Свет
Истрага на руската парламентарна комисија: САД создаваат „универзално“ биооружје со генетски инжењеринг
Комисијата за контрола на руската државна Дума ја заврши истрагата за биолошките активности за воени цели на Вашингтон во лабораториите низ Украина врз основа на наодите утврдени во текот на минатата година од руските Трупи за радијациска, хемиска и биолошка одбрана, пренесува „Спутник“.
Во заклучокот од истрагата на американските биолаборатории во Украина се вели дека „Вашингтон работи на „универзално“ биолошко оружје дизајнирано со генетски инжењеринг да предизвика сериозни штети кај непријателите споредливи со оние што би ги предизвикала т.н. „нуклеарна зима“.
„САД имаат за цел да развијат универзално биооружје способно да ги инфицира не само луѓето, туку животните, како и земјоделските култури. Неговата цел вклучува, меѓу другото, нанесување голема и непоправлива економска штета на непријателот“, напиша комисијата во завршниот извештај.
Според извештајот, тајната и таргетирана употреба на такво оружје во очекување на неизбежен директен воен судир може да им овозможи значајна предност на американските сили пред противникот, дури и против оние противници кои поседуваат други видови оружје за масовно уништување.
Поседувањето такво високоефикасно биолошко оружје создава, според мислењето на американската војска, вистински предуслови за промена на природата на современите вооружени конфликти, се вели во извештајот.
Во него, меѓу другото, се посочува дека, за жал, современите научни достигнувања на полето на генетскиот инженеринг, биотехнологијата, токсикологијата и синтетичката биологија ја зголемија можноста за нивна примена за создавањето напредни агенси за биолошко оружје од новата генерација.
Во исто време, откривањето и идентификувањето на нивната примена со користење на традиционални дијагностички алатки стана исклучително тешка.
„Ситуацијата ја прави уште посериозна фактот дека производството на такви биолошки агенси лесно може да се распредели низ различни индустриски ентитети кои можат да ги прикријат агенсите како производи за мирнодобска примена“, се наведува во документот.
Според извештајот, создавањето нови, уште понапредни биолошки агенси не ги отстранува опасностите од традиционалните биолошки оружја.
„Меѓу нив се агенсите како сипаници, антракс, туларемија и чума, кои може да бидат модифицираат за им се зајакнат смртоносните својства. Тука е објективната тешкотија да се утврди вистинската причина за појавата на заразни болести, кои можат да бидат и природни и вештачки,“ предупредува Комисијата на руската Дума.
Опасноста од американското биолошко оружје
Според комисијата на Думата, американската програма за биолошко оружје распространета низ целиот свет е најголемата јасна и реална опасност за биолошката безбедност и на Русија и на светот.
Во последните неколку години, таа се фокусира на офанзивни дејства извршени под превезот на активности дозволени според Конвенцијата за биолошко оружје, како и на антитерористички проекти.
Според комисијата, клучна разлика помеѓу традиционалните програми за биолошко оружје и современите програми што ги спроведува Пентагон е склоноста кон употреба на патогени на малку проучени природни инфекции со висока стапка на смртност, долг период на инкубација и симптоми типични за вообичаени болести. Ова ја комплицира способноста на противниците да ја откријат употребата на такво оружје и брзо да го идентификуваат напаѓачот.
Меѓу најголемите закани, според извештајот, се воените биолошки истражувања засновани на работа со декодираниот човечки геном, кој се заканува радикално да ја промени целата геополитичка и воена ситуација во светот, а според значењето е споредлив со почетокот на „атомската ера“ во 1940-тите и 1950-тите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.