Свет
Нетанјаху им забрани на Евреите да одат на Ридот на храмовите до крајот на рамазан
![](https://makfax.com.mk/wp-content/uploads/2023/04/Ридот-на-храмовите.jpg)
Од денеска до крајот на месецот на рамазан, кој треба да заврши кон крајот на следната недела, Ридот на храмовите ќе биде затворен за Евреите, одлучи во вторникот попладне израескиот премиер Бенјамин Нетанјаху, пренесува „Џерусалем пост“.
Нетанјаху ја донесе одлуката и покрај жестокото противење на министерот за национална безбедност, Итамар Бен-Гвир, и релативно мирната ситуација на светото место во последните денови.
„Одлуката за затворање на Ридот на храмовите за еврејските посетители е сериозна грешка што нема да донесе спокој во регионот. Тоа може само да ја ескалира ситуацијата“, истакна Бен-Гвир во директен напад на Нетанјаху.
Според израелскиот министер за национална безбедност, отсуството на Евреи на Ридот на храмовите автоматски ќе доведе до намалување на полициското присуство таму, што ќе создаде плодна почва за поттикнувачки повици за убиства на Евреи.
„Кога теророт напаѓа, треба да се одговори силно наместо да се подлегне на неговите каприци“, нагласи Бен-Гвир.
Нтанјаху ја донел одлуката по едногласната препорака на министерот за одбрана Јоав Галант, командантот на Израелските одбранбени сили (ИДФ), Херци Халеви, шефот на Шин Бет, Ронен Бар, и од началникот на израелската полиција, Коби Шабтаи.
Непосредно пред објавувањето на одлуката, движењето Хамас ги повика Палестинците да се упатат кон џамијата „Ал Акса“ и да останат таму преку ноќ предупредувајќи го во исто време Израел „да не прави каков било глупав чин против ‘Ал Акса’“.
И покрај заканите за насилство од Хамас и другите палестински терористички групи, 748 Евреи го посетиле Ридот на храмовите во вторникот наутро, без никакви невообичаени инциденти или насилство исто како и во претходните два дена.
Вкупно 3.013 Евреи го посетиле Ридот на храмовите во деновите на славење на Песах (Пасха) оваа година, што за 32 % повеќе во споредба со истиот период минатата година.
Од 2013 година Ридот на храмовите е затворен за Евреите најмалку шест од последните 10 дена од рамазан вклучувајќи ги петок и сабота кога е затворен за Евреи во текот на целата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Конзервираната храна со поминат рок ги труе жителите на Газа
![](https://makfax.com.mk/wp-content/uploads/2023/10/luge-gaza.jpg)
Јадењето конзервирана храна со поминат рок во Појасот Газа поради големиот недостиг на храна предизвика труење кај Палестинците, објави во понеделникот Канцеларијата за медиуми на владата на Газа.
Канцеларијата наведува дека „луѓето јадат конзервирана храна со истечен рок на траење, што предизвикува голем број труења“.
„Гладот и болестите се во пораст меѓу населението во Газа, особено на децата“, се додава во соопштението.
Канцеларијата го обвини Израел дека спроведува систематска политика на гладување и спречување на жителите на Газа да добијат медицински третман.
Исто така, се додава дека цел на израелските сили биле општинските екипи, кои се обидувале да ги обноват бунарите за вода во регионот.
„Израелската армија директно гаѓаше и тимови за цивилна заштита намерно онеспособувајќи ги“, се наведува во соопштението.
Поради војната и израелските ограничувања, кои го прекршуваат меѓународното право, Палестинците во Појасот Газа, особено во северните области, се соочуваат со екстремен недостиг на храна, вода и лекови, што доведува до гладување.
Мартин Грифитс, потсекретарот за хуманитарни прашања на Обединетите нации, на 12 јуни предвиде дека половина од населението на Појасот Газа ќе се соочи со смрт и глад до средината на јули доколку не се укине блокадата со хуманитарната помош.
Прекршувајќи ја резолуцијата на Советот за безбедност на Обединетите нации, со која се бара итен прекин на огнот, Израел се соочи со меѓународна осуда поради неговата континуирана брутална офанзива врз Појасот Газа, почната по нападот на палестинската група на отпорот Хамас на 7 октомври минатата година.
Оттогаш повеќе од 37.500 Палестинци се убиени во Појасот Газа, повеќето жени и деца, а околу 86.000 се ранети, според локалните здравствени власти.
Израел е обвинет за геноцид пред Меѓународниот суд на правдата, чија последна одлука беше да им се нареди на израелските власти веднаш да ја прекинат воената операција во јужниот град Рафа.
Свет
Сестрата на кралот Чарлс итно примена во болница
![](https://makfax.com.mk/wp-content/uploads/2024/06/gfvdfvg.jpg)
Британската принцеза Ана добила лесни повреди и потрес на мозокот по инцидентот во нејзиниот имот во Геткомб парк минатата ноќ и моментно е во болница, соопшти Бакингемската палата.
„Принцезата Ана претрпе полесни повреди и потрес на мозокот по инцидентот во Геткомб парк вчеравечер. Нејзиното кралско височество останува во болницата ‘Саутмед’ во Бристол како мерка на претпазливост за набљудување и се очекува целосно и брзо закрепнување“, соопшти палатата.
Во соопштението се наведува дека кралот Чарлс е информиран за повредите на сестра си.
„Целото кралско семејство е со принцезата и се надеваат на нејзино брзо закрепнување“, заклучи Бакингемската палата.
Свет
Нетанјаху доби предупредување од комисијата што го истражува купувањето подморници од страна на владата
![](https://makfax.com.mk/wp-content/uploads/2024/01/netanjahu.jpg)
Израелската комисија, која спроведе истрага за сомневањата дека имало злоупотреби при владината набавка на подморници и ракетни бродови од Германија, денеска упати предупредување до израелскиот премиер Бенјамин Нетанјаху дека ја искористил својата позиција за да ја одобри набавката, без да ја следи пропишанота постапка.
Комисијата го информира Нетанјаху дека врз основа на собраните докази досега утврдила дека тој ја искористил својата позиција како премиер помеѓу 2009 и 2016 година за да добие зелено светло за купување, без да следи соодветна процедура, објави „Ројтерс“.
Израелскиот премиер Бенјамин Нетанјаху денеска изјави дека набавката на подморници од Германија е клучно прашање за безбедноста на Израел со цел да се одбрани од Иран, кој, како што наведе, се обидува да ја уништи еврејската држава.