Македонија
Османи – Џачка: Заедно одевме рака под рака, така и ќе продолжиме – 2030 реална можност Македонија и Албанија да станат членки на ЕУ
![](https://makfax.com.mk/wp-content/uploads/2023/03/334253871_488265013378103_1131977387142632713_n.jpg)
Македонскиот министер за надворешни работи, Бујар Османи, на средба со шефицата на дипломатијата на Албанија, Олта Џачка, истакна дека биле споделени исти стратешки надворешнополитички приоритети.
„Сојузници во НАТО, со 100 % хармонизација на својата надворешна политика, со заедничката надворешна и безбедносна политика на ЕУ“, рече Османи. Изрази оптимизам дека 2030 година е реална можност за двете земји заедно да станат полноправни членки на ЕУ.
На прашањето зошто Албанија замижува пред официјална Софија за статусот на македонското население во Албанија и за т.н. тивка асимилација во таа држава, Џачка рече:
„Не знам дали слушнав добро, не знам дали некогаш сме замижале пред официјална Софија, напротив, Албанија секогаш била многу гласна дека една земја не може да го блокира влезот на Албанија и на Македонија во ЕУ. Мигот кај што сме денеска е момент на геостратегиска важност, а војната во Русија направи ЕУ да се освести и да сфати дека и треба поактивен пристап особено кон земјите од Балканот. Процесот на проширување е поврзан не само со безбедноста на Балканот туку и со цела ЕУ“, истакна таа.
„Денеска имаме брза лента и имаме можност сите заедно да одиме на таа брза лента и ние треба да бидеме свесни и подготвени кон нашите обврски. А блокадата не им штети само на нашите држави туку и на цела ЕУ“.
Децидна е дека нема никакво замижување кон Бугарија.
„Јас немам информација дека има обид за асимилација на македонското население во Албанија од страна на Бугарија, има некои спорадични случаи, имаме тесна соработка со надлежните за да видиме колку е голем овој проблем и секоја информација што ќе ја имаме ќе биде навремено изнесена во јавноста“, додаде Џачка.
На прашањето што доколку Македонија не успее навреме со уставните измени и дали Албанија ќе оди сама на патот кон ЕУ, Џачка одговори:
„Сите политички фактори треба да го имаат интересот на државата и на граѓаните, уставните измени треба да се случат и сите треба да покажат свест дека на таков начин ќе се пристапи на патот кон ЕУ. За нас ова е еден миг кој има нова динамика ,а ЕУ е посвесна за потребите на овој регион и посвесна колку целиот процес е поврзан со европската сигурност“, потенцира таа.
Процесот, како што додаде, треба да оди напред за целиот регион.
„Заедно сме оделе рака под рака и ќе продолжиме да одиме така. И ако некој остане назад, ќе остане назад во неповолноста за нивните граѓани“, појасни Џачка.
Османи додаде дека многу луѓе очекуваа дека Албанија ќе почне да тактизира со Бугарија на патот кон ЕУ, но тоа не беше така, некогаш повикот на Рама беше посилен и од оној на Северна Македонија, оцени министерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.