Македонија
Ковачевски: На пироманите од ВМРО-ДПМНЕ и Левица нема да им дозволиме уназадување на европска Македонија
СДСМ од денеска е на терен, рамо до рамо со граѓаните започнуваме со интензивни активности, рамо до рамо со народот до победа, истакна претседателот на СДСМ и премиер Димитар Ковачевски промовирајќи нова капмања на партијата на власт.
„Рамо до рамо со народот заради подобра иднина на државата а не затоа што наредната година ќе има избори“, рече Ковачевски.
Ковачевски со оценка дека власта успешно се справила со кризната и тешка година „ниту фалеше храна, ниту струја“, додаде тој.
„Со деструктивната континуирана омраза на опозицијата преку апокалиптични сценарија за колапс, граѓаните денеска прават разлика кој седи на страна и блокира а кој менаџира процеси во криза“, истакна Ковачевски.
„Деструктивниот потпалувачки опозициски наратив под секое ниво не е добар за општеството, и има з=само една цел да ја уназади европска Македонија. Но ние тоа на пироманите од Левица и ВМРО-ДПМНЕ нема да им го дозволиме. СДСМ е рамо до рамо со граѓаните и ќе ги разобличиме промашените пропаганди, ќе го трасираме победничкиот пат и заедно ќе го поразиме евтиниот популизам“, додаде Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Собранието седници на три комисии
Во Собранието денеска седници ќе одржат Комисијата за финансирање и буџет, Законодавно-правната комисија и Комисијата за политички систем и односи меѓу заедниците.
На дневен ред на Комисијата за финансирање и буџет и Законодавно-правната комисија се две точки – Предлог на законот за изменување и дополнување на Законот за експропријација, по скратена постапка и Предлог на законот за изменување и дополнување на Законот за спречување перење пари и финансирање на тероризам, со европско знаме и по скратена постапка.
Скопје
Делови од Ѓорче Петров и Кисела Вода денеска без струја
Поради планирани зафати во електро дистрибутивната мрежа, денеска без напојување со електрична енергија ќе останат:
-Во период од 10:30 – 11:00 часот, дел од корисниците на место.наречено Присојница – Горно Нерези во општина Ѓорче Петров
– Во период од 09:00 – 12:00 часот, дел од булевар Борис Трајковски (кај Вардар мебел) во општина Кисела Вова.
Македонија
Сончево со мала до умерена облачност
Времето денеска ќе биде сончево со мала до умерена облачност. Попладне и во вечерните часови облачноста ќе се зголеми, а во западните делови ќе има повремен локален дожд. Ќе дува умерен, а наместа долж Повардарието повремено засилен ветер од југоисточен правец. Минималната температура ќе биде во интервал од 1 до 10, а максималната ќе достигне од 22 до 27 степени.
Во Скопје сончево со умерена облачност, која кон крајот на денот ќе се зголеми. Ќе дува умерен, а во делови од котлината повремено засилен ветер од југоисточен правец. Минималната температура ќе се спушти до 5, а максималната ќе достигне до 27 степени.
Под влијание на циклонска активност во петок и во деновите од викендот времето ќе биде променливо облачно со повремени врнежи од дожд. Наместа врнежите ќе бидат пообилни, локално во форма на невреме, проследени со грмежи и засилен ветер.
Потоа во следните два дена ќе настапи стабилизирање на времето.