Свет
Киев: Ни треба 10 пати повеќе западна воена помош
![](https://makfax.com.mk/wp-content/uploads/2023/04/украинска-војска.jpg)
Заменик-министерот за надворешни работи на Украина, Андриј Мелник, повика на „десет пати повеќе“ западна воена помош додека земјата се бори да ја одврати руската инвазија.
„Ние сме им благодарни на нашите сојузници за воената помош. Но, тоа не е доволно. На Украина и треба десет пати повеќе за да ја потисне руската агресија оваа година“, напиша Мелник, поранешен украински амбасадор во Германија, на Твитер во саботата.
Мелник ги повика приврзаниците на Украина да ги „преминат сите вештачки црвени линии“ – алудирајќи на неподготвеноста на некои сојузници да ја снабдат Украина со моќни системи за оружје – и да потрошат еден процент од бруто домашниот производ (БДП) на оружје за Украина.
Во случајот на Германија, најголемата европска економија, само ова би изнесувало повеќе од 39 милијарди. Но, еден украински дипломат рече дека износите се мали во споредба со потрошувачката на сојузниците за време на Втората светска војна. Според Мелник, досега сојузниците обезбедиле вкупно 55 милијарди долари поддршка за Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
По Русија, Орбан отпатува за Кина : Унгарија високо ја цени кинеската мировна иницијатива во врска со конфликтот во Украина
![](https://makfax.com.mk/wp-content/uploads/2024/07/677z381_15-668b844d6125c.jpg)
„Унгарија многу ја цени мировната иницијатива на Кина во врска со конфликтот во Украина“, изјави денеска унгарскиот премиер Виктор Орбан Орбан во разговор со кинескиот претседател Шји Џјинпинг за време на неговата ненајавена посета на Пекинг.
Орбан рече дека за Унгарија е од големо значење што Кина се залага за мир во светот, а не за војна, пренесува „Index.hu“.
Орбан на социјалните мрежи напиша дека Кина е клучна сила во создавањето услови за мир во војната меѓу Русија и Украина и затоа дошол во Пекинг да се сретне со Џјинпинг, само два месеци по неговата официјална посета на Будимпешта.
Орбан истакна дека, освен завојуваните страни, одлуката на трите светски сили, САД, Европската унија и Кина, зависи од тоа кога ќе заврши руско-украинската војна и затоа, по средбите со страните на конфликтот, тој дошол во Пекинг, пренесува Танјуг.
Свет
Ле Пен: Нашата победа е само одложена
![](https://makfax.com.mk/wp-content/uploads/2023/11/677z381_677z381_Mari-le-Pen-epa-efe-k.b.-nnn.jpg)
Лидерката на француската екстремна десница, Марин Ле Пен, по парламентарните избори на кои нејзиниот табор се најде на третото место, оцени дека нејзината победа „само е одложена“, и додаде дека Национален фронт е „првата“ партија во Франција.
„Плимата се зголемува. Овој пат не порасна доволно, но продолжува да расте. И затоа нашата победа само беше одложена“, изјави таа за приватниот ТВ канал TF1.
Таа додаде дека има премногу искуство за да биде разочарана од резултатот во кој „бројот на пратениците се удвоил“.
Екстремно десничарската партија Национален фронт влегува во Парламентот со најголем број пратеници досега (меѓу 115 и 155), но останува далеку од преземање на власта, забележувајќи разочарувачки резултат во споредба со пробивот во првиот круг пред седум дена, пренесуваат светските медиуми.
Во вториот круг од вонредните парламентарни избори во Франција, најмногу гласови синоча освои левичарската коалиција Нов народен фронт, според првите проценки на излезните анкети, пред таборот на претседателот Емануел Макрон и екстремната десница, така што ниту еден блок не доби апсолутно мнозинство.
Свет
(Видео) Судири меѓу екстремните левичари и полицијата по изборите во Франција
![](https://makfax.com.mk/wp-content/uploads/2024/07/677z381_14-668b875ca9cfb-1.jpg)
Полицијата го „исчисти“ Плоштадот на Републиката во Париз од демонстрантите, додека ѓубрето останаа на местото на демонстрациите, а скршените стакла на автобуските постојки беа оставени на асфалтот, пренесува „РИА Новости“.
Повеќе од илјада луѓе, кои ги поддржуваат левичарските сили во Франција, се собраа во неделата вечерта на Плоштадот на Републиката во Париз, чекајќи ги резултатите од вториот круг од парламентарните избори во Франција.
Граѓаните со ентузијазам го дочекаа објавувањето на првите резултати. Демонстрациите беа мирни, но подоцна им се придружија приврзаниците на фашистичките групи.
На плоштадот беа распоредени силни полициски сили и водени топови.
Демонстрантите со црни маски почнаа да фрлаат огномети и шишиња кон полицијата, која употреби солзавец.
Се слушнале детонации на рачно изработени експлозиви, но засега нема информации за повредени. Голем број демонстранти се собраа и во Марсеј, пренесува медиумот.
И покрај забраната за демонстрации, луѓето излегоа на улиците во Рено. Откако безбедносните сили им наредиле да се разотидат, демонстрантите почнале да извикуваат „Сите ја мразат полицијата“, а атмосферата станала напната, пренесе „Фигаро“.
Според прелиминарните резултати од вториот круг од вонредните парламентарни избори во Франција, кои рано утринава ги објави француското Министерство за внатрешни работи, левичарската коалиција Нов народен фронт (НФП) освои 182 места во националното собрание, пренесува дневниот весник „Монд“.
Политичкиот сојуз на актуелниот француски претседател, центристичкиот блок Заедно, освои, според овие податоци, 168 пратенички места, а на трето место е десничарската партија Национален собир (РН) на Марин Ле Пен со 143 пратенички места, пренесува РТ Балкан.