Македонија
„Го жалам Ковачевски, работи во интерес на ДУИ“ – Хајредини не ги штеди ниту Ахмети, ниту Груби, ниту Османи: aјдуци на власт

Дали се задоволени албанското его и решавањето на меѓуетничките односи во државата, дали со поставувањето премиер Албанец ќе биде ставен дефинитивен крај на барањата на Албанците во државата, во интервју за „Макфакс“ одговара ексминистерот за финансии, Џевдет Хајредини.
„Владата сега е пола на пола со Албанци. Во иднина може да бидат и сите министри Албанци, може да имаме премиер Албанец не само во техничка влада – 100 дена, туку цело време, а пак да не се решени работите“, потенцира Хајредини.
Не е задоволен од постапките на Ковачевски за кого ќе рече: „Го жалам, го донеле со намера. Човекот не знае што зборува. Работи во интерес на членови на ДУИ, а не за народот“.
Остро реагира и за огромната бројка на административци според Рамковниот договор и, како што вели, монополот што ДУИ и Артан Груби го имаат во овој дел од системот.
Хајредини анализира дали е можна соработка на партијата на Ахмети со Груевски за уставните измени, па во интервјуто ќе прецизира дека „со сигурност таа приказна не е завршена“.
Функционерите, раскажува Хајредини, исплашени од законот и од товарот на коруптивните дела прават меѓусебни сплетки, кои подоцна ги прават заложници едни на други.
Појаснува: „Груевски го спаси Ахмети од Хаг, Талат Џафери го спаси од притвор Вељановски“.
Крадци се на власт, кои мора да се амнестираат меѓу себе, оценува тој и додава дека пред уставните измени сите се во фаза на амнестирање.
„Јовески тера со сила да стане член на Уставниот суд оти е пред пензија и тој ги држи предметите во фиока, сè е ова заемна амнестија“, истакнува Харједини.
„Тој доаѓа“ – кој доаѓа од ДУИ, каква ќе биде судбината на Ахмети и Груби по расколот во партијата, што ќе се случи со ДУИ доколку Ахмети замине, за чии интереси работи хирургот Османи и слично – во интервју за „Макфакс“ поранешниот министер за финансии, Џевдет Хајредини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Герасимовски: Спортот ја развива кондицијата, дисциплината и спортскиот дух, децата спортуваа со Кокан Ајановски

Вчера, околу триесет деца, придружени од нивните родители, учествуваа на спортската дружба со македонскиот атлетичар Кокан Ајановски. На настанот, дел од проектот „На одмор сум, во Центар сум“, децата од Центар имаа шанса да учат за атлетиката како спортска дисциплина, да трчаат и да се забавуваат покрај Кејот на Вардар, извести општина Центар.
Родителите ја поздравија активноста што ја организираше Општина Центар, која ги поттикнува центарските деца да бидат активни и да го поминуваат летото на креативен и здрав начин. Атлетиката и трчањето, како основни спортови, не само што помагаат за физичката кондиција, туку ја развиваат и самодовербата, дисциплината и тимскиот дух, што е клучно за развојот на младите, велат од Општината.
„Со овие активности се обидуваме да понудиме нешто повеќе за нашите млади центарци. Спортот е најдобриот начин да растат активни и здрави, а ваквите настани се важен дел од нивниот развој. Се радувам што имавме одлично присуство и енергија. Ќе продолжиме да ги поддржуваме ваквите активности и во иднина. Благодарност до нашиот Кокан Ајановски и Паблишер за соработката, на дечињата им приредивме убава спортска дружба“, изјави градоначалникот Горан Герасимовски.
Проектот „На одмор сум, во Центар сум“ продолжува со нови активности овој месец со културни и рекреативни содржини за децата кои го поминуваат летото во Центар, во Скопје.
Македонија
Обезбедени 170 милиони денари субвенции за инвертер клими за ранливите категории, велат од ВМРО-ДПМНЕ

„Владата предводена од ВМРО-ДПМНЕ покажува и докажува вистинска грижа за сите категории на граѓани. Таа грижа посебно се истакнува кај граѓаните од ранливите категории. Секој македонски граѓанин заслужува еднаков третман од државата и покомотни и достоинствени услови за живеење“, велат од ВМРО-ДПМНЕ.
„Врз основа на Програмата за заштита на ранливи потрошувачи на енергија за 2025 година, објавен е оглас за поддршка на домаќинства кои спаѓаат во категоријата ранливи потрошувачи на енергија.
Огласот предвидува субвенции за инвертер клима уреди за граѓани од ранливи категории кој ќе трае 60 дена и за таа цел од Владата се обезбедени 170 милиони денари.
Станува збор за клима уреди од класата А+ со инсталирана моќност од 3,5 киловати, кој ќе биде вграден директно во домот.
Нема веќе принцип „прв дојден-прв услужен“, клима уредите ќе се набавуваат преку јавна и транспарентна тендерска постапка и истите ќе се поделат според месечните приходи на домаќинствата, од најниски до највисоки се до исцрпување на средствата.
Тоа е гаранција дека уредите ќе ги добијат оние на кои им се најнеопходни и на овој начин ќе се придонесеме семејствата од ранливите категории да имаат поголем комфор во својот дом како во летото, така и во зимата.
А, од друга страна, со оваа мерка се интервенира и во делот на заштитата на животната средина и намалување на загадувањето, посебно во периодот на грејната сезона кога граѓаните ги затоплуваат своите домови.
Освен субвенциите за инвертер клими, за ранливите категории Владата обезбеди и финансиска поддршка за потрошена електрична енергија“, соопшти ВМРО-ДПМНЕ.
Македонија
„Филипче да одговори дали јахтата на која плови со Заев е купена со пари од државни тендери“, прашува ВМРО-ДПМНЕ

„На лицемерието на СДС му нема крај. Додека на прес-конференции и преку соопштенија глумат загрижени за стандардот на граѓаните, нивниот сегашен и поранешен претседател, крстарат со луксузна јахта низ Егејското море“, велат од ВМРО-ДПМНЕ.
„Цела македонска јавност ги виде сликите од Венко Филипче и Зоран Заев како безгрижно, раскомотени со скапи пијалаци и луксузна (како што впрочем и тие ја нарекоа) храна, тераат ќефови на сред Егејско.
После приватната журка со Харис Џиновиќ во Дубаи, дуото Заев и Филипче своето уживање во луксуз го покажаа со јахтата во Грција, кој ретко кој бизнисмен, не само од Македонија, туку и од регионот може да си го дозволи.
Таков луксуз не може да се постигне со чиновничка плата, макар тоа премиерска, министерска, пратеничка, ниту пак со докторска.
Затоа прашуваме и очекуваме одговори, дали јахтата со која пловат Филипче и Заев е на Заев од марката Рива и истата чини 850 илјади евра?
На која фирма ја регистрирал и дали за нејзиното купување се употребени пари од државни тендери?
И додека СДС глумат душегрижништво за стандардот и платите во државата, Филипче и Заев за неколку часа пловење со луксузната јахта, само за гориво трошат една просечна плата“, соопшти ВМРО-ДПМНЕ.