Македонија
Отец Тимотеј за обединувањето со ПОА на Вранишковски: Бараат четири епархии, но колку ќе добијат, ќе видиме на седницата
![](https://makfax.com.mk/wp-content/uploads/2023/04/Timotej-so-Soboren-hram.jpg)
Синодот на Македонската православна црква-Охридска архиепископија (МПЦ-ОА) денес на седница ќе одлучува за обединувањето со Православната охридска архиепископија (ПОА) на Јован Вранишковски која од 2002 година делуваше во единство со Српската православна црква. Во овој период владиката Вранишковски беше расчинет и нарекуван расколник и предавник.
По објавите дека некои од постојните епархии ќе бидат поделени и дека со четири од новите епархии ќе управуваат владици на ПОА, отец Тимотеј, митрополит на Дебарско-кичевската епрхија и портпарол на МПЦ, за „Макфакс“ вели дека таквата поделба не е извесна.
„Точно е дека на денешната седница ќе разговараме за обединувањето со ПОА. Има барање да управуваат со четири епархии, но колку ќе добијат, ќе видиме на седницата“, вели отец Тимотеј.
Тој вели дека шпекулации се тврдењата дека поделбата на епархиите со ПОА била условена со автокефалноста на МПЦ-ОА и објаснува дека се случува оти, едноставно, било потребно да се направи.
Македонската православна црква-Охридска архиепископија на територијата на Македонија и во дијаспората е организирана во 12 епархии, од кои осум се во државата, а четири се во дијаспората.
По повеќе од половина век, минатата година Српската православна црква ѝ додели статус на целосна независност на Македонската православна црква-Охридска архиепископија по заедничка литургија во Белград.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
![](https://makfax.com.mk/wp-content/uploads/2024/07/crvena-mladina-gerila-akcija.jpg)
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.