Црна хроника
Запленети четири килограми дрога во Битола, приведени пет лица
Приведени се пет лица кај кои била пронајдена дрога. Според податоците, вчера на ул.„Краварски пат“ во Битола полицијата запленила околу четири килограми марихуана и ги привела: Г.К.(54) и В.И.(38), двајцата од Битола, А.Д.(34) и А.С.(23), двајцата од с.Мало Турчане, гостиварско и А.Џ.(36) од Гостивар.
Имено, од страна на полициски службеници од криминалистичката полиција при СВР Битола, во с.Кравари, битолско, забележано е патничко возило „мерцедес“, со кумановски регистарски ознаки, а едно лице кое се превезувало со возилото во близина на влез во фабрика за производство на медицински канабис подигнало ќеси со марихуана. Откако возачот ги забележал полициските службеници, од возилото исфрлил две ќеси со марихуана.
Од страна на криминалистичката полиција при СВР Битола, во содејство со Комисијата на за оценување на исполнетост на условите по однос на простор, опрема за чување и складирање на медицински канабис при Министерството за здравство, по претходно издадена Наредба од Основен суд Битола, извршен е претрес во правното лице во с.Кравари, при што се констатирани низа неправилности во поглед на производство, одгледување и складирање на медицинскиот канабис, за што ќе бидат поднесени соодветни поднесоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двојно убиство во скопско Стајковци
Во пукање во скопско Стајковци убиени се две лица, а еден е повреден.
Повозрасен маж ги убил братот и снаата, по што самиот се избодел. Тој во моментов е хоспитализиран во болницата „Свети Наум Охридски“, неофицијално потврдуваат од СВР Скопје.
МВР најави официјални детали за двојното убиство во текот на денот.
Црна хроника
Кривична против маж од Македонска Каменица, ја следел и психички ја малтретирал поранешната девојка
Надворешната канцеларија за криминалистички работи поднесе кривична пријава против 32-годишниот И.Г. од Македонска Каменица, поради постоење основи на сомнение за сторено кривично дело „демнење“, извести МВР.
„Пријавениот, во последните шест месеци следел и на друг начин психички малтретирал девојка со која претходно бил во љубовна врска“, соопшти МВР.
Црна хроника
17-годишник исчезна од установа за згрижување деца во Карпош
Вчера во 11.00 часот во Полициската станица Карпош, од Јавна установа за згрижување деца било пријавено дека од установата се оддалечил нивниот штитеник 17-годишниот М.А., кој и претходно се оддалечувал и бил враќан назад, извести МВР.
Се преземаат мерки за пронаоѓање на лицето.