Регион
Мајка осомничена дека го полеала детето со врела вода, тригодишното момче починало во страшна агонија
Во Основниот суд во Ниш денеска не почна судењето на Тамара С. (32) од Ниш, чие тригодишно дете почина од изгореници со врела вода бидејќи обвинетата не се појави на рочиштето.
На рочиштето не дојдоа ниту нејзиниот адвокат ниту таткото на момчето, кој е оштетен во овој случај, при што беше кажано дека на таткото на момчето не му била доставена покана, пренесуваат медиумите во регионот.
Ново рочиште е закажано за 11 мај, а на обвинетите ќе им бидат врачени поканите и обвинението дополнето од декември минатата година.
Тамара С. (32) била уапсена по смртта на момчето и потоа била осомничена за запуштање и злоупотреба на малолетно лице, неукажување помош и кршење на семејните обврски, а мајка ѝ Д. Т. е осомничена само за неукажување помош и против неа во редовна постапка е поднесена кривична пријава.
Тригодишниот Г. С. починал откога бил изгорен од топла вода на 28 јануари минатата година под неразјаснети околности, а мајка му не го однела во здравствена установа за да добие помош.
Според неофицијални информации, мајката го намачкала со крем против изгореници и го заспала, но пред зори, на 29 јануари, сфатила дека момчето не дише и потоа повикала брза помош. По доаѓањето на местото на настанот, лекарите можеле само да констатираат смрт на несреќното дете.
Бабата Д. Т. првин кажала дека момчето се изгорело откако само се соблекло и ја вклучило водата под тушот, додека таа ја облекувала петгодишната внука, а Тамара С. го хранела шестмесечното бебе.
Меѓутоа, Д. Т. подоцна ја сменила изјавата и рекла дека во моментот кога момчето изгорело во станот не биле ниту таа ниту мајката на момчето, Тамара С. (32), туку наводно била само нејзината помала ќерка.
Наводно и единаесетгодишното девојче потврдило дека го капело момчето кога тој ја вклучил топлата вода и случајно се попарил, при што добил изгореници по целото тело. Обдукцијата покажала дека момчето имало изгореници на дури 90 отсто од површината на телото поради што починало.
Тамара С. во март беше пуштена да се брани од слобода, а првото психијатриско вештачење, кое беше извршено во април минатата година, покажа дека е привремено процедурално неспособна.
Новото вештачење, кое по наредба на Основното јавно обвинителство Ниш е извршено во Специјалната психијатриска болница, покажало дека таа сè уште е способна да го следи судењето.
Според написите, доколку, дефинитивно, се докаже вината на Тамара С., таа може да биде осудена на најмногу три години затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во БиХ
Земјотрес со јачина од 2,9 степени ја погоди денеска Босна и Херцеговина.
Епицентарот бил во близина на Мостар.
Засега не се знае дали е причинета материјална штета.
Регион
Пумпата за базен го повлекла момчето на дното: детали за трагедијата на Златибор
Момче (6) од Белград вчера се удавило во базен на познат хотел на Златибор, а според неофицијални информации, смртта ја предизвикала пумпата од базенот. Кога момчето нурнало, наводно пумпата го повлекла на дното.
Очевидците на оваа трагедија со сите сили се обиделе да го извлечат детето, но не успеале поради вакуумот, а момчето починало.
По наредба на Основното јавно обвинителство во Ужице, на телото на момчето е наредена обдукција.
Полицијата го уапсила сопственикот на фирмата за одржување на базените. На осомничениот му е одреден притвор до 48 часа. Тој беше обвинет за тешко дело против општата безбедност.
Повреденото момче било придружувано од жена за која постои сомневање дека е баба му, пишува „Блиц.рс“.
Екипата на „Блиц“ стапила во контакт со хотелот во кој се случила трагедијата, но од вработените велат дека не сакаат да даваат изјави за медиумите.
Регион
Работник за одржување базен уапсен поради смртта на момче на Златибор
Полицијата му одредила притвор до 48 часа на одговорниот за одржување на базенот на Златибор, каде што се удави момче (6).
Како што соопштија за „Танјуг“ во Основното јавно обвинителство во Ужице, уапсениот се сомничи за сторено тешко кривично дело против општата безбедност.
Шестгодишно момче на 1 октомври се удави во базен на хотел на Златибор.
На телото на момчето е наредена обдукција.