Судејќи според Инстаграм сториите објавени од Викторија Бекам, познатиот фудбалер Дејвид Бекам заврши во болница.

Таа сподели две фотографии: на едната лежи во болница со прекрстена рака и насмевка на лицето, а на другата држи нараквица што децата му ја направиле од монистра со натпис: „Тато, оздрави брзо“.

Дали бил опериран поради стара повреда?

Извор откри за „Дејли Меил“ дека Бекам бил опериран поради проблем со зглобот што го повредил пред 22 години за време на пријателскиот натпревар помеѓу Англија и Јужна Африка во Дурбан во мај 2003 година.

Потоа во зглобот бил вметнат шраф кој требало да се скрши со текот на времето, но не се скршил, што довело до болка и непријатност години подоцна. Поради зголемената болка, Бекам решил да се подложи на операција за конечно да го отстрани шрафот.

Хоспитализацијата на Дејвид не го спречи да објави серија фотографии по повод роденденот на мајка си и да ѝ испрати трогателна честитка:

„Среќен роденден, мамо. Те сакаме многу. Ти благодариме што секогаш си тука за нас. Те сакаме“.

 

View this post on Instagram

 

A post shared by David Beckham (@davidbeckham)

Во објавата, тој ги тагна и членовите на семејството – синовите Бруклин, Ромео и Круз и сестрата Џоан, додека додаде хаштаг за најмладата ќерка Харпер, која сè уште нема Инстаграм.

Легендарниот музичар Род Стјуарт одлучи дека повеќе нема да биде пријател со претседателот Доналд Трамп.

Како главна причина, Род Стјаурт ја наведе континуираната поддршка на администрацијата на Доналд Трамп за бруталната израелска воена кампања во Газа, во која, според Министерството за здравство на Газа, повеќе од 55.000 Палестинци се убиени од октомври 2023 година, објави huffpost.com.

Стјуарт неодамна даде интервју за Радио Тајмс за да го промовира својот настап на фестивалот Гластонбери, само за да се соочи со Трамп, британскиот премиер Кир Стармер и израелскиот лидер Бенјамин Нетанјаху – откако беше прашан дали сè уште го смета Трамп за пријател.

„Не, повеќе не можам“, рече Стјаурт, а потоа продолжи: „Сè додека им продава оружје на Израелците – и сè уште го прави тоа. Кoga некогаш ќе престане оваа војна? Треба да престанеме да им продаваме. Што рече Стармер вчера? Се откажаа од трговските преговори?“.

Потоа додаде: „Каква крвава разлика ќе направи тоа? Некој мора да направи нешто. Она што Нетанјаху им го прави на Палестинците е токму она што им се случи на Евреите. Тоа е уништување, и тоа е сè што сака – да се ослободи од сите нив.“

„Не знам како спијат ноќе“, додаде тој.

Ова не е прв пат Стјуарт да го критикува Трамп.
Сепак, Стјуарт често се дружел со поранешниот магнат за недвижности.

Во последното интервју, тој објасни дека живее „буквално 80 километри“ од одморалиштето на Трамп, Мар-а-Лаго, во Флорида и дека некогаш „го познавал многу, многу добро“.

Со доаѓањето на летото, т.е. високите температури, многу жени не знаат колку пати неделно треба да ја мијат косата. Сепак, експертите објаснија што е прифатливо.

Д-р Палави Бредшо изјави за „Дејли меил“ дека жените треба да ја мијат косата секој ден, иако многумина мислат дека тоа не е препорачливо.

Доколку страдате од алергии на полен, Бредшо препорачува секојдневно капење, користејќи топла, а не жешка вода за да избегнете сушење на кожата. Д-р Бредшо, исто така, препорачува секојдневно миење на косата.

„Сакате вашиот скалп да биде што е можно почист за поздрав раст на косата. Замислете ја негата на скалпот како нега на кожата. Секогаш препорачувам да ја миете косата најдоцна на секој трет ден. Сепак, во лето можете да ја миете секој или секој втор ден без да се грижите“, изјави таа за Yahoo!

Една од главните грижи поврзани со негата на косата е сувоста. За да го спречите ова, користете хидратантни производи.

„Овие производи содржат есенцијални липиди кои ја враќаат хидратацијата „изгубена“ во текот на жешките летни месеци“, додаде таа.