Регион
Песков за српско-американските воени вежби: Внимателно следиме што прави Србија со НАТО
Русија многу внимателно ќе ги следи воените вежби „Платинест волк“, што Србија ги спроведува со САД и десет други земји, изјави портпаролот на Кремљ, Дмитриј Песков.
„Што се однесува до споменатите вежби, ние секако ќе ги следиме многу внимателно“, одговори Песков на новинарско прашање дали Русија е загрижена поради намерата на Србија да одржи воени вежби со САД. Според него, притисокот врз Белград да зазема антируски став не престанува.
„Постои постојан обид Србија да се стави на страната на оние што се придржуваат до антирускиот став. Знаеме дека Белград е под страшен притисок, притисок без преседан“, заклучи портпаролот на Кремљ.
Српските вооружени сили годинава ќе ја одржат воената вежба „Платинест волк“ со припадниците на американската армија и западните партнери, со што ќе заврши мораториумот за учество на билатерални и мултилатерални вежби со сите партнери, воведен по војната во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во БиХ
Земјотрес со јачина од 2,9 степени ја погоди денеска Босна и Херцеговина.
Епицентарот бил во близина на Мостар.
Засега не се знае дали е причинета материјална штета.
Регион
Пумпата за базен го повлекла момчето на дното: детали за трагедијата на Златибор
Момче (6) од Белград вчера се удавило во базен на познат хотел на Златибор, а според неофицијални информации, смртта ја предизвикала пумпата од базенот. Кога момчето нурнало, наводно пумпата го повлекла на дното.
Очевидците на оваа трагедија со сите сили се обиделе да го извлечат детето, но не успеале поради вакуумот, а момчето починало.
По наредба на Основното јавно обвинителство во Ужице, на телото на момчето е наредена обдукција.
Полицијата го уапсила сопственикот на фирмата за одржување на базените. На осомничениот му е одреден притвор до 48 часа. Тој беше обвинет за тешко дело против општата безбедност.
Повреденото момче било придружувано од жена за која постои сомневање дека е баба му, пишува „Блиц.рс“.
Екипата на „Блиц“ стапила во контакт со хотелот во кој се случила трагедијата, но од вработените велат дека не сакаат да даваат изјави за медиумите.
Регион
Работник за одржување базен уапсен поради смртта на момче на Златибор
Полицијата му одредила притвор до 48 часа на одговорниот за одржување на базенот на Златибор, каде што се удави момче (6).
Како што соопштија за „Танјуг“ во Основното јавно обвинителство во Ужице, уапсениот се сомничи за сторено тешко кривично дело против општата безбедност.
Шестгодишно момче на 1 октомври се удави во базен на хотел на Златибор.
На телото на момчето е наредена обдукција.