Спорт
Челси пријави рекордна загуба
![](https://makfax.com.mk/wp-content/uploads/2023/03/14183625.jpg)
За фискалната 2021/22 година, фудбалскиот клуб Челзи има нето долг од 121,3 милиони фунти. Од клубот појаснија дека долгот е поради „вонредни трошоци и намалување на продажбата на билети“, по санкциите наметнати на поранешниот сопственик Роман Абрамович.
Роман Абрамович го стави клубот на продажба на почетокот на март по почетокот на конфликтот во Украина кога му беа воведени санкции, а сето тоа заедно ја искомплицира продажбата на клубот кој исто така беше под санкции.
Челзи не можеше да продава билети за натпревари, претрпе големи загуби на други фронтови бидејќи работењето на клубот беше условено со правила на Владата.
„Во овој период клубот беше ограничен во многу сфери на бизнисот – не можевме да продаваме билети, сувенири, не можевме да потпишуваме договори со играчи, со спонзори… и сето тоа доведе до големи загуби“, соопштија од клубот.
„Покрај тоа, се очекува сето ова да влијае на финансиската состојба на клубот во наредните години поради долгорочното влијание што овие ограничувања го имаа на различни договори“, се додава.
Една од позитивните страни е зголемувањето на приходите од 434,9 милиони фунти на 481,3 милиони фунти благодарение на враќањето на навивачите на трибините по пандемијата на коронавирус.
Исто така, комерцијалната заработка порасна на 177,1 милиони фунти по продолжувањето на некои спонзорски договори, но и склучувањето на неколку нови.
„Сето ова заедно доведе до рекордна загуба од 121,3 милиони фунти“, се заклучува во анализата на Челзи за финансиската година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Германците се пласираа во четвртфиналето, откако ја совладаа Данска
![](https://makfax.com.mk/wp-content/uploads/2024/06/germ-1.jpg)
Фудбалерите на Германија ја совладаа Данска и се пласираа во четвртфиналето.
Овој натпревар дефинитивно го одбележа пред се силен дожд, грмежи, гром кој удри во близина на стадионот поради што натпреварот беше прекинат, а првото полувреме траеше час и 16 минути.
Што се однесува до фудбалот во првото полувреме, темпото на моменти беше исклучително високо, а играта динамична и интересна, особено кога Германците доминираа.
А во овој натпревар, го оправдаа она што се очекуваше од нив.
Тие веќе постигнаа гол во четвртата минута, кој беше поништен поради прекршок во нападот. Каспер Шмајхел шест пати мораше да ги одбрани Данците, а по ударот на Кимичо беше опасно бидејќи ударот беше силен и прецизен.
Најдобриот напад на Данците беше на крајот од првото полувреме кога Хојлунд имаше ситуација 1 на 1 со Мануел Нојер и не успеа да го матира, па резултатот остана 0:0.
Во вториот дел видовме поголема драма и возбуда.
Германските фудбалери рутински ја совладаа Данска со 2:0 во осминафиналето на Европското првенство
Спорт
Златното момче со најскап трансфер
![](https://makfax.com.mk/wp-content/uploads/2024/06/lamal.jpg)
Ламине Јамал, десното крило на Шпанија и Барселона, по одличната сезона за клубот се истакна и за националниот тим на ЕУРО 2024.
Каталонскиот Мундо Депортиво на својата насловна страница открива дека неговиот клуб среде ЕП во Германија одбил понуда од 250 милиони евра за продажба на Ламине. Изворот наведува дека понудата била испратена од ПСЖ, но Барселона ја одбила сумата што би можела да го направи најскапиот фудбалер тинејџер во историјата.
Жоан Лапорта во март откри дека добил и одбил понуда од 200 милиони евра за феноменот од неименуван клуб.
Уште тогаш шпанските медиуми пишуваа дека е испратена од ПСЖ.
Интересно, најскапиот трансфер во историјата е оној од Барселона во ПСЖ во 2017. Тогаш Нејмар направи трансфер за 222 милиони евра.
Барселона мораше да го пушти бидејќи неговата откупна клаузула беше многу висока. Клаузулата на Јамал изнесува една милијарда евра.
Спорт
Резултатот, не е разочарувачки
![](https://makfax.com.mk/wp-content/uploads/2024/06/SPALETI.jpg)
Во првиот натпревар од нокаут фазата Италијанците загубија од Швајцарија со 2:0 и останаа без можност да ја одбранат титулата освоена пред три години.
За Спалети исто како и за Пикси, резултатот не е разочарувачки.
„Тој гол на почетокот на вториот дел ни ги отсече нозете. Разликата ја направи темпото, тие беа многу побрзи од нас.
Не можеме повеќе од ова, на ова ЕП не дојдовме во најдобра кондиција“, изјави Спалети.
„Што се однесува до одговорноста, таа секогаш е на тренерот. Јас бирав. Гравина секогаш ме третираше како сериозен професионалец и ќе видиме што ќе каже“.
Морам да сменам нешто, но мислам сепак ова не е толку лош резултат.
Поминавме низ тешка група, ова се нашите можности.
Темпото на игра пресуди во корист на Швајцарија, изјави Спалети.