Свет
Лавров: Знаеме зошто се бориме во Украина, Русите мора да се ослободат
Русија спроведува специјална воена операција за да ги заштити Русите и оние граѓани кои зборуваат руски јазик, а кои се угнетувани од Украина со кршење на сите меѓународни норми, изјави рускиот министер за надворешни работи Сергеј Лавров во интервју за руските медиуми.
– Нашата специјална воена операција ја извршуваме токму поради тие луѓе кои се угнетувани, кршејќи ги сите меѓународни норми и принципи, кршејќи ги основите на кои беше прогласена независноста на Украина. Во Декларацијата за независност конкретно стои дека сакаат да бидат неутрална, неврзана земја и дека ќе бидат. Отворено велат дека на Русите и на граѓаните што зборуваат руски во областа и на националните малцинства воопшто им се гарантирани сите права и изјавуваат дека сакаат да живеат во мир, добрососедство и хармонија со сите свои соседи. Сето тоа сега е пречкртано и предадено на неонацистите кои сега се на власт во Киев – рече Лавров.
– И затоа знаеме за што се бориме. Знаеме дека сакаме да ги ослободиме овие луѓе од каква било закана што сегашните украински власти можат да ја создадат за нивните животи, нивните традиции, нивните семејства – нагласи министерот.
Лавров додаде дека „тие не бираат историја и географија“, па Русија „нема право да ги остави овие луѓе да бидат растргнати од нацисти и расисти“.
Претходно, рускиот претседател Владимир Путин, во обраќањето пред Федералното собрание, објави дека СВО е покрената за да се заштитат луѓето, да се обезбеди безбедноста на земјата, како и да се елиминира заканата од украинскиот неонацистички режим,пренесе Новости.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.