Македонија
СДСМ: Ги заборавија граѓаните, градоначалниците на ВМРО-ДПМНЕ немаат ниту еден проект
По една и пол година од мандатот, во над 40 општини раководени од ВМРО-ДПМНЕ речиси и да нема реализиран капитален проект, велат од СДСМ.
„Има само непродуктивно трошење на народните пари, задолжување на општините и поскапи комунални услуги за граѓаните.
Општина Прилеп ќе издаде општинска обврзница од пет милиони евра, за чие враќање со се камати ќе бидат потребни 7,5 милиони евра, пари од граѓаните.
Тоа е последниот пример на задолжување на граѓаните, а претходно тоа го сторија и општините Гевгелија, Аеродром, Гази Баба, Бутел.
Покрај задолжувањата, во време на криза градоначалниците на ВМРО-ДПМНЕ удираат и по џебот на граѓаните.
Прилеп, Охрид, Велес, Зрновци, Штип се само дел од општините раководени од ВМРО-ДПМНЕ кои драстично ги зголемија цените на комуналните услуги за граѓаните.
Ова е учиникот на кадрите на ВМРО-ДПМНЕ и шпицниот градоначалник Христијан Мицкоски.
Една и пол година локална власт на ВМРО-ДПМНЕ е една и пол година назадување на општините“, велат од партијата преку нивното соопштение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Вредноста скокнала за 220 милиони евра, најскапата пруга со Бугарија завршува со тунел без крај, рече новиот министер Николоски
Министерот за транспорт и врски Александар Николоски го повика Јавното обвинителство да го испита работењето на Железница-Инфраструктура и на Јавното претпријатие за државни патишта (ЈПДП) врз основа на наводите од извештајот за јавните инвестиции на Државниот завод за ревизија.
Сомнежите, како што истакна Николоски се за патот Дреново-Градско за кој има ризици од арбитража, зголемената вредност на автопатот Кичево-Охрид за 175 милиони евра, а за кој досега се потрошени 446 милиони евра и не е завршен и по 10 години, како и за третата фаза од пругата кон Бугарија каде вредноста е зголемена за 220 милиони евра односно на 560 милиони евра наместо првично планираните 340.
Според Николоски на крајно нетранспарентен процес почната е тендерската постапка пред избори, а понудите на тендерот се доставуваат до денеска. Ќе следи процес на евалуација заедно ЈПДП и меѓународните кредитори ќе се разговара за ревидирање на проектот.
„Ова е најскапата пруга. Таа ќе поминува низ Крива Паланка за што треба да се рушат десетина, можеби стотина куќи и ќе заврши во тунел кој нема крај. Велам во тунел, затоа што поврзувањето со Бугарија е предвидено со тунел, а ние градиме само од нашата страна. Бугарија нема ни проект за ова. Таа има железничка пруга кон Македонија, но нема неколку километри и не знаеме што ќе се случи“, рече Николовски.
Ги повика меѓународните кредитори, како што рече, да седнат и да разговараат дали е ова начин и дали вреди вака да се трошат народните пари, а ЈО да го испита работењето на двете претпријатија.
По промена на раководството во ЈПДП, Николоски најави дека ќе побара декласифицирање на Договорот со Бехтел и Енка за автопатските делници на коридорите 8 и 10Д.
Македонија
Надвор од законот е да има прв вицепремиер, но во коалицијата имаме џентлменски договор тоа да биде Изет Меџити, рече Мицкоски
Надвор од законот е да има прв вицепремиер, но во коалицијата имаме џентлменски договор тоа да биде Изет Меџити, изјави премиерот Христијан Мицкоски одговарајќи на новинарско прашање дали ќе има прв вицепремиер.
„Според законот кој е важечки премиерот има заменици. Договорот што го имаме во рамки на коалицијата џентлменски е да имаме прв вицепремиер и тоа ќе биде Изет Меџити, но тоа е надвор од законот. Законот вели дека премиерот има само заменици. Она што досега е работено на диво и незаконски нема да биде пракса во работењето на оваа влада. Но, да, џентлменскиот договор во нашата коалиција и нашето функционирање е таков“, рече Мицкоски.
Во претходниот владин состав, прв вицепремиер беше Артан Груби од ДУИ.
Македонија
Мисајловски во посета на Командата за операции
Министерот за одбрана Владо Мисајловски заедно со началникот на Генералштабот, генерал-потполковник Васко Ѓурчиновски денеска беше во посета на Командата на операции во Касарната „Боро Менков“ во Куманово, каде оствари средба со командантот, бригадниот генерал Бесник Емини, началникот на штабот бригадниот генерал Мирче Ѓоргоски и најодговорните офицери во командата.
За време на денешната посета министерот Мисајловски беше брифиран за мисијата и задачите кои ги остварува оваа команда, главниот двигател на Армијата во чиј состав се најголемиот број на армиски единици од сите родови и служби кои заеднички придонесуваат за заштитата на територијалниот интегритет и суверенитет на државата и во операции за поддршка на мирот и безбедноста предводени од НАТО, Обединетите нации и Европската Унија.
Министерот Мисајловски на денешниот брифинг упати огромна благодарност до сите припадници на командата за сето она што го направиле досега и порача максимално ќе ги поддржи сите активности и потреби кои ги има оваа Команда и единиците од нејзиниот состав.
„Сакам да ги запознам нашите припадници, чувари на мирот и безбедноста од блиску, да се запознам со вашите потреби и состојби и да направиме се што е потребно вашата работа да ја извршувате беспрекорно. Во мене имате сојузник на кој можете да се потпрете“, порача министерот Мисајловски.
На денешниот брифинг министерот Мисајловски беше брифиран за идните чекори на Командата за операции, опремување и модернизација, обуката и вежбите и прифаќањето и имплементацијата на НАТО стандардите.