Македонија
Мицкоски: Замислете колку луѓе може да добијат „трикафта“ за 53-те милиони евра пенали за „Бехтел и Енка“
На примитивизам и неодговорност го припишува лидерот на опозицијата Христијан Мицкоски тоа што Владата прифатила да му плати 53 милиони евра отштета на американско-турскиот конзорциум „Бехтел и Енка“ доколку не се изгласаат предложените измени на осум закони. Жално е што пациентите со цистична фиброза чекаат набавка на лекот додека Владата потпишува милионски суми за пенали за кои Мицкоски смета дека се многу извесни поради одлуките на Уставниот суд.
„Навистина жално, тажно, трагично. Замислете колку луѓе може да се третираат со лекот со овие 53 милиони евра, да речеме, пенали што Владата свесно презела да ги плати на приватната компанија затоа што свесно знае дека Уставниот суд веќе донел одлука за неможност за оспорување на одлуката за работната недела од 40 на 60 работни часа. Замислете, со овие 53 милиони евра и плус со оние два милиона евра дополнителни пенали што на месечна основа ги имаат преземено колку пациенти може да се третираат. Немам зборови. Нивниот примитивизам и неодговорност шокираат и колку побргу заминат толку повеќе луѓе ќе се спасат во Македонија. Ова повеќе не е борба што да ја формира Владата, ова е борба да ја минимизираме штетата што на дневна основа се случува во Македонија и да спасиме некој човечки живот. што побргу треба да се охрабрат да излеземе пред граѓаните на избори и да завршиме еднаш со оваа политичка елита“, рече лидерот Мицкоски.
Вчера, членовите на Асоцијацијата за цистична фиброза се пожалија дека иако помина еден месец по изгласувањето на законските измени, кои овозможија поедноставен увоз на лекот „трикафта“, набавка сè уште нема ниту, пак, има план по кој болните ќе го добиваат лекот, а кои сè уште го чекаат. Претседателот на Асоцијацијата, Фики Гаспар, рече дека во земјата има околу 140 болни од цистична фиброза, а лекот „трикафта“ го земаат само дванаесетмина за кои итно беше набавен по смртта на Благојче Илиевски, еден од најгласните борци за негова набавка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата.
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Македонија
Претседателката Сиљановска Давкова се сретна со генералниот секретар на Советот на Европа, Алан Берсе
Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.
На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.
Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.
Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.
На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.
Македонија
(Видео) Битиќи: Над 75% од граѓаните се за членство во ЕУ, власта да каже која е алтернативата
Во сите анкети над 75% од граѓаните велат дека се за членство во ЕУ. Политичарите имаат обврска да носат одлуки, за да одговорат на нивното очекување. Владата треба да каже кој е нивниот план. Очигледно гледаме сценарио во кое за жал продолжува стариот манипулативен приод на оваа гарнитура, да изманипулираме што можеме за избори а после кога ќе ја добиеме власта ништо од тоа не важи, рече пратеникот на СДСМ, Фатмир Битиќи во одговор на новинарско прашање.
На власта беше да ги подобри условите како што ветуваше, додаде тој.
-И сегашната партија ВМРО-ДПМНЕ нема добиено повеќе од 25% од вкупниот број граѓани на изборите Легитимитетот на изборите не мора да значи дека се носат добри одлуки. Но и да прифатиме дека е тоа така, нивно беше да ги сменат условите. Да го сменат и Францускиот предлог, да ја сменат и преговарачката рамка, и да го вратат името. Очигледно гледаме сценарио во кое за жал продолжува стариот манипулативен приод на оваа гарнитура, да изманипулираме што можеме за избори а после кога ќе ја добиеме власта ништо од тоа не важи, додаде Битиќи.
Која е алтернативата? Власта треба да каже како понатаму после одвојувањето на европскиот пат, рече Битиќи.
-Наредната недела изминуваат 100-те дена и убаво на следните пратенички прашања Владата да дојде со план каде ќе се движи Македонија во наредните години, кога е очигледно одвојувањето на европскиот пат од другите земји.