Свет
Јулија која тврдеше дека е малечката Меди и во минатото си измислувала дека е некое исчезнато дете
Огромна прашина ширум светот крена објавата на Јулија Вендел (21) на социјалните мрежи дека е Медлин МекКен, дете од Велика Британија кое исчезна во 2007 година. Потоа, ДНК анализата покажа дека тоа не е точно.
„Дејли мејл“, следејќи ја оваа приказна, откри дека ова не е прв пат Јулија од Полска да тврди дека е некоја друга личност.
Нејзината мајка Дорота Ванделт-Чолевински и очувот Пјотр Чолевински се особено вознемирени од постапките на американската медиумска личност, психологот д-р Фиа Јохансон, која по тврдењата на Јулија и’ изрази поддршка и и’ вети помош за да ја открие вистината, туркајќи ја на бројни медиумски настапи.
Семеен пријател за „Дејли Меил“ изјави: „Јулија е многу вознемирена млада жена. Нејзината мајка Дорота е вон себе, не може да поверува, Јулија е многу болна и нејзината мајка само сака да ја добие потребната помош. На почетокот беше јасно дека Јулија не е Медлин, таа само треба да биде дома со своето семејство за да го добие третманот што и’ треба, a тоа ќе го направи нејзиното семејство среќно“.
Домот на Јулија и нејзиното семејство е градот Вроцлав во југозападна Полска. Дорота и нејзината мајка се преселиле овде од северна Полска во 2009 година, кога се разделила од таткото на Јулија, кој се преселил во Германија.
Дорота е успешна деловна жена која води синџир продавници за облека и со платата на нејзиниот нов сопруг успеале да и обезбедат на Јулија приватно училиште.
Поранешна школска другарка рече: „Јулија имаше околу седум години кога се пресели во Вроцлав со својата мајка и отиде во приватно училиште, но потоа беше префрлена во локално основно училиште бидејќи не можеше да се смири. Беше многу збунета и додека одеше на училиште таа одлучи дека сака да биде пејачка, а потоа и модел, но ништо од ова не се случи и стана многу депресивна и лута. Ова што се случува сега не е ново. Кога беше на средината на тинејџерските години почна да зборува дека Дорота не е нејзина мајка и дека таа е навистина дете кое исчезнало во Полска неколку години пред тоа. Толку беше тажно да се види како Дорота ја сака и го сака само најдоброто за неа – таа се побуни и избега од дома и почна да се гледа со момче кое беше зависник од дрога и тоа не ѝ помогна. Не ја видов една година или нешто повеќе, а потоа пред неколку месеци слушнав од една пријателка дека се вратила и оти тврди дека е Медлин МекКен, што сите знаеја дека е смешно бидејќи Меди е помлада“, изјави пријателката на Јулија.
Објавувајќи на интернет дека таа е Медлин – која исчезна на тригодишна возраст од одморалиште во Алгарве во кое престојуваше во Праја да Луз во мај 2007 година – Јулија тврдеше дека не се сеќава на раните делови од нејзиното детство и дека нема извод од матична книга на родени.
Таа напиша: „Не се сеќавам на поголемиот дел од моето детство, но најраното сеќавање ми е многу силно и тоа е одмор на топло место со плажа и бели или многу светли станбени згради. Не го гледам моето семејство во овој спомен“.
Брзо по нејзините тврдења беше истакнато дека таа е две години постара отколку што би била Медлин, но Јулија продолжи да инсистира, на голема тага на нејзиното семејство, дека таа е исчезнатото дете.
„Дејли Мејл“, исто така, откри дека Јулија, која исто така се презива Фаустина и Ванделт, контактирала со полска добротворна организација за да каже дека таа е германска исчезната ученичка и американско дете. Испратила фотографии првично тврдејќи дека е Инга Герике (5), која исчезна од Стендал, Германија во 2015 година и оттогаш не е видена.
Нејзините тврдења биле отфрлени бидејќи разликата во години била осум, а подоцна се дознало дека приказната ја измислила со пријателка.
Потоа повторно стапила во контакт со добротворната организација за да каже дека е Акасија Бишоп, која исчезнала како 19-месечно бебе во Јута во 2003 година и оттогаш не е видена, но тие тврдења исто така биле отфрлени.
