Спорт
Босанец очевидец на хаосот во Скопје: „чкембарите“ дрогирани фрлаа со камења
![](https://makfax.com.mk/wp-content/uploads/2023/03/337881410_902957887642117_8599982950485018952_n.jpg)
Големиот инцидент на синоќешното дерби Вардар 1961-Еурофарм Пелистер е главна тема на спортските медиуми во регионот. Очевидец бил Босанецот Ален Амиџиќ, кој за порталот „Sportsport.ba“, од прва рака раскажл што се случувало во салата „Јане Сандански“.
Вардар 1961 го победи Еурофарм Пелистер со 31:24 и направи голем чекор кон освојување на нова титула во домашното првенство. Наместо за ракометот главна тема е хаосот што го предизвикаа гостинските навивачи „Чекмбари“, во 17.минута.
„На почетокот имаше добра атмосфера во салата. Капацитетот на салата е над 6.000 а сите билети беа продадени. Само 500 билети беа достапни на денот на натпреварот и тие беа распродадени. Почна играта, а навивачите на Пелистер доцнеа петнаесетина минути и тогаш влегоа. Пред да влезат, фрлаа топовски удари во ходникот додека ги претресуваа, фрлаа петарди кон навивачите. Беа навистина немирни од самиот почеток.
Само што влегоа на нивната трибина почнаа да се однесуваат како хулигани. Сите дрогирани почнаа да ја тресат и да ја кршат оградата која беше поставена околу нивниот бокс. Запалија факели и почнаа да фрлаат и други предмети. Што знам што би можеле да имаат, шишиња, камења…
Фрлеа кон навивачите на Вардар, но Комити беа далеку од нив, па фрлаа по луѓе, жени и деца. Комитите добро реагираа, штом видоа што се случува и дека луѓето се во опасност, истрчаа преку теренот до гостинските навивачи.
Нивните играчи побегнаа во соблекувалната, додека вардарците ја смируваа ситуацијата. Тоа траеше долго, пет или десет минути. Навивачите на Вардар дојдоа под трибината на која беа Чкембарите и фрлаа предмети кон нивниот бокс. Долго се гаѓаа меѓусебно.
Полицијата доцнеше. Лошо беше организирано, можеби за се е виновна полицијата. Првото, внесоа во салата се што можеа, вклучувајќи камења и стапови. Подоцна кога навивачите на Вардар ја пробија оградата и истрчаа на теренот, немаше полицаја да ги спречи.
Пет минути фрлаа со камења и се додека не дојде полиција и не ги избрка навивачите на Вардар.
Натпреварот беше прекинат. Откако се смири ситуацијата, судиите и капитените излегоа и решија да го продолжат натпреварот. Сепак, навивачите на Пелистер повторно фрлија се што можеа кон навивачите. Фрлаа кон местото каде што „семејната трибина“ која им беше најблиску“, раскажа Амиџиќ.
По дербито, МВР соопшти дека уапсени биле 18 навивачи на Пелистер.
Фото/facebook.com/rkvardar
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Диого Коста португалски херој, ја елиминира Словенија
![](https://makfax.com.mk/wp-content/uploads/2024/07/PORTUGAL.jpg)
Еден од најдобрите фудбалери на денешницата беше мотивиран да постигне гол од самиот старт на натпреварот, но одбраната на Словенија одлично се снајде. На крајот од судиското продолжение Кристијано Роналдо имаше шанса да и донесе водство на Португалија од пенал, но не успеа.
Драма, следуваше пенал завршница.
Искуството си го направи своето, Португалија оди понатаму.
Тие ја совладаа Словенија на пенали и со тоа се пласираа во четврт-финалето на ЕП. Регуларниот дел од натпреварот заврши со резултат 0:0, како и дополнителни половина час игра.
Во четврт-финалето Португалија ќе игра против Франција која со 1:0 ја победи Белгија.
Португалскиот голман Диого Коста, кој ги одбрани сите три удари на Словенците е херој на мечот.
Од почетокот на играта Словенците беа поставени во карактеристична формација 4-4-2. Кристијано Роналдо имаше многу проблеми, неговиот најдобар напор во првото полувреме беше неговиот слободен удар во 34. минута.
Тој шутираше од околу 20 метри, а топката отиде само над стативата.
Португалија најблиску дојде до гол во втората минута од судиското надополнување во првото полувреме, кога Палиња силно повлече од работ на шеснаесетникот.
Топката мина покрај десната статива од голот на Облак.
Во првото полувреме Словенците напаѓаа само неколку пати, но не успеаја да создадат голема шанса.
Португалија ја мина групната фаза како првопласирана во групата Ф пред Турција, Грузија и Чешка.
Словенија беше трета во групата Ц пред Србија и зад Данска и Англија.
Спорт
Еден од најдобрите шутери во историјата на кошарката
![](https://makfax.com.mk/wp-content/uploads/2024/07/klej.jpg)
Клеј Томпсон (34) наскоро ќе стане нов играч на Далас Маверикс, каде ќе создаде нов супер тим со Лука Дончиќ и Кајри Ирвинг.
Веста сè уште не е официјална, но врвниот НБА инсајдер Адријан Војнаровски објави дека зделката е завршена.
Томпсон треба да потпише договор на три години, за вкупно 50 милиони долари, за тимот кој минатата сезона играше во финалето на НБА.
Голден Стејт Вориорс не сакаа да му понудат на Клеј Томпсон повеќе од 20 милиони годишно поради хаотичната ситуација со преголемите договори, кои тој ги сметаше за навредливи и реши да бара нов клуб.
Така и официјално заврши ерата на династиите на браќата Сплеш, беше разбиен најдобриот шутерски тандем на сите времиња.
Томпсон е четирикратен шампион во НБА со Вориорс. Пет пати беше на Ол-стар натпреварот, двапати беше избран за трет најдобар тим во лигата и еднаш за најдобар одбранбен тим.
Минатата сезона, по големите проблеми со повредите, тој имаше просек од 18 поени, 3,3 скока и 2,3 асистенции
Спорт
Специјален гостин на тренингот на Српската кошаркарска репрезентација
![](https://makfax.com.mk/wp-content/uploads/2024/07/treningg.jpg)
Кошаркарскиот великан Владе Дивац беше специјален гостин на затворениот тренинг на кошаркарската репрезентација на Србија на подготовките во Стара Пазова соседна Србија.
Кошаркарската репрезентација на Србија е во почетна фаза од подготовките за Олимписките игри во Париз 2024.
Како што се наведува во соопштението на КСС, Дивац на кошаркарите им посакал добро здравје како предуслов за успех.
„Анегдотата што Владе ја раскажа за тренингот со тренерот Пешиќ ќе остане меѓу ѕидовите на тренинг салата“?!
Дивац го освои светското злато со тренерот Пешиќ во 2002 година во Индијанаполис.
Што се однесува до Олимписките игри, тој освои сребро во Сеул во 1988 година и во Атланта во 1996 година.