Свет
(Видео) Вооружени напаѓачи упаднале на јавен базен и почнале да пукаат: убиени седум луѓе, меѓу кои и дете
Најмалку седум луѓе се убиени, меѓу кои и едно дете, кога вооружени напаѓачи отвориле оган во јавен базен во градот Кортазар, во мексиканската држава Гуанахуато.
Кога локалните безбедносни сили пристигнале на местото на настанот, пронашле тела на седум лица, меѓу кои и дете помладо од седум години, јавува Си-Ен-Ен. Уште едно лице е тешко повредено во нападот и е пренесено во болница.
Мексиканската армија и полиција трагаат по напаѓачите, а мотивот за нападот се уште не е познат.
Well, what happens in #Guanajuato?
An armed command made up of at least 20 hitmen violently broke into the #LaPalma spa, located in the municipality of Cortázar, killing 7 people, including a minor, and seriously injuring 5 others.#Cortazar #Guanajuato #Mexico pic.twitter.com/Gou8qNPXqx— Siraj Noorani (@sirajnoorani) April 16, 2023
Еден од очевидците рекол дека вооружените напаѓачи отвориле оган кон базенот, а потоа ги оштетиле безбедносните камери и мониторот пред да заминат.
На видеата објавени на социјалните мрежи се гледа како луѓе во костими за капење врескаат и ги гушкаат своите деца.
Гуанахуато е главниот земјоделски регион во Мексико и таму се наоѓаат погоните на многу водечки светски производители на автомобили.
Меѓутоа, оваа мексиканска држава е потресена од брутални конфликти меѓу ривалските нарко банди во последниве години.
Областа е привлечна за нарко-картелите од истата причина што е привлечна и за производителите на автомобили – поради патната и железничката мрежа што се протега веднаш до границата со САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.