Портпаролот на Zaginieni przed Lati рече: „Јулија ни испрати порака двапати за да каже дека е исчезната личност, еднаш рече дека е Германка, а вториот пат дека е Американка. Ниту едното не беше точно и ние му помагавме на семејството на Јулија колку што можевме затоа што е многу јасно дека не и е добро и постојано тврди дека е некој што не е.Нејзиното семејство само го сака најдоброто за неа и тоа да се реши со нејзиното враќање на терапија. За семејството на Јулија таа е многу сакана ќерка, сестра, внука. Не разбираат зошто таа тврди дека е некоја друга“, рече портпаролот.
Еден пријател на Дороти рече: „Семејството не можеше да поверува што зборува бидејќи и’ даваа многу љубов и поддршка кога беше помлада – иако таа ги оттурна и ги отфрли. Нејзината мајка им кажуваше на сите дека нејзината ќерка има проблеми со менталното здравје и побара од неа да престане да лаже и да ги шири овие тврдења, но Јулија само рече дека не верува oти Дорота е нејзината мајка. Јулија вели дека нема извод од матична книга на родени или фотографија, но ги донела со себе од семејниот дом во Вроцлав – таа има сè, документи кои докажуваат која е сигурно е дека не е Медлин МекКен. Таа има проблеми со менталното здравје долги години и има неколку случаи на самоповредување, и’ треба сериозна помош. Јасно е на семејството дека Јулија е мотивирана од сето ова внимание што го добива и според мене д-р Јохансон беше непрофесионална и ја искористи болеста на една млада жена. Тие не гледаат зошто би биле потребни ДНК тестови кога на сите им е очигледно дека Јулија не е Медлин МекКен“, тврди пријател на мајката на Џулија.
Семејството на Џулија не сакаше да ги коментира откритијата, а вработените во продавниците што ги поседува Дорота само велат дека таа била неколку дена отсутна поради возбудата околу Јулија.
Пријателката додаде: „Дорота ја носеше Јулија девет месеци и ја сака со целото нејзино срце. Таа само сака нејзината ќерка да се лекува што е можно поскоро. Но, изгледа дека Јулија едноставно не го прави тоа“.
Дорота, исто така, ги негираше тврдењата дека Јулија доживеала фрактура на черепот кога имала осум години.
Јулија тврди дека поради тоа не се сеќава на своето детство, а д-р Јохансон го користела ова како гориво за тврдењата дека таа е Медлин.
Но, мајката на малата Медлин за „Дејли мејл“ изјави: „Тоа не е вистина“.
Претходно оваа недела, д-р Јохансон објави ДНК резултати кои покажаа дека Јулија е од Полска, а не е исчезнатата Медлин.
Д-р Јохансон рече: „На почетокот таа не сакаше да верува во резултатите од ДНК, велеше: „Што ако некој ги промени резултатите?“, но јас и реков: „Стоп!“
„Како психолог, можам да разберам зошто таа не сакаше да верува дека нејзината мајка е нејзината вистинска мајка. Но, јас и реков – таа мора да престане со оваа фиксација и да ги прифати резултатите од ДНК тестот и да продолжи со својот живот“.
Медлин МекКен, позната како Меди, исчезна од својата соба во португалското одморалиште Праја да Луз на 3 мај 2007 година.
Таа беше на одмор со нејзините родители – Кејт и Гери – двегодишните брат и сестра близнаци и група семејни пријатели и нивните деца.
Таа и близнаците биле оставени да спијат во собата додека МекКен и пријателите вечерале во ресторан оддалечен 55 метри.
Родителите ги проверувале децата во текот на целата вечер, додека Кејт не открила дека Меди ја нема во 22 часот.
Она што следеше се смета за една од најголемите истраги за исчезнати лица во светот.
Португалските власти ја затворија истрагата во јули 2008 година, но родителите на Мада продолжија да работат со приватни детективи.
Скотланд Јард започна сопствена истрага – „Операција Гранџ“ – во 2011 година и истрагите се во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото+видео) Нереди во Лос Анџелес по рациите против имигранти, Трамп вели дека ќе ги забрани маските на протестите
Американскиот претседател Доналд Трамп ја забрани употребата на маски на протестите и ја пофали Националната гарда во Лос Анџелес по серијата насилни судири меѓу демонстранти и агенти на службата за имиграција и царинска контрола на САД за време на викендот.
Американскиот претседател во објава на социјалната мрежа truth social им се заблагодари на припадниците на Националната гарда.
