Спорт
Ван Дaјк: Салах е легенда, повеќе ќе биде ценет кога ќе се пензионира
Фудбалерот на Ливерпул, Вирџил ван Дајк, смета дека неговиот соиграч Мохамед Салах е еден од најдобрите фудбалери во светот и дека заслужува повеќе пофалби, бидејќи фудбалските фанови се поретко зборуваат за Египќанецот во суперлативи.
Салах неодамна се израмни со Роби Фаулер за најмногу голови за „црвените“ и двајцата го делат шестото место на листата на најдобри стрелци на сите времиња.
Египќанецот освои неколку трофеи за време на неговиот престој на „Енфилд“ – по еден од Лигата на шампионите, Премиер лигата, ФА Купот, Суперкупот на УЕФА, Комјунити Шилд и Светското клупско првенство.
Крилниот напаѓач доби и бројни индивидуални награди, три пати беше Златна копачка на Премиер лигата, двапати беше најдобар играч на сезоната во англискиот шампионат, а двапати беше прогласен за најдобар африкански фудбалер.
„Голем број играчи на Ливерпул придонесоа за освојување важни трофеи, но на Мо дефинитивно му припаѓа статусот на легенда. Тој е исклучително важен фудбалер и верувам дека со текот на времето неговите достигнувања ќе бидат повеќе ценети во јавноста. Препознаваме се што прави секој ден затоа што можеме да го видиме трудот што го вложува. Треба само да продолжи“, изјави Ван Дајк.
Салах оваа сезона одигра 44 натпревари во сите натпреварувања постигнувајќи 27 гола и 11 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва