Џуд Белингем (20) брилјираше во првата сезона за Реал и веднаш покажа зошто клубот минатото лето за не го плати 103 милиони евра и зошто со бонуси ќе чини уште 30 милиони евра.

Офанзивниот играч за врска постигна 23 гола и забележа 13 асистенции на 42 натпревари. Со реал ја освои Ла Лига и Лигата на шампионите. Го обожаваат соиграчите, навивачите и новинарите, а цела сезона го споредуваат со Зинедин Зидан.

Шпанците тврдат дека Белингем ќе го пропушти почетокот на наредната сезона поради повредата на рамото.

Англичанцот има проблем со таа повреда, ќе мора да оди на операција, но тоа ќе го направи по Европското првенство. Доколку замине на операција, Белингем ќе ги пропушти комплетните подготовки и стартот на новата сезона.

Холанѓанецот Џовани ван Бронхорст е нов тренер на Бешикташ, објави клубот на социјалните мрежи.

Ван Бронхорст (49) потпишал договор на две сезони, со можност за продолжување на соработката за уште една година.

Во својата кариера ги тренираше Феенорд, Гвангжу и Глазгов Ренџерс.

Бешикташ годинава го освои Купот на Турција, а следната сезона ќе игра во Лига Европа.

Аукцијата на украдената Златна топка, која во 1986 година ја освои легендарниот аргентински фудбалер Диего Армандо Марадона, е прекината со одлука на Апелациониот суд во Версај.

Судот на тој начин ја прифати жалбата на двете ќерки на Марадона, кои тврдат дека Златната топка е сопственост на семејството на починатиот фудбалер и дека не може да се продаде на аукција.

Марадона ја доби Златната топка како најдобар играч на Светското првенство во Мексико во 1986 година, каде што ја предводеше Аргентина до титулата светски првак.

Речиси сите негови натпревари на тој шампионат беа легендарни, особено мечот против Англија каде што постигна еден гол, кој подоцна е наречен, „Божја рака“, а вториот откако ја издрибла цела англиска одбрана.

Тоа беше четвртфинална победа против Англија со 2:1, додека Аргентина во финалето ја победи Западна Германија со 3:2.

Марадона почина во 2020 година, а неговите наследници тврдат дека Златната топка е украдена и тврдат дека сегашниот сопственик нема право да ја продаде. Нивниот адвокат рече дека ќе побараат одземање на трофејот и дека ќе поднесат пријава за кражба.

Околу тој трофеј кружеа разни гласини. Се зборуваше дека Марадона го изгубил во игра покер или дека го продал за да ги исплати долговите. Исто така, беше кажано дека Марадона го чувал во банка во Неапол, која ја ограбиле локални криминалци во 1989 година, додека тој играл за Наполи. Наследниците на Марадона веруваат дека трофејот е украден од банката.