„Одлична работа на Националната гарда во Лос Анџелес по два дена насилства, судири и нереди. Имаме неспособен гувернер и градоначалничка кои, како и обично (само погледнете како ги решаваа пожарите, а сега и нивното многу бавно издавање дозволи – федералната дозвола е завршена!), не се способни да ја завршат работата.
Овие протести на радикалната левица, поттикнати од организатори и често платени провокатори, нема да бидат толерирани. Исто така, отсега, маски нема да бидат дозволени на протестите. Што имаат тие луѓе да кријат и зошто??? Уште еднаш, благодарам на Националната гарда за одлично завршената работа!“
Нереди во Лос Анџелес
Претходно, Доналд Трамп распореди 2.000 припадници на Националната гарда на Калифорнија во Лос Анџелес, и покрај противењето од гувернерот Гавин Њусом, по вториот ден на судири меѓу стотици демонстранти и сојузните имиграциски власти опремени за разбивање нереди.
My feed is FLOODED with California Democrats saying Donald Trump is only trying to make a spectacle of Los Angeles by calling in the National Guard
ARE THEY INSANE??
1) ICE Protestors throwing bricks at federal officers
2) Protesters lighting LA on fire
3) Protestors breaking… pic.twitter.com/8DQ1wa2qcq— Wall Street Apes (@WallStreetApes) June 8, 2025
Сојузните агенти користеле солзавец, шок-бомби и гумени куршуми, додека демонстрантите фрлале камења и парчиња бетон кон возила на граничната патрола. Улиците биле покриени со чад од запален отпад.
Протестите ескалирале откако имиграциските власти претходниот ден спровеле рации во овој калифорниски град, вклучувајќи ја и модната четврт на Лос Анџелес и продавницата Home Depot, при што бројот на уапсени мигранти за една недела надминал 100. За време на протестите, властите уапсиле и истакнат синдикален лидер, обвинувајќи го за попречување на полициска акција.
„Сојузната влада сака спектакл“
Белата куќа најави дека Доналд Трамп ќе ја распореди Националната гарда со цел да се „реши беззаконието што било дозволено да се развие“, додека гувернерот Гавин Њусом, демократ, изјави дека овој потег е „намерно провокативен и ќе доведе само до дополнително зголемување на тензиите“. Њусом подоцна на социјалните мрежи ја обвини сојузната влада дека сака спектакл и ги повика граѓаните да не одговараат со насилство.
🚨 #BREAKING: Secretary Hegseth just announced he is preparing to deploy MARINES to the streets of Los Angeles if the National Guard needs assistance
“Marines at Camp Pendleton are on HIGH ALERT if vioIence continues,” SecDef said
TAKE CALIFORNIA BACK! 🇺🇸 pic.twitter.com/uIWBtQnNAD
— Nick Sortor (@nicksortor) June 8, 2025
Тензиите дополнително се зголемија кога министерот за одбрана Пит Хегсет се закани со распоредување на американската морнарица доколку насилството продолжи. „Ако насилството не престане, маринците од базата Кемп Пендлтон ќе бидат мобилизирани – веќе се во висока борбена готовност“, порача Хегсет.
Распоредувањето на Националната гарда следуваше по судирите во Парамонт и соседниот Комптон, каде што беше запален автомобил. Протестите продолжија и вечерта, кога неколку стотини демонстранти се собраа во близина на продавница за крофни, а полицијата постави бодликава жица за да ја задржи масата.
Трамп сепак има потреба од Конгресот за вакви одлуки
И покрај неговата најава за забрана, Доналд Трамп не може едноставно да забрани носење маски на протести само со објава на социјалните мрежи.
Според американскиот устав, претседателот нема овластување самостојно да донесе вакви забрани кои би важеле на национално ниво. За таква мерка е потребна законодавна постапка, односно одлуката мора да биде донесена од Конгресот, кој има овластување да усвојува закони што се однесуваат на правата на граѓаните и јавното здравје.
Претседателот може да издава извршни наредби што се однесуваат на федерални институции или специфични ситуации под вонредни овластувања, но за општи забрани, како што е носењето маски на јавни собири, потребна е јасна законска основа. Дополнително, дури и Конгресот има ограничени можности да наметне вакви мерки поради поделбата на надлежности меѓу федералната и сојузните држави, бидејќи јавното здравје и безбедноста главно се под ингеренции на државите.
