Македонија
Герасимoвски: Славејќи го францускиот јазик, ги зголемуваме културната различност и вредностите што обединуваат
По повод одбележување на Месецот на франкофонијата, градоначалникот на општина Центар, Горан Герасимовски, беше домаќин на завршниот настан садење дрвја во Паркот на франкофонијата.
На настанот присуствуваа амбасадорите на Франција Албанија, Бугарија, Франција, Грција, Романија и Швајцарија, министерот за надворешни работи, Бујар Османи, почесни конзули на земјите франкофони, резидентни во Скопје, Канада и во Белгија, како и ученици од француските паралелки и Францускиот институт, директори на училишта родители и други присутни.
„Ми претставува особено задоволство што денеска имам чест да го отворам овој настан токму од овде од Паркот на франкофонијата, кој сведочи за негување на француската култура во земјата. Мило ми е што сум меѓу толку многу луѓе, обожаватели на делата на Моне и јазикот на Молиер, кој и нас нè обединува во семејството на франкофонски земји“, истакна Герасимовски во своето обраќање.
Тој исто така потсети за проектите што го негуваат францускиот јазик и култура, кои Општина Центар ги организира во соработка со Францускиот институт.
„Францускиот јазик во општина Центар ги обединува наставниците по француски јазик и учениците од основното училиште ‘Димитар Миладинов’, кои организираат настани или француски натпревари, како и учениците од другите училишта, кои учат француски јазик и преку него ја спознаваат француската култура и народ. Францускиот јазик од рана возраст го спознаваат и децата од градинката ’13 Ноември’, кои преку сликовници ги развиваат љубопитноста и интересот за изучување странски јазици“, истакна Герасимовски.
Притоа Герасимовски напомена дека Општина Центар ќе остане посветена да ја негува франкофонијата преку едукативни настани и програми што ќе го збогатат знаењето кај децата и ќе ја зголемат употребата на францускиот јазик. На настанот свои обраќања имаа и амбасадорот на Франција, Сирил Бомгартнер, и министерот за надворешни работи, Бујар Османи, кои заедно со Герасимовски засадија дрвја како симболика на соработката и негувањето на франкофонијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гаши на средба со Ердоган: разменети мислења за унапредување на соработката и за актуелните случувања во регионот и пошироко
Претседателот на Собранието на Република Северна Македонија, Африм Гаши, во придружба на пратениците: Бејџан Иљас, претседател на пратеничката група за соработка со Парламентот на Република Туркије, Никола Мицевски, Оливер Спасовски, Мерита Колчи Коџаџуку и Беким Сали, од 2 до 5 октомври 2024 година претстојува во официјалната посета на Република Туркије, на покана од Нуман Куртулмуш, претседател на Големото национално собрание на Туркије, известуваат од кабинетот на Гаши.
Во рамките на посетата, претседателот на Собранието на Република Северна Македонија, Африм Гаши, оствари средба со претседателот на Република Туркије,Реџеп Тајип Ердоган, на која присуствуваше и претседателот на големото национално собрание на Туркије, Нуман Куртулшуш, како и претседателите на парламентарните групи за соработка и пријателство од двете собранија, пратениците Бејџан Илјаз и Ахмет Килич.
На средбата беа разменети мислења за унапредување на одличната соработка меѓу Република Северна Македонија и Република Туркије, за состојбите во двете држави и за актуелните случувања во регионот и пошироко.
Гаши оствари средба и со министерот за надворешни работи Хакан Фидан, по што се одржа и заедничка средба со пратениците членови на Делегацијата.
Гаши истакната дека средбата претставува можност Република Северна Македонија и Република Туркије да ја зајакнат долгогодишнатаактивна и успешна соработка. Тој оцени дека неодамнешната посета на министерот Фидан на Република Северна Македонија, како и неговата посета на Туркије, се потврда за високото ниво на билатерални односи меѓу двете традиционално пријателски земји и НАТО-сојузници.
Гаши нагласи дека високо ја вреднуваме успешната соработка со Република Туркије во сите полиња и изрази голема благодарност до Туркије, која од самиот почеток беше принципиелен подржувач на нашето членство во НАТО.
Министерот Хакан Фидан ја потврди безрезервната поддршка на Туркије за Северна Македонија на сите полиња и се осврна на потребата за интензивирање на соработката во полето на економијата, реафирмирајќи ја заложбата за зголемување на трговската размена меѓу двете земји.
На средбата беше нагласено значењето на меѓупарламентарната соработка и парламентарната дипломатија за билатералните и мултилатералните односи, во однос на унапредувањето на политичкиот дијалог и зголемувањето на динамиката на севкупната соработка меѓу земјите.
Гаши и пратениците остварија средба и со Ерол Озвар, претседател на Советот за високо образование на Туркије и членови на Советот. На средбата, високата собраниска делегација беше информирана за активностите на ова тело во насока на стратешко планирање на високото образование, координација меѓу универзитетите и воспоставување и одржување механизми за обезбедување квалитетно високо образование. Стана збор и за можностите за унапредување на соработката меѓу Република Северна Македонија и Република Туркије на полето на високото образование, соопшти кабинетот на Гаши.
Македонија
(Видео) ЦУК: Гасењето на пожарот во скопски Чаир се одвива отежнато, се вклучува и специјално противпожарно возило на Армијата
Гасењето на пожарот во скопски Чаир се одвива отежнато поради големата количина на чад и високата температура во подрумите во кои била складирана поголема количина на запаливи материјали, информираат од Центарот за управување со кризи.
Дополнително како помош на скопските пожарникари ќе пристигне специјално противпожарно возило на Армијата, појаснуваат од центарот.
„БППЗ на Град Скопје од 01.50 часот гасне запален магацин на неутврдена површина на ул. „Прохор Пчински“ во Скопје. Интервенцијата ја извршува со 7 возила и 20 пожарникари. На лице место освен единици од БППЗ кои го гасат пожарот се и полиција и Итна медицинска помош. Според утринскиот службен извештај од БППЗ, еден пожарникар бил однесен на токсикологија поради големо количество вдишан чад (Општина Чаир)“, соопшти ЦУК.
Македонија
Ахмети не сака да влезе во Влада: Не сме резервна гума
Првиот човек на ДУИ, Али Ахмети, денеска на конференцијата „100 дена скандали, понижувања и неуспеси“, изјави дека Европскиот фронт не е заинтересиран да стане дел од Владата, бидејќи, како што додаде, тие не се резервна гума.
Ахмети рече дека Европскиот фронт е легитимен претставник на Албанците и помалите етнички заедници, додавајќи дека ВЛЕН не победи на изборите.
„Ние сме легитимните претставници на Албанците, тие не победија на изборите“, рече првиот човек на ДУИ, Али Ахмети.