Поранешниот кошаркар на Хјустон, Јао Минг, поднесе оставка од функцијата претседател на Кинеската кошаркарска асоцијација (ЦБA).

Во мај оваа година Минг ја напушти функцијата претседател на Кошаркарскиот менаџмент центар на Кина, кој раководи со ЦБА, објави порталот „Јуроохупс“.

Тој ќе биде заменет како претседател на ЦБА од поранешниот потпретседател Гуо Женминг.

Минг беше избран за претседател на ЦБА во февруари 2017 година, а мандатот го продолжи во 2022 година.

За време на неговиот мандат, машката репрезентација на Кина не успеа да се квалификува за Олимпијадата во 2021 и 2024 година, додека женската селекција се пласираше на петтото место во 2021 година во Токио и на деветтото оваа година во Париз.

Женската репрезентација освои сребрен медал на Светското првенство во 2022 година и два златни медали на Азиските игри.

Минг (44) играше за Хјустон во НБА од 2002 до 2011 година, при што осум пати беше Ол-стар. Хјустон го повлече дресот со број 11 на Минг по завршувањето на неговата кариера.

Минг освои три златни медали на Азискиот куп со кинеската репрезентација и стигна до четвртфиналето на Олимписките игри во 2004 и 2008 година.

Сите фудбалски натпревари кои требаше да се играат во регионот на Валенсија овој викенд се одложени поради страшните поплави во кои загинаа најмалку 95 луѓе, соопшти во четвртокот Шпанската фудбалска федерација (РФЕФ).

Саботните дуели од 12. коло во шпанската Ла Лига меѓу Валенсија и Реал Мадрид, односно Виљареал и Рајо Ваљекано се меѓу одложените натпревари.

„РФЕФ во четвртокот се согласи да се одложат неколку натпревари кои требаше да се одиграат викендов во регионот на Валенсија, кој беше сериозно погоден од поплавите, во кои имаше жртви, а беше направена материјална штета“, се вели во соопштението на националната федерација.

Одложени се и женските, младинските и јуниорските фудбалски натпревари РФЕФ во средата одложи шест натпревари во Копа дел Реј во кои учествуваа клубовите од Ла Лига, Валенсија, Хетафе и Реал Сосиедад, откако властите советуваа да не патуваат во регионот.

Поранешниот капитен на Ливерпул, Стивен Џерард, наводно ќе добие отказ од функцијата главен тренер на Ал-Етифак, откако синоќа беше елиминиран од второлигашот Ал Џебелеин во осминафиналето на Купот на Саудиска Арабија.

Клубот од Дамам од тим кој се наоѓа на средина на табелата во втората лига на Саудиска Арабија.

Дебаклот во Купот на кралот е само уште еден показател дека Ал-Етифак се наоѓа во многу лоша форма, Локалните медиуми тврдат дека вистинско чудо ќе биде доколку Англичанецот остане на функцијата.

Избраниците на Џерард последен пат славеа кон средината на септември, што е спротивно од високата плата што ја има Џерард. Според многу медиуми, платата на Џерард во Ал-Етифак е 15,2 милиони фунти.

Да потсетиме, Џерард пред да замине во Саудиска Арабија во летото 2023 година работеше во Астон Вила и Глазгов Ренџерс.