Регион
И по Мило-Мило: Го смениле урбанистичкиот план за да легализираат објекти на Ѓукановиќ
Дирекцијата за просторно планирање и информациски системи при црногорското Министерство за екологија, просторно планирање и урбанизам подготвила Нацрт- измени и дополнување на Просторно-урбанистичкиот план на општина Никшиќ, со кој практично се легализираат дивоизградените објекти во Кочани, кои се во сопственост на поранешниот претседател Мило Ѓукановиќ.
Според црногорскиот информативен портал „Прес“, станува збор за објекти за кои градежната инспекција веќе има донесено решение за уривање на почетокот на месецов.
Во новиот нацрт- план, зелените површини (ЗП), на кои се наоѓаат дивоградбите на Ѓукановиќ се пренаменети во земјиште за домување со мала густина (СМГ).
Со црногорската Дирекција за просторно планирање и информациски системи раководи Марина Изгаревиќ Павиќевиќ, функционер на Демократската партија на социјалистите (ДПС), која беше именувана на актуелната фукција минатата година, на предлог од министерката Ана Новаковиќ Ѓуровиќ
Кон крајот на февруари годинава беше објавено дека измените на Просторно-урбанистичкиот план (ПВП) на општина Никшиќ најмногу се однесуваат на планирање на електроенергетските постројки – соларни централи и инфраструктурни системи – за сообраќајна и електроенергетска инфраструктура, како и за дефинирањето на подрачјата за експлоатација на минерални суровини.
Тогаш никој не спомна дека ќе се менува и планот за просторот кај езерото Крупац, каде што се наоѓаат дивоградбите на Ѓукановиќ.
Да потсетиме, поранешниот црногорски претседател Мило Ѓукановиќ узурпираше две парцели во градот Кочани кај Никшиќ кои се во државна сопственост и на нив изгради ѕид висок неколку метри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Регион
(Видео) 40 исчезнати во Јабланица, министер: Се плашам дека ќе се зголеми бројот на загинати
И покрај напорите на сите расположливи сили со тешка механизација, воспоставувањето на патот меѓу Мостар и Јабланица нема да биде можно до вечерва. Според последните информации, 40 лица се водат за исчезнати на подрачјето на Долна Јабланица, а на тоа место се потврдени 16 смртни случаи.
At least 14 people died, and others are missing in Bosnia and Herzegovina after heavy rain and landslides destroyed homes, roads, and bridges. The municipality of Jablanica, southwest of Sarajevo, was completely cut off.pic.twitter.com/8aBwt4cqRn
— Volcaholic 🌋 (@volcaholic1) October 4, 2024
„Пред сè, сакам да изразам искрено сочувство до семејствата чии членови загинаа. Се плашам дека овие бројки, за жал, ќе растат. Ќе ги обновиме железницата и патиштата, но човечките животи не можат да бидат обновени“, рече министерот Тони Краљевиќ.
Краљевиќ, исто така, нагласи дека Владата на БиХ прогласи природна катастрофа и дека сите материјални и човечки ресурси се достапни за спасување.
Командантот на Штабот за цивилна заштита, Адил Шута, истакна дека приоритет е спасувањето човечки животи и дека се користат чамци за доставување помош, додека армијата и инженерските сили работат на воспоставување на коридорот.