество и дека на мета биле најсветите места – џамиите, црквите и синагогите.