Европа
Унгарија ги повика партнерите на внимателност во проширувањето на НАТО
Унгарскиот министер за одбрана, Кристоф Шалај-Бобровницки, ги повика вчера партнерите од земјите членки на букурешката деветка (Б9) да бидат внимателни во однос на проширувањето на НАТО, пренесува „Спутник“.
„Унгарија ја поддржува политиката на отворени врати (за проширување на НАТО), но сепак ги повикува своите партнери да бидат претпазливи. Сите вакви одлуки може да се донесат само ако земјите апликанти целосно ги почитуваат условите и само со целосен консензус на сојузниците на НАТО“, истакна Шалај-Бобровницки.
Според унгарскиот министер, и Европската Унија игра сè поважна улога во областа на безбедноста и одбраната нагласувајќи дека Унгарија е заинтересирана за ЕУ заснована на силни национални држави.
Тој потсети на важноста на борбата против нелегалната миграција од југ и повика на поддршка на земјите од Западен Балкан повторно истакнувајќи го фактот дека Унгарија игра значајна улога во зајакнувањето на источното крило на НАТО и дека издвоила 2 % од БДП за одбраната една година порано од предвиденото.
Букурешката деветка ги обединува НАТО-сојузниците од источното крило на алијансата – вишеградскаата четворка, трите балтички земји, како и Романија и Бугарија.
Во средината на јули минатата година Шалај-Бобровницки изјави дека дал инструкции за зголемување на борбената готовност на унгарските вооружени сили и за спроведување интензивни вежби во разни делови на земјата поради актуелниот конфликт во Украина и приливот на мигранти кон јужните граници на Унгарија.
И унгарскиот премиер Виктор Орбан истакна дека Будимпешта треба да ги зголеми воените капацитети на земјата зашто, според него, само силна национална армија може да ја гарантира безбедноста на земјата и бидејќи европските земји не може да се потпрат само на САД за одбрана.
Од почетокот на конфликтот во Украина, Унгарија постојано се спротивставува на санкциите за руските енергетски ресурси и на испораката на оружје во Украина. Во март 2022 година унгарскиот парламент издаде декрет со кој се забранува испорака на оружје за Украина од територијата на Унгарија.
Унгарскиот министер за надворешни работи, Петер Сијарто, објасни дека Будимпешта се обидува да ја обезбеди и територијата на Закарпатија, каде што живеат етнички Унгарци, бидејќи снабдувањето со оружје преку нејзината територија ќе ја направи областа легитимна воена цел за Русија.
Унгарското раководство постојано нагласува дека Унгарија се залага за итен почеток на мировни преговори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.