Спорт
Српско оро во Вашингтон – доминација на Јокиќ против Визардс
Никола Јокиќ, актуелниот МВП на најсилната кошаркарска лига во светот, се истакна во победата на Денвер Нагетс во Вашингтон (118:104) со 31 поен, 12 скока и седум асистенции и со тоа го симна од врвот Лука Дончиќ, кој досега ја предводеше лигата во натпревари со учинок 30 /10/5 во најважните категории.
Јокиќ на тој начин ја направи најдобрата увертира за спектаклите што следат, натпревари против ривалите за титулата најкорисен играч во НБА. Јокиќ го очекуваат натпревари против Јанис Адетокумбо и Џоел Ембиид и тоа на домашен терен.
Но, Јокиќ неочекувано имаше буквално домашна атмосфера во главниот град на Америка. Како изненадување за една од најголемите ѕвезди, НБА организираше Вечер на српската култура во Вашингтон.
Тамошниот српски културен центар подготви богата културно-уметничка програма на воодушевување на бројните локални Срби, кои дојдоа во салата да го поздрават националниот спортски херој.
Попатно тие играа српско оро кое на теренот пред натпреварот и на полувремето го изведе фолклорна група чии членови беа облечени во традиционални српски носии, а вокалената солистка пееше „Ова е Србија“.
Сето тоа го воодушеви Јокиќ, кој по одличната игра призна дека не знаел што ќе го чека во Вашингтон.
„Не го очекував ова, но мило ми е. Имаше многу српски знамиња насекаде се зборуваше на српски. Да среќен сум“.
Многумина Срби на трибините се радуваа и кога Јокиќ по натпреварот дојде да ги поздрави во друштво на Марко Ѓуриќ, амбасадорот на Србија во САД, кој носеше големо српско знаме.
Nikola Jokic ended the night by greeting a giant group of Serbian fans in D.C. There were also a number of Serbian/Montenegrin diplomats to greet him as well. And a ton of security. pic.twitter.com/xmsNfckzDR
— Mike Singer (@msinger) March 23, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.