Спорт
Митровиќ и Силва му се извинија на судијата за хаосот на мечот со Јунајтед
Менаџерот на Фулам, Марко Силва и напаѓачот Александар Митровиќ му се извиниле лично на судијата Крис Кавано за нивното однесување во мечот од ФА купот против Манчестер јунајтед во обид да добијат помали казни.
Митровиќ доби црвен картон откако го турна Кавано протестирајќи го црвениот картон на Вилијан по играњето со рака во шестнаестникот, а и Силва доби црвен картон за реакцијата во неверојатни сцени на „Олд Трафорд“ по кои Фулам од 1:0 водство загубија со 3:1.
Митровиќ покрај извинувањето прифати да добие казна од клубот и се извинил на своите соиграчи за реакцијата, а Силва изјави дека нема да има проблем ако Кавано повторно им суди на Фулам.
„Бев со мојата репрезентација и имав време да се осврнам на мечот со Манчестер јунајтед. Сите знаете дека тоа беше емоционален меч во обид да се стигне до полуфиналето во ФА купот. Лично жалам за моето однесување по кое добив црвен картон. Дозволив фрустрациите да ме совладаат и реагирав погрешно. Сфаќам дека не требаше да го допирам судијата и го сфаќам црвениот картон, првиот од 2015/16. Ја прифаќам казната од три меча за картонот, зборував со судијата Крис Кавано да се извинам и доброволно побарав казна од клубот. Сакам инцидентот да го оставиме зад нас“, вели Митровиќ.
Aleksandar Mitrovic podría llegar a estar suspendido hasta con 12 partidos por parte de la FA tras empujar a un árbitro durante el partido del Fulham vs Manchester United por la FA Cup. pic.twitter.com/M6aBHHUZ71
— Futbol de Inglaterra (@Mercado_Ingles) March 21, 2023
🚨 BREAKING 🚨
Aleksandar Mitrovic and Marco Silva have both apologised to Chris Kavanagh for their behaviour at Old Trafford during the FA Cup defeat against Manchester United pic.twitter.com/uhIvE95lDC
— Football Daily (@footballdaily) March 29, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг ќе добие отказ, можен наследник е Де Зерби
Иако Манчестер јунајтед го освои ФА Купот, гласините за отказот на Ерик Тен Хаг не стивнуваат. Доколку тоа се случи, прв фаворит на клупските челници е Роберто де Зерби.
Тен Хаг тврдеше дека новите луѓе во спортскиот сектор му рекле дека сакаат со него да го започнат новиот проект. Сепак, тој истакна дека доколку сакаат да го заменат, има каде да оди да освојува трофеи.
Можеби воторото сценариото ќе се оствари, бидејќи на „Олд Трафорд“ не се импресиоирани од она што во две сезони го оствари Тен Хаг.
Како што пренесува „Гардијан“, Џим Ретклиф го контактирал поранешниот тренер на Брајтон, Роберто де Зерби. Италијанецот ги напушти „галебите“ на крајот од сезоната, а неговото име се поврзува со голем број големи клубови.
Ако Де Зерби не ја прифати понудата, на листата кандидати следуваат: Томас Тухел, Киеран Мекена, Маурисио Покетино и Томас Франк.
Спорт
Трагедија: литвански кошаркар пронајден мртов во Џенова
Литванскиот кошаркар Ауримас Кибас го загуби животот под мистериозни околности во Џенова.
Кибас, кој има 27 години, паднал од заграда висока 20 метри.
Кошаркарот на Берингброу бил во посета на својот пријател Римантас Даунис кој игра за Сестри. Вечерта кога се случила несреќата бил во ноќен клуб.
Според луѓето кои го виделе, тој бил под дејство на опијати, а наводно бил вмешан во тепачка. Неговите пријатели го загубиле во текот на вечерта, која заврши трагично.
Полицијата не исклучува самоубиство, но не исклучуваат ниту други сценарија.
Спорт
Анчелоти кариерата ќе ја заврши во Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли. Тренерот на „кралскиот клуб“, Карло Анчелоти (64) даде интервју за „Ла Република“ пред последниот натпревар од сезоната. Меѓу другото, тој одби да зборува за доаѓањето на Килијан Мбапе, бидеќи овој трансфер се уште не е официјално потврден.
Најинтересниот одговор на Анчелоти секако е оној за крајот на неговата тренерска кариера.
„Мојата кариера ќе заврши во Реал, но прво сакам да освојам уште една Лига на шампиони. Јас сум Мадридиста, се идентификувам со клубот, сакам да ги израдувам луѓето во клубот и навивачите“, изјави Анчелоти и додаде дека верува оти неговиот син Давиде може да биде главен тренер, но засега остануваат заедно во Реал.
Анчелоти како фудбалер освои седум трофеи со Милан и пет со Рома како централен играч за врска, а уште поуспешена е неговата тренерска кариера.
Од 1992 година до денес ги предводел Реџана, Парма, Јувентус, Милан, Челзи, ПСЖ, Баерн, Наполи, Евертон и Реал, со кого има договор до летото 2026 година.
Досега четири пати ја освои Лигата на шампионите, по два пати со Реал и Милан.