Спорт
Заврши регуларниот дел од НБА сезоната – Познати се сите учесници во разигрувањето
Заврши регуларниот дел од сезоната во НБА лигата. Изминатата ноќ ја обележаа кошаркарите на Голден стејт Вориорс кои во победата над Портланд постигнаа 157 поени, 55 од нив во првата четвртина.
Источната конференција ја освоија кошаркарите на Милвоки Бакс. Јанис и тмот допрва ќе го добијат противникот во плеј-офот. Истото важи и за Бостон Селтикс.
Торонто Репторс ќе ги пречекаат Чикаго Булс, додека Мајами Хит оди кај Атланта Хокс, победникот ќе игра за седмото место, а поразениот се натпреварува со победникот од првиот споменат дуел за осмото место.
Кој и да триумфира и да биде осми ќе има судир со Милвоки Бакс, додека седмопласираната ќе игра против Бостон Селтикс, што значи дека третопласираната Филаделфија за противник го доби Бруклин Нетс, Кливленд Кавалирс ќе се пресметаат со Њујорк Никс.
На Западот работите стојат вака:
Оклахома Сити Тандер игра против Њу Орлеанс Пеликанс, победникот против подобриот од дуелот Лос Анџелес Лејкерс-Минесота Тимбервулвс ќе се бори за седмото место, поразениот ќе игра за осмата позиција.
Тоа значи дека осмопласираната екипа оди во Денвер, седмопласираниот за прптивник ќе ги има Мемфис Гризлис.
Третопласираната екипа е Сакраменто Кингс и во првата рунда ќе се сретне со актуелните шампиони Голден Стејт Вориорс.
Конечно, го имаме можеби најинтересниот дуел од првото коло од плеј-офот, Феникс Санс против Лос Анџелес Клиперс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.