Свет
Евакуација на персоналот на странските амбасади од Судан: Американската војска ги извлече дипломатите од Картум
![](https://makfax.com.mk/wp-content/uploads/2023/04/евакуација-судан.jpg)
Американската армија го евакуираше персоналот на американската амбасада од Картум, изјави претседателот Џозеф Бајден, додавајќи дека Вашингтон ги прекинува операциите во своето претставништво во Судан бидејќи продолжуваат борбите меѓу ривалските команданти.
„Ова трагично насилство во Судан веќе ги чини животите на стотици невини цивили. Тоа е несовесно и мора да престане“, рече Бајден во изјавата.
Американскиот државен секретар Ентони Блинкен објави дека сите вработени во амбасадата и нивните семејства се безбедно евакуирани и дека САД ќе продолжат да им помагаат на Американците во Судан да ја испланираат сопствената безбедност.
Персоналот на американската амбасада и мал број дипломатски персонал од други земји беа евакуирани во операција во која беа вклучени помалку од 100 луѓе. Нешто повеќе од 100 американски војници за специјални операции беа вклучени во евакуацијата, влезот и излезот од Судан. Завојуваните судански фракции на теренот не пукале кон нив, изјавија американски воени претставници.
Други странски државјани вчера почнаа да се евакуираат од пристаништето на Црвеното Море во Судан. Јапонската станица ТБС објави дека членовите на персоналот на ОН, вклучително и јапонски државјани и нивните семејства, денеска ќе бидат евакуирани од земјата.
И Франција спроведува итна евакуација на својот дипломатски персонал и граѓани од Судан, соопшти денеска француското Министерство за надворешни работи.
Во соопштението се наведува дека се згрижени и другите европски граѓани и оние кои доаѓаат од „сојузничките земји-партнери“, пренесува порталот БФМ ТВ.
Според дипломатски извори, суданските паравоени сили за брза поддршка (РСФ), против кои се бори редовната армија на Судан, обезбедиле безбедносни гаранции со што ја овозможиле операцијата за евакуација на околу 250 француски државјани кои живеат и работат во Судан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Рекордни температури во САД, почина тинејџер: „Се шири екстремен топлотен бран“
![](https://makfax.com.mk/wp-content/uploads/2024/07/5c4727ee-3662-48df-8a91-843962ef31c7.jpg)
Западниот брег на САД го очекуваат нови температурни рекорди поради топлотниот бран кој го зафати тој дел од земјата, а „жешката купола“ се надвисна и над Аризона и Невада, каде што милиони Американци страдаат од неподносливи горештини.
Околу 36 милиони луѓе, односно околу 10 отсто од населението, се изложени на топлината што ја зафати Калифорнија, објави Националната метеоролошка служба (NWS).
Научните истражувања покажуваат дека климатските промени, предизвикани пред се од прекумерната употреба на фосилни горива, се главниот виновник за екстремните топлотни бранови ширум светот и ќе продолжат да бидат во позадина на опасните временски феномени и во иднина.
Се очекува високите температури да достигнат или надминат дневни рекорди во Калифорнија, северна Аризона, Ајдахо, Орегон и Вашингтон. Во долината на смртта, национален парк долж границата Калифорнија и Невада, NWS предвидува температури до 54 степени Целзиусови, кои би можеле да траат до петок.
Во саботата таму беа измерени 53°C со што беше соборен рекордот стар 17 години. Од жештините загина 17-годишен мотоциклист. Лас Вегас преживуваше на 46 степени Целзиусови, со што го израмни рекордот од 2007 година.
Температурите на некои места се и за 20 степени Целзиусови повисоки од вообичаените за овој период од годината, па во калифорнискиот град Рединг се измерени рекордни 48 степени Целзиусови. „Во тек е екстремен топлотен бран“, предупреди NWS.
Агенцијата предупредува и на зголемен ризик од шумски пожари, имајќи предвид дека воздухот е топол и сув, со постојано присуство на ветер. Доцна во саботата, жителите беа евакуирани од делови на округот Санта Барбара, каде од петокот изгореа 13.000 хектари земја.
Генералниот секретар на ОН, Антонио Гутереш повика на итна акција за да се спречи „климатскиот пекол“. Минатата недела администрацијата на претседателот Џо Бајден го предложи првиот безбедносен стандард за работниците и заедниците од разорните ефекти на екстремната топлина.
Свет
Во жестоките израелски напади врз градот Газа загинаа десетици цивили
![](https://makfax.com.mk/wp-content/uploads/2024/07/гфдгд.jpg)
Израелските сили рано утринава го бомбардираа градот Газа, а колони израелски тенкови се движеа кон центарот на градот од различни правци, потврдија жителите на Газа, оценувајќи дека ова е еден од најжестоките израелски напади од 7 октомври 2023 година.
Службата за цивилна заштита на Газа објави дека десетици цивили до кои не можеле да стигнат спасувачките тимови се проценува дека загинале поради континуираните престрелки во населбите Дарај и Туфах на исток и Тел Ал-Хави, Сабра и Римал на запад, пренесува Ројтерс.
Во извештаите се додава дека се уништени бројни цивилни згради и катни згради, како и дека невооружени цивили панично бегаат кон запад, кон патиштата покрај брегот на Средоземното Море.
Регион
Две тела пронајдени во запален стан во Нови Сад
![](https://makfax.com.mk/wp-content/uploads/2024/07/fgdg.jpg)
Телата на двајца неидентификувани мажи се пронајдени во запален стан во Нови Сад, на улицата Лаза Телечко, потврди за „Танјуг“, Зоран Круљ, портпарол на новосадската итна помош.
Пожарникарите го примиле повикот во 9.10 часот и на терен излегле три возила, а пожарот набргу бил локализиран.
Сè уште не е познато дали мажите се задушиле од чадот или смртта настапила пред пожарот што избувнал на потпокривот на зградата, а неговата причина сè уште не е утврдена.