Спорт
По две кандидатури испратени за организација на наредните две ЕП
Минатиот месец започнаа квалификациите за Европското првенство кое во 2024 година ќе се одржи во Германија. Сега се знае во кои земји би можеле да ги ирганизираат наредните две ЕП, во 2028 и 2032 година.
Велика Британија и Ирска (заеднички) и Турција доставија понуди за ЕП во 2028 година. Доколку Велика Британија и Ирска ја добијат организацијата, тоа би било трето ЕП што се игра во Англија во последните 32 години. Тие беа домаќини во 1996 година, а на последното ЕП се одиграа голем број натпревари во Англија. Од друга страна, Турција никогаш не била домаќин на големо натпреварување.
Турците се пријавиле и за домаќинството во 2032 година. Заедно со нив се пријави и Италија, актуелниот шампион на Европа, кој го организираше Светското првенство во 1990 година, последниот голем турнир на нејзино тло.
По поднесувањето на кандидатурите, следува процес на разгледување и гласање, а УЕФА во септември ќе објави каде ќе се играат шампионатите во 2028 и 2023 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Таткото и синот Џејмс заедно на теренот
Леброн и Брони Џејмс прво играа заедно во тимот на Лос Анџелес Лејкерс.
Во контролен натпревар Лејкерси загубија од Феникс Санс со 118:114, а членовите на семејството Џејмс официјално дебитираа и испишаа историја, бидејќи прв пат откако постои НБА лигата, син и татко беа заедно на теренот.
Таткото за 16 минути постигна 19 поени, со пет скока и четири загубени топки, додека синот доби 13 минути, без конкретен учинок, нула поени, две блокади и четири загубени топки.
LeBron James. Bronny James.
The father-son duo share the court for the first time together! 👏 pic.twitter.com/93hC7k64gK
— NBA (@NBA) October 7, 2024
Спорт
Фонсека: Пулишиќ ги шутира шеналите, ова не смее да ни се повтори
Милан не успеа да го избегне поразот од Фиорентина на „Артемио Франки“. Давид Де хеа им одбрани два пенали на гостите, со што им овозможи на соиграчите да слават со 2.1. Инаку пенал не реализираа и домашните, при резултат 0:0, Мањан го одбрани ударот на Кен.
Тренерот на Милан, Пауло Фонсека, по мечот истакна дека им е лут на фудбалерите бидејќи не ја почитувале хиерархијата, бидејќи како што истакна главен изведувач на пенали е Кристијан Пулишиќ.
„Секако дека сум вознемирен бидејќи играчите самоиницијативно решаваа кој ќе шутира. Пулишиќ треба да ги шутира. Тоа никогаш повеќе не смее да се повтори, тоа им го кажав на играчите“, изјави Фонсека, кој по натпреварот имаше бурна средба со играчите.
Инаку, Де Хеа прво му одбрани пенал на Тео Ернандез, а потоа и на Тејми Ејбрахам.
Спорт
Винисиус поради повреда нема да игра за Бразил
Фудбалерот на Реал Винисиус Жуниор поради повреда ќе го пропушти натпреварите на репрезентацијата на Бразил против Чиле и Перу во квалификациите за СП 2026 година, пренесуваат шпанските медиуми.
Винисиус се повреди во саботата навечер на натпреварот од деветтото коло, меѓу Реал и Виљареал (2:0). Тој го постигна вториот гол за Реал во 73. минута, но шест минути подоцна беше заменет поради болки во вратот.
Реал на својата официјална веб-страница објави дека Винисиус заработил повреда на вратот на натпреварот против Виљареал и соопшти дека подоцна ќе биде објавено колку долго ќе треба да паузира бразилскиот фудбалер.
Шпанските медиуми пишуваат дека Винисиус нема да игра за Бразил на натпреварите против Чиле (11 октомври) и Перу (16 октомври), но треба да биде подготвен за натпреварот од 10. коло на Ла Лига меѓу Селта и Реал, кој е закажан за 19. октомври.
Бразилскиот фудбалер оваа сезона одигра 12 натпревари за Реал и постигна четири гола.