Спорт
Рекордна парична казна за Мане, Сане го спасил да не добие отказ
Садио Мане и Лерој Сане физички се пресметаа во соблекувалната, по поразот од Манчестер сити (3:0), во првиот четвртфинален натпревар во Лигата на шампионите.
Поради овој инцидент, Баерн му изрече рекордна казна на Мане, а германските медиуми шпекулираат дека ќе биде продаден во летниот преоден рок. Баерн му изрече парична казна на Сенегалецот од 500.000 евра. Годишната нето пата на Мане изнесува 10.500.000 евра.
„Билд“, тврди дека од моментален отказ Мане го спасил токму Сане. Тој разговарал со клупските челници јасно посочил дека не сака толку строга казна за својот соиграч, а случајот сега се смета за решен. Мане би можел да се врати уште на реваншот против Сити.
Сенегалскиот портал „Таггат“, вчера објави нова информација и тврди дека Мане бил вознемирен од начинот на кој Сане му зборувал на теренот, по што следела пресметка во соблекувалната. Се започна во 83. минута, кога Сане на теренот го критикуваше Мане што не му ја додал топката.
Во соблекувалната Сане наводно го нарекол Мане: „Ти, црно го..о.“
Садио Мане оваа сезона пристигна од Ливерпул за 41 милион евра. Во својата кариера играше и за Мец Б, Мец, Ред Бул Салцбург и Саутемптон. За репрезентацијата на Сенегал постигна 35 гола на 95 настапи и важи за еден од најдобрите африкански фудбалери во историјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кек: Не очекував пласман во осминафиналето
Репрезентацијата на Словенија постигна историски успех на Европското првенство во Германија. Словенците прв пат се пласираа во нокаут фазата на едно големо натпреварување.
Избраниците на Матјаж Кек, во Ц групата, ремизираа со Данска 1:1, Србија 1:1 и Англија 0:0, што им беше доволно за пласман во нокаут фазата. .
„Не очекував дека ќе поминеме. Сепак, со играта заслуживме да одиме понатаму. Игравме против Англија, еден од фаворитите на турнирот. Покажавме ментална сила. Ги анализиравме, но кога станавме пасивни имавме проблеми“, изјави селекторот на Словенија Матијаж Кек и додаде:
„Горд сум на овој тим. Ја видовте енергијата што играчите ја добиваат од нашите навивачи од првиот натпревар. Се радуваме на тоа, но од утре се враќаме на тренинзите, ќе се подготвуваме за следниот натпревар. Имавме тешка група, но имаме врвен тим. Мислам дека ова е почеток на нова и убава ера за словенечкиот фудбал“, рече Кек.
Словенија, која беше трета во групата, заедно со првопласираната Англија, денеска ќе ги дознаат имињата на своите ривали во осминафиналето. Данска од втората позиција оди во Германија.
Спорт
(Видео) Лаутаро го реши Чиле, Канада го победи Перу
Аргентина е првата репрезентација која обезбеди четвртфинале на Копа Америка. Актуелните светски и јужноамерикански шампиони го совладаа Чиле со 1:0 на стадионот „Мет Лајф“ во Њу Џерси.
Решавачкиот момент се случи во 88.минута. По корнерот кој го изведе Меси и една флипер ситуација во шеснаесетникот на Чиле, најдобро се снајде Лаутаро Мартинез кој од неколку метри го совлада голманот Браво.
Аргентина доминираше во текот на целиот натпревар, Меси и колегите упатија 21 удар кон противничкиот гол.
Натпреварот го следеа повеќе од 80 илјади навивачи, а се подразбира дека повеќе од 90 отсто навиваа за Аргентина, од кои најголем број во дресови со број 10.
Еден гол го реши победникот и во вториот натпревар во оваа група. Канада беше подобра од Перу со 1:0. На Перуанците, кои од 59. минута играа со играч помалку, бидејќи беше исклучен Араухо, им пресуди Џонатан Дејвид, со гол во 74. минута.
Натпреварот се одигра на стадионот во Канзас Сити.
Спорт
Пикси: Не бевме вреќа за удирање
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.