Спорт
Куман: Ако ја освои титулата Чави заслужува нов договор
Роналд Куман не може да се помири со начинот на кој си замина од Барселона. Холанѓанецот, во октомври 2021 година доби отказ, откако неколку месеци претходно Лионел Меси го напушти клубот.
Куман, во едно интервју, посочи дека претседателот Лапорта го лажел во врска со договорот на Меси. Му ветил дека Аргетнинецот ќе остане, а веќе наредниот ден тој замина од Барселона.
„Не можел да одам на кафе со Џоан Лапорта. Некои работи останаа во минатото и мораме да гледаме во иднината. Разочаран сум од тоа што ми го направи, но мораме да продолжиме понатаму. Си отидов по својот пат. Барселона тргна по својот со Чави“, рече тој. Куман продолжи.
„Не сакам да зборувам за начинот на кој го напуштив клубот. Го кажав тоа што имав да го кажам. Имам впечаток дека Чави е идеалниот тренер за Барселона, тимот напредуваше со него и стана уште посилен. Барса е неговиот дом и ако успее да ја освои титулата во лигата, сосема е логично да го продолжи договорот“.
Куман успеа да го освои Копа дел Реј во 2021 година со Барселона, но по лошиот старт во новата сезона, Лапорта го отпушти по поразот на гости кај Рајо Ваљекано. Наводно тоа го направил во авион додека тимот се враќал од Мадрид во Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Три нови натревари на ЕП, дербито е во Гелзенкирхен
Третиот ден ЕУРО 2024 носи три нови натпревари, два во Ц и еден во Д групата.
Програмата ќе ја отворат две репрезентации од групата Д. Тоа се Холандија и Полска. Двете репрезентации од 15 часот ќе го започнат натпреварот на стадионот Фолкспарк во Хамбург.
Вториот натпревар ќе започне во 18 часот. Првиот меч во Ц групата ќе го одиграат Словенија и Данска. Натпреварот се игра во Штутгарт.
Последниот натпревар ќе се одигра во Гелзенкирхен. Од 21 часот силите ќе ги одмерат Србија и Англија.
Спорт
(Видео) Италија со победа над Албанија ја започна одбраната на титулата
Актуелниот шампион Италија со победа над Албанија од 2:1 ја запошна одбраната на титулата на Европското првенство.
Натпреваро запошна шокантн за Италијанците кои примија гол по само 23 секунди. Бајрами ја искористи грешката на Димарко и го постигна најбрзиот гол во историјата на ЕП. До последната минута од натпреварот тоа беше се што направија Албанците на овој натпревар.
По голот фудбалерите на Албанија веднаш се повлекоа зад топката, а на Италијанците не им требаше многу за да се вратат во игра.
Италија имаше корнер во 11. минута од натпреварот, топката дојде до Пелегрини кој упати одличен центаршут и на втората статива го пронајде Бастони кој ја заби топката во мрежата.
Само пет минути подоцна Италија направи целосен пресврт. Николо Барела ја искористи лошо исфрлената топка од албанската одбрана и упати фантастичен волеј удар кој Стракоша не можеше да го одбрани.
Италија целосно ја презеде иницијативата, Албанија чекаше прилика од контранапад, а во 33. минута Фратези можеше да ја зголеми предноста на „аѕурите“, сепак стативата го спаси Стракоша.
До крајот на првото полувреме Скамака можеше да постигне гол во 40. минута, Стракоша беше на вистинското место и го одбрани ударот на напаѓачот на Аталанта.
Во второто полувреме, Италијанците се решија само да ја контролираат топка и да чекаат грешка на Албанците. Во 60. минута Скамака му ја додаде топката на Киеза, но играчот на Јувентус од 16 метри шутираше покрај стативата.
До крајот Италија имаше иницијатива на теренот, но не успеа да направи многу. Нападите беа бавни, без вистинска идеја и без желба да се нападне голот на Албанија.
Таквата определба можеше сакпо да ги чини, бидејќи Манај имаше шанса во 90. минута по одлична долга топка, но ударот го одбрани Донарума.
Следниот натпревар „азурите“ ќе го играат за пет дена против Шпанија, додека Албанија ден порано ќе игра со Хрватска.
Спорт
(Видео) Бајрами го постигна најбрзиот гол во историјата на ЕП, Италија сепак води во Дортмунд
Репрезентативецот на Албанија, Недим Бајрами го постигна најбрзиот гол во историјата на Европските првенства.
На стадионот „Вестфален“ во Дортмунд, Бајрами ја искористи катастрофалната грешка на Ди Марко и го совлада Донарума по само 23 секунди игра.
Albania scores in 25 seconds against Italy 🤣 #albania #italy #EURo2024 pic.twitter.com/c48owFmYcs
— Heybets (@playheybets) June 15, 2024
Актуелните европски шампиони експресно се опоравија по почетниот шок.
Бастони го изедначи резултатот во 11.минута. Дефанзивецот на Интер, погоди со глава откако остана сам на втората статива по нафрлувањето на Пелегрини.
Четири минути подоцона, Италија направи целосен пресврт. По една флипер ситуација пред голот на Албанија, топката дојде до Барела кој од 15 метри ја смести топката во голот.