Македонија
(Фото) За на Водно да се качат со автомобил, а да не платат паркинг – возачите ги окупираат површините за пешачење
![](https://makfax.com.mk/wp-content/uploads/2023/04/vodno-pat-koli-2.jpg)
Половина километар колона со паркирани возила на патот од Средно Водно кон Македонско село. Ваква е сликата секој сончев викенд, па оние кои тука милуваат да минуваат пеш и да подишат чист воздух се жалат на состојбата.
На и онака тесниот пат возилата едвај се разминуваат додека бараат простор да ја заземат и последната слободна површина, а пешаците се принудени да внимаваат постојано или да ја избегнуваат рутата.
Полициските возила беа забележани викендов додека минуваа покрај колоната без да реагираат.
Паркинг има на Средно Водно кој за време на викендите и празниците се наплаќа 100 денари, поради што голем број скопјани одлучуваат да ги оставаат автомобилите покрај патот.
Од Град Скопје и ЈП „Градски паркинг“ претходно објаснија дека зонското паркирање на Средно Водно било воведено за да се стави ред, односно како дел од заложбите за безбедно рекреирање на пешаците и на велосипедистите во деновите кога е најпосетено Водно.
По пуштањето во употреба на жичницата и бесплатните автобуски линии, Градот Скопје апелираше граѓаните своите возила да ги паркираат на обележаните паркиралишта и да го чуваат зеленилото и јавните површини на Водно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Мицкоски од Вашингтон: Ќе оствариме средби со државници, со бизнисмени и со дијаспората, а ќе најавиме и нова инвестиција
![](https://makfax.com.mk/wp-content/uploads/2024/07/Screenshot-2024-07-07-174622.jpg)
Премиерот Христијан Мицкоски попладнево преку видео-обраќање најави дел од своите активности во рамки на официјалната посета на САД.
„Следниве неколку дена во Вашингтон и во Њујорк ќе престојува владина делегација која што ќе ја предводам јас, а во нејзин составен дел се и министрите за надворешни работи, внатрешни работи и одбрана. Ќе бидеме дел од настанот кој што ќе прославува 75 години од постоењето на НАТО алијансата.
Она кое што сакам исто така да го потенцирам се големиот број билатерални средби кои што ќе ги имам заедно со државници на земји кои што се членки на НАТО алијансата, во деновите кои што следат, но исто така во деновите кои следат ќе имам средби со бизнис заедницата овде во САД, каде што ќе ги презентирам потенцијалите кои што ги нуди Македонија за инвестирање.
Ќе најавам уште една нова странска инвестиција на компанија која што е дел од листата на најголемите 500-тини компании овде во САД, нови десетици милиони евра инвестиција и нови работни места за македонските граѓани.
Тоа е она кое што преставува основен приоритет на новата влада во Македонија. Би сакал исто така да напоменам дека последните денови во Њујорк ќе ги искористам за средба со македонската дијаспора, македонските исселеници.
Би сакал од нив да слушнам што е она што тие го очекуваат од новата влада и нормално, што е она што новата влада ќе го понуди за да можат нашите исселеници да се вратат дома, во нивната татковина, таму да инвестираат и практично да ги избегнат сите оние пречки кои што беа изминатиот период со кои тие се соочуваа при своето доаѓање назад во својата татковина.
Уште еднаш да се заблагодарам на македонската јавност што не следи изминатиот период и да ја охрабрам дека доаѓаат нови убави моменти за македонските граѓани. Ние на најдостоинствен начин, како што ни прилега, ќе ги претставуваме интересите на граѓаните и државата овде во Вашингтон , а потоа и во Њујорк“, рече премиерот Мицкоски.
Македонија
(Видео) Пожар се шири на ридот меѓу Горно Коњари и Миладиновци
![](https://makfax.com.mk/wp-content/uploads/2024/07/Screenshot-2024-07-07-160041.jpg)
Пожар се шири на ридот меѓу Горно Коњари и Миладиновци, информира ЦУК.
„Од 112 во Центар за Управување со Кризи до Сектор за операции и кординација е добиена пријава во врска со пожар кој се шири на ридот меѓу Горно Коњари и Миладиновци.Според информација добиена од БППЗ Скопје се работи за депонијата кон село Миладиновци.Нема информација за штети или дали истиот постои опасност да ги зафати и околните објекти“, велат од ЦУК.
Повеќе од 1 час огнот се гасне од страна на екипи од БППЗ Скопје…
Македонија
Силен земјотрес во Македонија!
![](https://makfax.com.mk/wp-content/uploads/2023/08/ohrid-2.jpg)
Земјотрес со јачина од 3,5 степени според Рихтеровата скала ја погоди Македонија, јавува ЕМСЦ.
Земјотресот се случил во 14 часот и 7 минути, на 15 километри од Охрид, на длабочина од 10 километри.
Засега нема информации за повредени или материјална штета.
Граѓаните на веб-страницата на ЕМСЦ пишуваат дека земјотресот траел кратко, но дека го почувствувале.
„Како некој да ми го затресе каучот“, „Кратко, но моќно“, „Тоа траеше кратко, но се чувствуваше“, се само дел од коментарите на граѓаните.
🔔#Earthquake (#земјотрес) M3.5 occurred 15 km S of #Ohrid (Republic of North Macedonia) 3 min ago (local time 14:07:56). More info at:
📱https://t.co/IbUfG7TFOL
🌐https://t.co/SmcV3yEYJc
🖥https://t.co/FmO253z6S4 pic.twitter.com/aHfinCzY3q— EMSC (@LastQuake) July 7, 2024