Европа
Франција под закана од руски шпиони под дипломатска маска
Поради својата важност на меѓународната сцена, Франција е особено изложена на руска шпионажа, мешање и дезинформации, особено од разузнавачите кои оперираат под маската на дипломати.
Ова е предупредувањето со кое Никола Лерне, шеф на француската домашна разузнавачка служба, го соочил Комитетот за истражување на странското мешање на француското Национално собрание, пренесува „Еурактив“.
Сослушувањето, кое се одржало лани во февруари, но беше објавено дури сега, го водел пратеникот од Национален сојуз (РН), Жан-Филип Танги.
Лерне, шеф на Генералниот директорат за внатрешна безбедност (ДГСИ), предупредил на политичкото мешање и на важноста на дезинформациите во поткопување на гласот на Франција.
Според него, инфилтрацијата на разузнавачи под дипломатска маска останува една од главните алатки, особено користена од Русија, која го поседува најважниот механизам.
Лерне додава дека нивниот број значително се намалил од почетокот на украинската криза, особено по протерувањето многу агенти под дипломатска маска од француска и европска почва.
Во оваа сфера и Кина одржува разузнавачка мрежа под дипломатска маска, но многу помалку развиена од онаа на Русија, истакнува Лернер.
ДСГИ е загрижен и за инфилтрацијата на странски земји во француското граѓанско општество. Француските разузнавачки служби се особено внимателни во академските и истражувачките кругови, кои се многу поизложени на шпионажа и мешање.
„Кина и Русија, кои денес се во фокусот на европското внимание, се државите со најуспешни разузнавачки политики. Покрај влијанието, шпионажата и мешањето, овие земји имаат политика на информирање или дезинформирање за дискредитирање на француското влијание и модел“, вели шефот на француското разузнавање.
Во однос на мешањето во политичките кругови, главниот предмет на истрага на парламентарната комисија, Лерне открил контакти со руски разузнавачи под дипломатска маска и ги известил за тоа неколку француски парламентарци во неколку пригоди во изминатите месеци.
Според Лерне, високи политички фигури од Франција во минатото одржувале врски со странски шпиони, понекогаш и без нивно знаење, но финансиските врски биле многу поретки бидејќи француското разузнавање ги идентификувало само повремено и во одделни случаи.
Посочувајќи го примерот на француските функционери кои отишле во Донбас или Крим во набљудувачка мисија на изборите, Лернер смета дека ова е прекумерен израз на сојузништво со засегнатата земја.
Тој сепак истакнува дека ниту една француска политичка партија досега не била манипулирана од странска сила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.