Од Македонија ќе се лета на пет нови локациии. Два авиопревозника, односно „Луфханза“ од Германија и „Визер“ од Унгарија, воведуваат нови авиолинии по поддршката штп ја добиваат од Македонија. Линиите се до Германија, Луксембург, Австрија и Словенија.

„Обезбедивме нови дестинации за нашите граѓани. ‘Луфханза’ ќе лета од Скопје до Франкфурт, и тоа 10 пати неделно. Оваа линија се обраќа од 23 април годинава. Сметаме дека е од големо значење за државата, но и за граѓаните оти аеродромот во Франкфурт е еден од најголемите во Европа и поврзува со меѓународни дестинации. ‘Визер’ ги достави следните дестинации Скопје – Штутгард, Скопје – Луксембург, Скопје – Салцбург, Скопје – Љубљана за што имаше огромен интерес од граѓаните и бизнис-заедницата. Кон овие дестинации планирани се три лета во неделата. Планирано е воведување на овие линии од 1 ноември оваа година. Во однос на субвенциите, финансиската поддршка е за три години“, рече министерот Благој Бочварски.

Вкупната поддршка за авиокомпаниите е 5 милиони евра за три години, рече премиерот Димитар Ковачевски.

„Германската авиокомпанија ‘Луфханза’ и унгарската ‘Визер’ се пријавија и се склучени договори. Финансиската поддршка е за три години, а изнесува 5 милиони евра за трите години. Тие ќе летаат неколкупати дневно. Преку Франкфурт нашите граѓани ќе се поврзат со 200 локации“, рече Ковачевски.

Во овој момент има 48 локации до каде може да се лета од Македонија. 41 се од скопскиот аеродром и 7 од аеродромот во Охрид.