Регион
(видео) „Европо, пукаат во нас!“- Косовските Срби со протест и петиција против присуството на РОСУ
Повеќе од илјада студенти на Универзитетот во Приштина со седиште во Митровица, граѓани од Звечан, Митровица и Лепосавиќ, како и пријатели, роднини и членови на семејството на Милан Јовановиќ (39) од Звечан, кој во понеделникот вечерта беше застрелан од припадниците на косовската специјална полиција РОСУ, протестираа денеска во Митровица, пренесува „Новости“.
Колоната луѓе ја почнала протестната прошетка кон Лепосавиќ и кон Бистрички мост во Звечан, каде што се наоѓа контролниот пункт на РОСУ во чија близина и беше застрелан Јовановиќ.
Мирниот протест на Србите бил придружуван од десет членови на РОСУ вооружени со пушки, како и од едно оклопно возило. На паролите што ги носеле Србите пишувало „Тука не ви е местото“, „Заминувајте одовде“, „Европо, пукаат во нас!“.
На околу 500 метри од полициската станица кај Бистрички мост, полицијата се обидела да ги спречи граѓаните, пренесува „Косово онлајн“, а по преговорите кои траеле 10-15 минути прошетката продолжила.
Колоната ја преводела Мирјана, сопругата на застреланиот Србин од Звечан. Таа прва се потпишала и на петицијата со која косовските Срби бараат РОСУ да се повлече од северот на Косово.
„Денеска дојдов тука со луѓево за да добијам правда за мојот сопруг и за сите луѓе кои живеат овде во Косово, да потпишам петиција за отстранување на сите специјални единици од Косово за никогаш повеќе да не се повтори тоа што му се случи на мојот сопруг. Многу е тешко, сите сме загрижени и исплашени. Не можам да ги смирам децата,“ вели Мирјана.
Колоната граѓани што се упатила од Лепосавиќ кон Бистрички мост била запрена од претставници на РОСУ кои не им дозволиле пристап до местото каде што ја потпишувале петицијата.
Полицијата им дозволила премин само на неколку лица, меѓу кои и претставници на општина Лепосавиќ, кои стигнале до пунктот каде што биле собрани граѓани од Северна Митровица и Звечани. Таму ја потпишаа петицијата и со документите се вратиле кај своите граѓани за и тие да ја потпишат петицијата.
Припадниците на КФОР ја следеле ситуацијата од блискиот рид.
Потпишувањето на петицијата продолжува и во наредните денови во сите општини на северот на Косово.
Во меѓувреме, „Ало“ пренесува дека во близина на местото каде што се стационирани специјалните сили на косовската полиција, кај Бистрички мост во текот на ноќта била поставена табла со предупредување „Специјалците на Курти пукаат во Србите“.
Таблата е поставена на местото каде што завчера беше застрелан Јовановиќ, и ги предупредува возачите дека недалеку од него има пункт на РОСУ, кој бил поставен кон средината на декември минатата година за време на барикадите на северот на Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Регион
(Видео) 40 исчезнати во Јабланица, министер: Се плашам дека ќе се зголеми бројот на загинати
И покрај напорите на сите расположливи сили со тешка механизација, воспоставувањето на патот меѓу Мостар и Јабланица нема да биде можно до вечерва. Според последните информации, 40 лица се водат за исчезнати на подрачјето на Долна Јабланица, а на тоа место се потврдени 16 смртни случаи.
At least 14 people died, and others are missing in Bosnia and Herzegovina after heavy rain and landslides destroyed homes, roads, and bridges. The municipality of Jablanica, southwest of Sarajevo, was completely cut off.pic.twitter.com/8aBwt4cqRn
— Volcaholic 🌋 (@volcaholic1) October 4, 2024
„Пред сè, сакам да изразам искрено сочувство до семејствата чии членови загинаа. Се плашам дека овие бројки, за жал, ќе растат. Ќе ги обновиме железницата и патиштата, но човечките животи не можат да бидат обновени“, рече министерот Тони Краљевиќ.
Краљевиќ, исто така, нагласи дека Владата на БиХ прогласи природна катастрофа и дека сите материјални и човечки ресурси се достапни за спасување.
Командантот на Штабот за цивилна заштита, Адил Шута, истакна дека приоритет е спасувањето човечки животи и дека се користат чамци за доставување помош, додека армијата и инженерските сили работат на воспоставување на коридорот.