Европа
БНД: Подмладокот на крајнодесничарската АфД е екстремистички
Во време кога германските власти обидуваат да се борат против масовниот пораст на екстремизмот, германската домашна шпионска агенција, Федералната служба за безбедност (БНД), во средата ја класифицира младинската организација на крајнодесничарската партија Алтернатива за Германија (АфД) како „екстремистички ентитет што ја загрозува демократијата“.
Класификацијата на Младите алтернативци доаѓа откако Германија кон крајот на минатата година спречи обид на друга крајнодесничарска група да почне насилен преврат во државата за да постави како национален лидер принц кој барал поддршка од Русија.
Двајца од уапсените во рацијата во тоа време биле членови на АфД.
БНД во средата класифицира и две други организации – Институтот за државна политика и „Еден процент“ – како екстремистички ентитети што работат на цели против уставот.
„Правиме сè за да ја исушиме плодната почва за екстремно десничарско насилство. Актерите на т.н. нова десница не шират ништо друго, освен омраза и дискриминација кон оние што мислат поинаку, бегалците и кон луѓето со мигрантско потекло“, истакна германската министерка за внатрешни работи, Ненси Фезер.
БНД соопшти дека Младите алтернативци сакаат општество што е етнокултурно хомогено, сметаат дека е фундаментално невозможно да се интегрираат мигрантите од неевропско потекло и предупредуваат на уништување на „органски развиените европски народи“.
Во објава од 22 март на „Фејсбук“, групата напиша: „Германците сега се на дното на хиерархијата на жртви во нашето општество“.
Новата класификација на БНД би можела да има влијание врз способноста на членовите на АфД да бидат вработени во јавниот сектор или да добијат лиценци за оружје.
Младите алтернативци изјавија дека не се изненадени од одлуката велејќи дека шпионската агенција „едноставно си ја врши работата, која во суштина се состои од репресија на опозицијата“ додавајќи дека ќе преземат правни чекори против класификацијата.
Класификацијата не се однесува на самата АфД, а според Манфред Гелнер од анкетарската агенција „Форса“, малку е веројатно дека таа ќе има големо влијание врз партијата, чиј рејтинг е на рекордно ниво од 15 до 17 % бидејќи го капитализира гневот на гласачите поради зголемените цени на енергентите предизвикани од војната во Украина.
АфД е основана во 2013 година како партија против еврото за време на должничката криза во еврозоната, но набргу се насочи вдесно профитирајќи од бесот предизвикан од политиката на отворени врати за мигрантите на поранешната канцеларка Ангела Меркел во 2015 година и поради пандемиските карантини.
АфД сега е најуспешната германска крајнодесничарска партија по Втората светска војна и моментно, според рејтингот, е само неколку процентни поени зад зелените и владејачките социјалдемократи (СПД).
„Видовме дека целата дискусија за тенденциите на екстремната десница не ѝ наштети на АфД. Напротив, тоа ѝ помогна на партијата да го собере целиот потенцијал на радикалната десница што остана во Германија по колапсот на националсоцијализмот,“ посочи Гелнер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија очекува да се договори за датум за третата рунда мировни преговори со Украина
Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона
Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари
Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.
Изгаснат пожарот во Трубарево што ги труеше жителите на Гази Баба и Аеродром
По девет часа интензивна работа и посипување на повеќе од 40 камиони земја на локацијата во Трубарево, повеќе нема бел...
Во Кривичниот суд ќе биде изречена пресуда за убиството на Вања и Панче
Во Кривичниот суд денеска треба да биде изречена пресудата за убиството на 14-годишната Вања Ѓоревска и 74-годишниот Панче Жежовски, случај...
Иран објави крај на војната
Иранскиот претседател, Масуд Песекијан, денес објави крај на 12-дневната војна со Израел во порака до нацијата и рече дека не...
Лавров: Неправедно е да се каже дека конфликтот меѓу Израел и Иран е сличен на нашиот со Украина
Рускиот министер за надворешни работи, Сергеј Лавров, изјави дека е погрешно да се споредува израелскиот напад врз Иран со конфликтот...