Затоа, објавата на Трамп на социјалните мрежи нема правна сила – за да се спроведе ваква мерка, потребен е закон донесен од Конгресот и усогласен со уставните одредби.
Свет
(Видео) Индустрискиот регион Дњепропетровск погоден од дронови, артилерија и ракетни фрлачи
Во руските напади извршени во текот на ноќта врз централна Украина загинаа пет лица, а причинета е значителна материјална штета, соопштија регионалните власти во неделата.
Индустрискиот регион Дњепропетровск беше нападнат со дронови, артилерија и ракетни системи, при што беа уништени објекти и електрични далекуводи, пренесува „Киев Пост“.
„Напаѓачите го гаѓаа Синелниковскиот округ со наведувана воздушна бомба. Еден маж загина“, изјави претседателот на Обласниот совет на Дњепропетровск, Микола Лукашук, додавајќи дека во нападот биле оштетени и пет приватни куќи и едно детско градинче.
Во Никополскиот округ биле оштетени деловен објект, четири куќи и електрични далекуводи, наведува „Киев Пост“.
🇷🇺🇺🇦 At least five Iskander-K missiles nave struck the cities of Pavlohrad and Dnipro in Ukraine's Dnepropetrovsk region. pic.twitter.com/1GGBdLF0AB
— King Chelsea Ug 🇺🇬🇷🇺 (@ug_chelsea) June 7, 2025
Регионот Дњепропетровск беше цел и пред неколку дена, кога руски сили нападнаа воени објекти за обука, при што загинаа 12 украински војници.
„Украинска правда“ јавува дека во руските напади во саботата биле убиени четворица цивили во Доњецката област: двајца во Јаблуновка, еден во Костјантивка и еден во Сиверск.
Дополнително, уште девет лица биле повредени во текот на денот во истиот регион.
Руската војска извршила 555 напади врз 16 населени места во Запорошката област во последните 24 часа, соопшти утрово шефот на Воената управа на Запорожје, Иван Федоров.
Во објава на „Телеграм“, Федоров наведе дека руските сили извршиле еден ракетен напад врз Хригоривске и шест воздушни напади врз Орехово, Новоандријевка, Мала Токмачка и Чаривне. Тој додаде дека 320 беспилотни летала од различни типови ги нападнале местата Биленке, Јуркивка, Лобкове, Камјанскабачка, Хули Скопље, П. Новоданиловка, Мала Токмачка, Чаривне и Новодаривка. Исто така, според него, извршени се 10 напади врз Новојаковливка, Хуљајполје, Чаривне, Мала Токмачка, Новоандријевка, а под удар биле и Новодаривка и Роботине, пренесе Укринформ.
Пријавени се осум случаи на оштетени станови, приватни куќи и објекти од инфраструктурата. Претходно беше соопштено дека 63-годишен маж бил повреден во руски напад во Приморск.
Свет
(Видео) Силен украински напад врз Москва: гори фабрика, затворени се аеродроми
Украинскиот напад со беспилотни летала врз Москва доведе до затворање на два клучни аеродроми што го опслужуваат главниот град, соопштија руските власти рано наутро во неделата.
Руските единици за воздушна одбрана уништија девет украински дронови што се движеа кон Москва до 4 часот наутро, објави градоначалникот Сергеј Собјанин.
Тој додаде дека службите за итни случаи биле испратени на местото каде што паднале остатоците од дронот во ноќниот напад. Не пријавил никаква непосредна штета.
🔥 Russia: Fuel & lubricants warehouse on fire after an explosion in the Moscow suburb of Pushkino, 19 miles from the Kremlin. (30km)
The fire has now engulfed 5.2 acres. (21,000m²) pic.twitter.com/EtdKzmotoY— Igor Sushko (@igorsushko) June 7, 2025
Украински напад со беспилотно летало, исто така, предизвика краток пожар во хемиската фабрика „Азот“ во Тулската област, при што беа повредени две лица и уништени седум дронови над Калушката област, соопштија регионалните гувернери. И двата региона се граничат со Московската област јужно од главниот град.
Руската администрација за цивилно воздухопловство „Росавијација“ објави на Телеграм дека, со цел да се обезбеди безбедноста на воздушниот сообраќај, ги суспендира летовите на аеродромите „Внуково“ и „Домодедово“.
