Најмалку 17 индиски војници се убиени во напад на бунтовниците во воената база во кое е седиштето на воената управа во Ури, во индиската сојузна држава Џаму и Кашмир, соопштија во недела властите.

Како што пренесува индиската новинска агенција ANI, во нападот војската успеала да ликвидира четворица напаѓачи. Според војската толку напаѓачи успеале да продрат на територијата на воена база, а започната е потрага по можни соучесници на напаѓачите.

Војската со хеликоптери ги транспортирала ранетите војници, а министерството за одбрана соопшти дека во нападот се ранети 35 војници, а десет се во критична состојба.

Големиот број жртви се објаснува со тоа што со како резултатот на нападот дел од шаторите на територијата на воената база биле зафатен од оган, пренесува агенцијата повикувајќи се на портпаролот на индиската армија. Причината за пожарот не е утврдена, а се сомнева дека е предизвикан од експлозиите на гранати кои ги користеле напаѓачите. Станува збор за најголемиот број жртви во напад на бунтовниците досега годинава воопшто во Индија.

Групата тешко вооружени бунтовници околу 5,30 часот утрото по локално време, околу 2 часот по македонско време, ја нападнала базата на пешадискиот баталјон во градот Ури, во округот Барамула. Борбите траеле неколку часа, пренесуваат локалните медиуми повикувајќи се на воени извори.

Министерот за одбрана Манохар Парикар и началникот на Генералштабот на индиската армија генералот Далбир Синг Сухаг треба подоцна да го посетат немирниот Кашмир. Поради овој напад и шефот на индиската дипломатија Раџнат Синг го одложи за во неделата планираното патување во Русија.

Засега ниедна група не ја презема одговорноста за нападот врз војската во Ури. Армиски извори рекле дека засега е тешко да се каже дали станува збор за локални милитанти или за исламистички терористи кои се инфилтрирале преку линијата на раздвојување со Пакистан.

Во индиската сојузна држава Џаму и Кашмир активни се сепаратистички бунтовници, кои се залагаат за независност на областа Кашмир или за нејзино присоединување на Пакистан. Притоа во Кашмир меѓу Индија и Пакистан а војските на двете земји патролираат по линијата на раздвојување.

Нападот се случи во екот на зголемените тензии во единствениот индиски регион во кој мнозинство се муслиманите, каде повеќе од два месеца траат протести поради убиството на командантот на сепаратистичките сили. Најмалку 78 цивили се убиени во уличните судири со индиските безбедносни сили за кои групите за човекови права критикуваат дека е употребена прекумерна сила.

Индија и соседен Пакистан досега трипати војуваа меѓу себе од стекнувањето на независноста во 1947 година, од кои две околу Кашмир над кој двете земји сакаат целосна контрола, и редовно изведуваат нуклеарни тестирања откако кон крајот на 1990-те официјално станаа нуклеарни земји кои поседуваат и нуклеарен воен персонал.

Двете земји во 2011 година започнаа мировен процес, но тензиите меѓу нив се зголемија последните две години. По ненадејната посета на Моди на Пакистан на почетокот од годинава, двете земји одлучија да започнат дијалог за решавање на спорните прашања Билатералните средби на високо ниво се предвидена за јануари во Исламабад./крај/мф/сн

Извор: Макфакс