Нетанјаху му ветил на Трамп дека ќе се воздржи од понатамошни напади врз Иран
Израелскиот премиер, Бенјамин Нетанјаху, денеска му рече на американскиот претседател, Доналд Трамп, во телефонски разговор, дека ќе се воздржи од...
Меџити: Вработувањата на Албанците станаа законска обврска за државата
Вработувањата на Албанците станаа законска обврска за државата, изјави вицепремиерот, Изет Меџити и додаде дека Владата на денешната седница го...
Работа од дома и ослободување на бремените жени препорача Владата поради топлотниот бран
Владата ја разгледа и усвои информацијата за спроведување на мерки за превенирање на последиците од топлотните бранови врз здравјето на...
(Видео) Усвоен предлог-законот за правична застапеност, Мицкоски очекува администрацијата да биде вистински сервис на граѓаните
Од првиот ден на мандатот, Владата што ја предводам е посветена на унапредувањето на добрите меѓуетнички односи како еден од...
Историски шамар за ВМРО-ДПМНЕ од сопствените сојузници во европскиот парламент, велат од СДСМ
СДСМ оценува дека денешното однесување на Европската народна партија (ЕПП), сестринската партија на ВМРО-ДПМНЕ, е директен историски дипломатски пораз за...
Со широко мнозинство усвоен извештајот за Македонија, Вајц рече дека е горд, а државата припаѓа во ЕУ
Комитетот за надворешни работи на Европскиот парламент со широко политичко мнозинство го усвои извештајот за Македонија, поднесен од европратеникот и...
Осамна 100 ден по трагедијата во Кочани, веќе не молчиме, не простуваме: пораки на граѓаните низ центарот на Скопје
Осамна 100-тиот ден по трагедијата во Кочани. Молчевме, жалевме, марширавме, говоревме. Ветивме дека нема да заборавиме. За разлика од системот...
Израелската армија тврди дека Иран испукал нови ракети, Техеран негира
Израелските одбранбени сили (ИДФ) објавија дека идентификувале нови ракети испукани од Иран кон израелска територија два часа по прогласувањето на...
За една година двојно зголемен бројот на пријавени убиства во Македонија, покажува извештајот за работата на обвинителствата
Зголемен беше обемот на работа на јавните обвинителства во текот на 2024 година, покажа Годишниот извештај за работата на обвинителствата,...
Земјотрес од 4,5 степени во Албанија, почувствуван и во делови од Македонија
Земјотрес со јачина од 4,5 степени според Рихтеровата скала ја погоди Албанија, а беше почувствуван и во југозападните делови Македонија. Според...
Tрамп објави прекин на огнот: „Примирјето е во сила, ве молам не го кршете“
Американскиот претседател Доналд Трамп утрово објави дека официјално стапил во сила прекинот на огнот меѓу Израел и Иран. „Примирјето сега...
Да го урнеме системот на бандитизам од политички и бизнис структури кои функционираат во широки коалиции, порача Мицкоски
Измина една цела година, на предизвици, на тешка, посветена и макотрпна работа. Во секој еден ден од овие изминати 365...
Македонските граѓани во Израел, Катар и ОАЕ за сите прашања да се обратат до надлежните амбасади, МНР со апел да не се патува кон земјите од тој регион
По последните информации за влошената безбедносна состојба на Блискиот Исток и затворањето на воздушните простори на повеќе држави од регионот,...
Европскиот парламент нема надлежност да изразува мислење за прашања како што се идентитетот, јазикот, вели бугарскиот министер Георгиев
Ниту еден обид за заобиколување на консензусот од 2022 година за Северна Македонија нема да биде успешен. Европскиот парламент нема...
(Видео) Иран нападна американски бази во Катар со балистички ракети
Иран ги нападна американските воени бази во Катар, пренесува „Аксиос“. Американските претставници претходно денес изјавија дека се очекува напад врз...
Трамп до Медведев: Не го употребувајте лесно зборот „нуклеарен“
Американскиот претседател Доналд Трамп денес му рече на заменик-претседателот на Советот за безбедност на Руската Федерација, Дмитриј Медведев, да не...
