Свет
(Видео) Пуч во Судан – експлозии одекнуваат од сите правци, има мртви
Најмалку тројца цивили наводно загинале во судирите меѓу суданската армија и паравоените сили во главниот град Картум.
Суданските паравоени сили за брза поддршка (РСФ) соопштија дека ја презеле контролата врз претседателската палата, резиденцијата на началникот на армијата и меѓународниот аеродром во Картум во текот на денот во очигледен обид за државен удар додека избија судири со армијата.
РСФ, која ја обвини армијата дека нападнала прва, исто така соопшти дека ги зазела аеродромите во северниот град Мероу и во Ел Обеид, на западот на земјата.
Суданските воздухопловни сили спроведуваат операции против РСФ, соопшти војската. На снимката се гледа воен авион на небото над Картум, но Ројтерс не може самостојно да ја потврди автентичноста на снимката.
🚨 GOLPE DE ESTADO: SUDÁN 🇸🇩: Tanques del ejército en las calles de la capital Jartúm. pic.twitter.com/7tADJGn5ma
— Indepe News (@NewsIndepe) April 15, 2023
Претходно РСФ објави дека војската опколила една од базите на оваа паравоена група и отворила оган со тешко оружје.
Насилството избувна по неколкудневни тензии меѓу армијата и РСФ, моќна паравоена група на чело со генералот Мохамед Хамдан Дагал, познат како Хемети.
Sudan paramilitaries say they have seized presidential palace https://t.co/Oun7RgI6iJ pic.twitter.com/Qtd2GaGKSp
— Reuters (@Reuters) April 15, 2023
Ова ја зголеми загриженоста за можен конфликт што ќе ги поткопа долготрајните напори за враќање на Судан во цивилно владеење по борбите за моќ и воените удари. Сведок за Ројтерс изјави дека се слушнале пукотници во близина на седиштето на суданската армија и Министерството за одбрана во центарот на Картум.
JUST IN 🚨 People taking cover inside Sudan’s airport after coup attempt
and heavy clashes between RSF paramilitary forces and Sudanese army— Insider Paper (@TheInsiderPaper) April 15, 2023
РСФ денеска соопшти дека војската опколила една од нивните бази и отворила оган со тешко оружје.
Армијата во четвртокот соопшти дека неодамнешните движења на РСФ биле некоординирани и незаконски.
Суданската армија предупреди во четвртокот на ризикот од конфронтација по мобилизацијата на моќна паравоена група, пренесе британската агенција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Либанскиот министер: Лидерот на Хезболах се согласи на прекин на огнот, после тоа бил убиен
Високи либански официјални лица соопштија дека лидерот на Хезболах, Хасан Насралах е убиен набргу откако се согласил на привремен прекин на огнот со Израел. Примирје од 21 ден беше предложено од САД, Франција и другите сојузници.
„Тие ни рекоа дека г-дин Нетанјаху се согласил на тоа и така ние исто така добивме согласност од Хезболах за тоа и знаете што се случи оттогаш“, изјави либанскиот министер за надворешни работи Абдалах Бу Хабиб за Си-Ен-Ен.
„Хезболах ја потпиша оваа заедничка изјава што беше објавена во која се повикува на 21-дневен прекин на огнот и веднаш откако почна да бара дипломатско решение според резолуцијата на Советот за безбедност“, изјави амбасадорот Рами Мортада за Би-Би-Си.
„Бевме на вистинскиот пат обидувајќи се да зборуваме за дипломатска алтернатива на сегашниот ќорсокак, но вжештените глави во Израел избраа поинаков пат“, додава тој, пренесува медиумот.
Свет
Зеленски: Фронтот мора да се зајакне, НАТО ги разбира потребите на Украина
Претседателот на Украина, Володимир Зеленски, денеска разговараше со новиот генерален секретар на НАТО, Марк Рута, што е негова прва странска посета откако е назначен на функцијата генерален секретар на Алијансата.
„Денеска, новиот шеф на НАТО, Марк Руте, за прв пат го посети Киев – веднаш по добивањето на овластувањата на генералниот секретар на Алијансата. Јасно е колку е важно целосно да се спроведе секој од нашите договори за одбранбената поддршка. Треба да се стави крај на оваа војна, рече Зеленски по разговорот со Рута, пренесе Укринформ.
Претседателот на Украина додаде дека воздушната одбрана е важна за Украина.
„Гледаме дека една од главните причини за недостатокот на безбедност на небото на Украина, а особено во близина на границите на НАТО, е отсуството на одлуки за заедничка работа и одбрана. Она што функционира на небото на Блискиот Исток и им помага на одбраната на Израел, може да работи и на небото во нашиот дел од Европа“, рече Зеленски.
Тој нагласи дека Украина ќе продолжи да ги убедува своите партнери да воведат средства за ефикасна заштита на небото.
Зеленски додаде дека „прашањето за покана на Украина во НАТО е постојано на преговарачка маса“.
Според него, денеска со Руте разговарал за деталите за влезот на Украина во Алијансата, пренесува Танјуг.
Свет
Словачкиот премиер: На ЕУ и е потребна Русија, а на Москва и е потребна ЕУ
Европската комисија врши притисок со цел да го запре транзитот на нафта и гас од исток кон запад, изјави словачкиот премиер Роберт Фицо.
„Се мачиме со тоа што има огромен притисок од Европската комисија ништо да не оди од исток кон запад и никому да не му е гајле што имаме некакво „Општество“, некакви гасоводи““, рече Фицо на прес-конференција, пренесува Спутник.
Тој посочи и дека е подготвен да вложи напори за обновување на односите со Русија, бидејќи Москва и Брисел си имаат потреба еден од друг.
„Доколку војната заврши за време на мандатот на оваа влада, ќе направам се, за да ги вратам економските и нормалните односи со Русија. Ќе направам се, бидејќи на Европската унија и е потребна Русија, а на Москва, се разбира, и е потребна ЕУ“, рече Фицо.
Тој истакна и дека неговата изјава дека нема воено решение за украинскиот конфликт се потврдува со текот на времето.
„Фактот дека нема воено решение за украинскиот конфликт го потврдуваат зборовите на многу политичари кои веќе зборуваат за компромиси, за тоа дека Украина треба да се подготви за некаков компромис“, подвлече словачкиот премиер.
Претходно словачкиот премиер најави дека на 7 октомври со својот украински колега ќе разговара за можноста за продолжување на транзитот на нафта и гас низ Украина.
Според него, Словачка е исклучително заинтересирана да се осигура дека нема прекини во транзитот на нафта и гас низ Украина, пренесува Спутник.