Свет
Холандија наскоро ќе воведе евтаназија за тешко болните деца на возраст од една до 12 години
Холандија ќе ги прошири постојните регулативи за евтаназија за да ја вклучи можноста за смртно болни деца на возраст од една до 12 години со помош на лекар, соопшти денеска холандската влада.
Новите правила ќе важат за група од околу пет до десет деца годишно, кои страдаат неподносливо од својата болест, немаат надеж за подобрување и на кои палијативната нега не може да им донесе олеснување, објави тамошната влада.
„Крајот на животот за оваа група е единствената разумна алтернатива на неподносливото и безнадежното страдање на детето“, се наведува во соопштението.
Во 2002 година, Холандија беше првата земја во светот што ја легализираше евтаназијата под строги услови. Сите случаи на евтаназија мора да се пријават во специјални медицински комисии.
Законот веќе предвидуваше опции за евтаназија во која се вклучени терминално болни бебиња до нивниот прв роденден и за деца над 12 години.
Во 2022 година, само еден случај на евтаназија е пријавен за малолетник на возраст меѓу 12 и 16 години, според регионалните одбори за преглед на евтаназија.
Холандија нема да биде првата што ќе дозволи смрт со помош на лекар за деца од сите возрасти. Во Белгија тоа е можно од 2014 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.