Регион
И ја отсекол главата на неговата мајка и ја однел на таван – Детали за злосторството кај Пеќ
Не стивнува драмата за убиството кај Пеќ. Осомничениот У.Х, според полицијата, ја убил мајка си, по што одбил да даде изјава пред надлежните, пренесува албански „Лајми“.
Според медиумот, се очекува осомничениот да биде сослушан во присуство на адвокат и психолог.
„Со форензичката екипа излеговме на местото на настанот, каде се собрани сите докази, а наредивме и обдукција на починатиот. Обезбедивме очевидци, а осомничениот не беше во можност да биде сослушан, па рочиштето го наредивме за утре во присуство на психолог и бранител. Ќе продолжиме и со истрагата. По сите околности ќе наредиме распит на осомничениот во Институтот за психијатрија“, рече обвинителот.
Медиумите прво објавија дека жената била обезглавена. Главата наводно и била на таванот, додека телото и било на еден од катовите во куќата.
На конфликтот наводно му претходела расправија, а се претпоставува дека бил обид да се разделат синот и снаата.
Во меѓувреме, портпаролот на косовската полиција за регионот на Пеќ, Дритон Ругова, го потврди убиството. Ругова изјави дека по добиеното известување излегле на лице место, додека лекарот констатирал смрт на жртвата. Од друга страна, познато е дека во критичниот момент имало и очевидци.
Како што објавија медиумите претходно, убиената е на возраст од околу 60 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.