Регион
Татко ги натерал децата да влезат во кадата и им пуштил студена вода: „Така ќе седите до сабајле“
Татко од северот на Хрватска брутално ги казнувал своите деца за што интервенирала полицијата. Кога пристигнале да интервенираат, полицајците пронашле две премрзнати и голи момчиња во када полна со ладна вода, пренесуваат медиумите во регионот.
Според написите, целата ситуација се заврши на суд.
Драмата за момчињата почнала околу 19 часот на 12 октомври минатата година во семејниот дом. Таткото ги удирал со раце по телото, при што на едното момче му нанел модринки на лакотот и грбот, а на другото на задниот дел од вратот и колковите. Потоа ги натерал и двајцата да се соблечат и ги бркал во бањата за да седат голи во кадата. Притоа ја вклучил студената вода и одбил да го вклучи парното, а потоа широко го отворил прозорецот од бањата, пишува „Јутарњи лист“.
„Вака ќе седите во када до сабајле“, им рекол таткото додека момчињата плачеле и се треселе од студ. Во еден момент нивната малолетна сестра се вратила дома, па и таа го доживеала теророт на таткото. Наводно, тој првин одбил да ја пушти во куќата, а потоа ја удрил со рака по главата и ја плукнал в лице, а на крајот ѝ рекол да не се враќа дома бидејќи ќе ѝ ја скрати косата по што таа повикала полиција.
Немилите сцени ги прекинала полицијата, која го привела мажот, а Обвинителството против него поднесе пријава за повреда на правата на детето.
„Жал ми е за сè и ветувам дека повеќе нема да се однесувам така со децата. Моите синови јадеа ‘галакси’ пред да дојдам дома. Беа бледи. Децата не одат редовно на училиште, тоа го кажа и наставничката тој ден. Инаку, ѝ викнав на мојата вонбрачна сопруга затоа што не се грижи за децата. Ќерката постојано се соблекува, а сите три деца пушат. Инаку, синовите беа во кадата неколку минути пред да дојде полицијата, а прозорецот од бањата веќе бил отворен“, објаснил тој пред судот, пренесува „Јутарњи“.
При утврдувањето на висината на казната судот како олеснителна околност ја зеде неговата претходна неосудуваност, признавање на делото, изрази жалење и ветување дека повеќе нема да ги прави овие или слични кривични дела. Додека негова отежнувачка околност е тоа што покажал многу голема криминална волја и упорност при вршење кривични дела на штета на сопствените малолетни деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Голема полициска акција во Далмација: уапсени неколку лица
Апсења на територијата на Сплитско-далматинската жупанија, јавуваат хрвтаските медиуми.
Според објавеното, акцијата и спроведувањето се резултат на кривична истрага спроведена од Сплитско-далматинската полиција по налог на УСКОК.
„Споменатите дејства се вршат на територијата на Сплитско-далматинската жупанија во врска со повеќе лица за кои постои основано сомнение дека сториле кривични дела против правосудството. По распитот на осомничените, УСКОК ќе донесе одлука за понатамошно постапување во предметниот случај за што навремено ќе ја информираат јавноста“, додаваат од таму.
За апсењата објави и полицијата, пренесува „Индекс.хр“.
„Полициски службеници на Сплитско-далматинската полиција, Службата за организиран криминал, во координација со Канцеларијата за сузбивање корупција и организиран криминал (УСКОК), рано утринава почнаа со реализација на кривична истрага поради постоење основи на сомнение за сторено кривично дело против судството“.
„Истрагата опфаќа неколку лица. Во текот на денот ќе се спроведат итни доказни дејства, а по завршување на истрагата, полициската управа ќе поднесе кривична пријава до Управата за сузбивање корупција и организиран криминал“, соопштија од полицијата.
Регион
Две лица пронајдени мртви во пожар во Грција
Две лица се пронајдени мртви во шумски пожар што беснее неконтролирано во планинска област во централната грчка провинција Коринт, предизвикан од силните ветрови, соопштија грчките власти.
Стотици пожарникари и девет авиони се борат со пожарот што избувна во неделата во близина на крајбрежниот град Ксилокастро на полуостровот Пелопонез, на околу 120 километри западно од Атина. Поради пожарот, неколку села се евакуирани.
Портпаролката на грчката полиција, Константина Димоглиду, рече дека пронајдените тела се изгорени и дека се потребни лабораториски тестови за нивно идентификување.
Грчкото Министерство за цивилна заштита соопшти дека е отворена истрага за случајот.
Грција се соочи со најжешкото лето оваа година по најжешката зима досега, при што големи области добија малку или воопшто немаше дожд.
Регион
Партијата на Ѓукановиќ освои најмногу гласови на локалните избори во Црна Гора
Демократската партија на социјалистите (ДПС) освои 29,9 отсто од гласовите или 19 пратенички места на локалните избори во Подгорица и, веројатно, е најсилната политичка партија во парламентот во главниот град на Црна Гора.
Од друга страна, коалицијата „Движење Европа“, сега на премиерот Милојко Спаиќ, и Демократска Црна Гора на Алексе Бечиќ освоија 21,8 отсто од гласовите и освоија 14 мандати, просрпската коалиција „За иднината на Подгорица“, предводена од Андрија Мандиќ, освои 20,2 отсто од гласовите или 13 мандати, а коалицијата на претседателот Јаков Милатовиќ и на поранешниот премиер Дритан Абазовиќ, „За подобра Подгорица“, освои 10,5 отсто од поддршката или шест мандати.
На вонредните избори во Подгорица гласале 56,4 отсто од избирачите, значително помалку од 2022 година кога на гласање излегле речиси 70 отсто од гласачите. За моќ во Подгорица е потребно мнозинство од 30 претставници во парламентот на главниот град.
Политичкиот аналитичар Милош Бешиќ за ТВ „Вјести“ изјави дека само Демократската партија на социјалистите на поранешниот претседател Мило Ѓукановиќ има причина да биде задоволна по локалните избори во Подгорица.
„По губењето на власта во 2020 година, тие ја зачуваа организацијата и продолжија со сериозна партиска работа. Нивната кампања се сведе на теренска работа и даде резултати. Единствената партија што може да биде задоволна од изборниот резултат е ДПС“, рече Бешиќ.
И покрај тоа, тој истакна дека коалицијата на Јаков Милатовиќ и Дритан Абазовиќ, „За подобра Подгорица“, ќе ја има т.н. позиција тежина на вагата.
Бешиќ смета дека оваа коалиција ќе ја бара функцијата градоначалник на Подгорица и дека договорот првин ќе им биде понуден на Спаиќ и Мандиќ, но не ја исклучува можноста за договор со ДПС.
Вонредните избори во Подгорица беа распишани на крајот на јули откога претходно му беше скратен мандатот на локалниот парламент.