(Видео) Митева: Одморалиштето Пониква се става на располагање за рехабилитација на повредените од Кочани
Владата во текот на следната недела ќе донесе одлука со која одморалиштето Пониква, кое е во сопственост на Министерството за...
(Видео) Илиевски: МВР набавува сомнителен софтвер за прислушкување
На почетокот на мај оваа година МВР потпишало Договор за набавка на софтвер кој се користи за прислушкување и шпионажа...
(Видео) Петрушевски: 9 милиони евра завршиле во фирма на Заев од Бугарија блиска до Филипче за ископ на јаглен во време на СДС
Огромни суми на пари, кои се бројат во десетици милиони евра, од продажбата на јаглен на ЕСМ завршувале на сметки...
(Видео) Кузеска: Масовна и груба партизација, објавуваме список за 50 партиски вработувања во РЕК Осломеј
Владата на ВМРО-ДПМНЕ спроведува масовна, бртутална партизација на институциите преку нова серија вработувања со партиски списоци, рече денеска на прес-конференција,...
(Видео) Аврамовски: Наместо пари за питијади и ајваријади, општините да инвестираат во повеќе јавни паркинзи, зеленило и подобри услови во градинките и училиштата
Либерално-демократската партија (ЛДП) упатува јавен повик до општините ширум државата: да престанат со расфрлање на јавните средства за еднодневни настани...
(Видео) Силен украински напад врз Москва: гори фабрика, затворени се аеродроми
Украинскиот напад со беспилотни летала врз Москва доведе до затворање на два клучни аеродроми што го опслужуваат главниот град, соопштија...
(Фото) Трамп испраќа 2.000 војници од Националната гарда во Лос Анџелес поради демонстрантите
Администрацијата на американскиот претседател Доналд Трамп соопшти дека ќе испрати 2.000 војници од Националната гарда во Лос Анџелес по вториот...
Колумбискиот претседателски кандидат Мигел Урибе застрелан на изборен настан
Колумбискиот претседателски кандидат Мигел Урибе се бори за својот живот во болница откако беше застрелан во Богота. 39-годишниот сенатор, кој...
Времето денеска ќе биде сончево и многу топло, од утре засилен северен ветер, пороен дожд и грмежи
Времето денеска ќе биде сончево и многу топло со мала до умерена локална облачност. Ќе дува слаб до умерен ветер...
(Видео) Митева: Нов канал за директна комуникација со повредените во трагедијата во Кочани – 070 355 526
Од понеделник (9 јуни), Владата воспоставува директна телефонска линија – 070 355 526 за повредените во трагедијата во Кочани и...
ИЈЗ издаде препораки за заштита од високите температури
Институт за јавно здравје повикува на почитување на мерките на заштита и претпазливост за време на високи амбиентни температури. „Кога...
(Видео) „Харков моментално го доживува најсилниот напад од почетокот на војната“ – најмалку тројца загинати, 22 повредени
Русија го нападна источниот украински град Харков со беспилотни летала, ракети и бомби, при што загинаа најмалку три лица, а...
ВМРО-ДПМНЕ: Kланот Заеви и Филипче преку шема на фирми препродавале јаглен на ЕСМ трипати поскапо и профитирале
Во време на ковид пандемија и енергетска криза Заев и Филипче се богателе врз грбот на граѓаните кои плаќаа драстично...
ЕУ се согласи да го зголеми времето на доцнење на летовите пред патниците да добијат надомест
ЕУ земјите се согласија да го зголемат времето на доцнење на авионските летови што е потребно за патниците да имаат...
Невреме во Скопје: паднати дрвја, поплавени улици, заглавени возила кај „Мавровка“
Поплавени улици, паднати дрвја и пречки во сообраќајот во Скопје по денешното силно невреме проследено со пороен дожд, град и...
(Видео) Снимки од рускиот напад врз Киев: Уништени згради и други објекти, илјадници цивили поминале часови во засолништа
Русија рано утрово започна масовен напад со беспилотни летала и ракети врз Киев и други делови од Украина. Се чини дека...
Уапсен малолетникот кој избоде маж пред џамија во Студеничани
МВР го расчисти вчерашниот обид за убиство што се случи пред џамија во скопско Студеничани и го уапси осомничениот 16-годишник....
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
Николоски: Позицијата на Македонија станува афирмирана во Европа
Дали Извештајот за Македонија ќе се усвои оваа недела и следната во Европскиот Парламент не менува ништо. Ова се историски...
