Свет
Илон Маск си ја отвори душата: Да се поседува Твитер е болно, би го продал веднаш штом се појави вистинската личност
Сопственикот на Твитер, Илон Маск, изјави за Би-Би-Си дека управувањето со компанијата е „прилично болно“.
Во интервју за Би-Би-Си, мултимилијардерот претприемач рече и дека ќе ја продаде компанијата доколку дојде вистинскиот купувач.
Маск, кој исто така го води производителот на автомобили Тесла и ракетната компанија SpaceX, го купи Твитер за 44 милијарди долари во октомври 2022 година.
Запрашан дали се кае што го купил Твитер, Маск рече дека „нивото на болка е исклучително високо“, но и дека „не е досадно, тоа е прилично возбудливо“.
„Беше навистина стресно во последните неколку месеци“, додаде тој, но рече дека сè уште мисли дека купувањето на компанијата е вистинската работа.
Тој рече дека работите се одвиваат „разумно добро“, наведувајќи дека употребата на платформата е зголемена и дека таа „работи“.
Обемот на работа значи дека „понекогаш спијам во канцеларија“, рече тој, додавајќи дека има кауч во библиотеката „во кој никој не влегува“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.