Свет
Откриена тајната за популарните компирчиња на „Мекдоналд“: познат тиктокер го обелодени нивниот состав
Популарниот тиктокер Џордан Хаулет (26), кој тврди дека ги знае најсочните тајни на „Мекдоналд“, изнесе шокантно тврдење.
Тој тврди дека светски познатиот помфрит од „Мекдоналд“ е далеку од вегетаријански.
Укажувајќи на природниот вкус на говедско месо, наведен како состојка на онлајн-менито на компанијата во САД, Хаулет вели дека знае зошто помфритот од „Мекдоналд“ има поинаков вкус од сите други.
„Тоа е затоа што ‘Мекдоналд’ го готви својот помфрит со вкус на говедско месо измешан со нивното растително масло“, објаснува креаторот на содржината од Сан Диего во видеото на „Ти-ток“ објавено минатата недела, кое има 9,6 милиони прегледи.
„Еве зошто помфритот е толку добар, но тоа е веројатно лоша вест за вегетаријанците. Без разлика дали содржат месо или не – тоа не го менува мојот став за компирчињата од ‘Мекдоналд’. Сè уште уживам во нив“, нагласи Хаулет, познат и по прекарот Џордан Пастувот, и тврди дека „Мекдоналд“ му се заканува поради откривањето на оваа тајна.
Познатиот синџир за брза храна реагира на својата веб-страница, од каде што појаснија дека нивните доставувачи делумно ги пржат исечените компири и користат мешавина од масло што содржи арома на говедско месо.
„Исто така, природниот вкус на говедско месо содржи хидролизирана пченица и хидролизирано млеко како почетни состојки“, наведува компанијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с