Свет
Данската армија: Ги снимавме Русите во близина на „Северен тек“ неколку дена пред експлозијата
Руски специјален брод „СС-750“ бил во близина на гасоводот „Северен тек“ четири дена пред цевките да бидат разнесени на 26 септември минатата година. Специјалниот брод е наменет за изведување операции под морето и е опремен со мини подморница „АС-26 Приз“, пишува данскиот дневен весник „Информација“, повикувајќи се на извори од данските вооружени сили.
Форсварскомандо или Здружениот штаб на данските вооружени сили потврди дека има 26 фотографии од рускиот брод направени од дански патролен брод што се наоѓал во областа источно од данскиот остров Борнхолм на 22 септември 2022 година.
„Многу интересно. ‘СС-750’ е специјален брод дизајниран специјално за подводни операции“, вели шведскиот истражувач и експерт за разузнавање Јоаким фон Браун.
Високиот аналитичар во тинк-тенк Европа, Џејкоб Каарсбо, кој работел 15 години во данската воена разузнавачка служба, смета дека овие информации „фрлаат ново светло на она што се случувало во областа деновите пред несреќата“. „SS-750 е интересен брод, знаеме дека има капацитет да изврши таква операција“, изјави Каарсбо.
Претходно, беше откриено дека Форсварскомандо поседува 112 фотографии од руски бродови во областа, но ова е првпат данската војска да потврди дека станува збор за специјален руски брод „СС-750“ со мини подморница на него.
Во исто време, Форсварскомандо одбива да обезбеди пристап до фотографиите на рускиот специјален брод бидејќи фотографиите се од разузнавачка природа и се дел од разузнавачката работа.
Споменатите 26 фотографии од „СС-750“ се направени од данскиот патролен брод P524 Nymfen на 22 септември 2022 година. Од реакцијата на вооружените сили на неколку земји беше јасно дека нешто сомнително се случило на 21 или 22 септември 2022 година во областа источно од Борнхолм. За неколку часа, данските, шведските и германските вооружени сили испратија бродови во областа, во која патролираа и извидувачки авиони од Шведска и Полска.
Освен тоа, во близина се наоѓале и американски бродови, исто како што во воздухот над Балтичкото Море се наоѓал американски разузнавачки хеликоптер.
Експлозиите на „Северен тек“ во моментот ги истражуваат данските, шведските и германските власти. Не се знае кога ќе бидат завршени овие истраги.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
За Зеленски велигденското примирје на Путин е нова манипулација
Украинскиот претседател Володимир Зеленски изрази скептицизам во врска со едностраниот велигденски прекин на огнот, објавен денеска од рускиот претседател Владимир Путин. Во објава на социјалните мрежи оцени дека станува збор за нова манипулација на Путин, но не открива дали примирјето е прифатливо за Киев.
– Што се однесува до новиот обид на Путин да манипулира со човечките животи – сирените за воздушен напад моментално се огласуваат во многу делови на Украина. Во 17 часот и 15 минути на нашето небо беа откриени руски беспилотни летала. Украинската воздушна одбрана и воздушните сили веќе почнаа да дејствуваат за да не заштитат. Присуството на дронови Шахед во нашиот воздушен простор јасно го открива вистинскиот став на Путин кон Велигден и кон човечките животи, напиша Зеленски на платформата Х.
Зеленски во објавата не дава никави назнаки дали и Украина ќе го прекине огнот за Велигден.
Рускиот претседател Владимир Путин попладнево објави велигденско примирје и запирање на сите воени операции.
– Руската страна, водејќи се од хуманитарни причини, денеска од 18:00 часот [по московско време] до 00:00 часот меѓу недела и понеделник, прогласува велигденско примирје. Наредувам да се прекинат сите воени дејствија за овој период, објави Путин на денешната средба со началникот на Генералштабот Валери Герасимов.
Свет
Путин објави велигденско примирје
Рускиот претседател Владимир Путин објави велигденско примирје и запирање на сите воени операции, соопшти Кремљ.
– Руската страна, водејќи се од хуманитарни причини, денеска од 18:00 часот [по московско време] до 00:00 часот меѓу недела и понеделник, прогласува велигденско примирје. Наредувам да се прекинат сите воени дејствија за овој период, објавил Путин на денешната средба со началникот на Генералштабот Валери Герасимов.
Путин истакнал дека руските војници, сепак, мора да бидат подготвени за можни прекршувања на примирјето од страна на Киев. Мора да бидат подготвени да одбијат секаква провокација на непријателот, секоја негова агресивна акција, нагласил рускиот претседател.
Москва очекува украинската страна да го следи нивниот пример. Киев сè уште официјално не го коментираше прогласеното примирје.
Свет
Се урна станбен блок во Индија
Четири лица загинаа, а уште 10 се водат за исчезнати откако денеска се урна повеќекатен станбен блок во близина на Њу Делхи, јавија индиските медиуми повикувајќи се на полицијата.
Според извештаите, спасени се 14 лица. Блокот се урнал во Мустафабад во североисточниот дел на државата Делхи. Ограничените услови ја попречуваат спасувачката работа, изјави портпаролот на Националните сили за одговор при катастрофи.
Причината за уривањето се уште не е позната. Локалните медиуми јавуваат дека неодамна биле извршени градежни работи во приземјето на зградата.
Главниот министер на Делхи, Река Гупта нареди истрага за инцидентот.
Христос воскресе објавено во полноќните литургии, црквите преполни со верници
Православните верници денеска го одбележуваат најголемиот христијански празник – Велигден, денот на Христовото воскресение, кога, според верата, Исус Христос ја...
Сончево и топло низ целата земја, температури до 27 степени
По нестабилностите од претходните денови, денес ќе има стабилизација на времето во целата држава. Ќе биде сончево и топло, со...
За Зеленски велигденското примирје на Путин е нова манипулација
Украинскиот претседател Володимир Зеленски изрази скептицизам во врска со едностраниот велигденски прекин на огнот, објавен денеска од рускиот претседател Владимир Путин. Во...
Путин објави велигденско примирје
Рускиот претседател Владимир Путин објави велигденско примирје и запирање на сите воени операции, соопшти Кремљ. – Руската страна, водејќи се...
Родителите на децата загинати во пожарот во Кочани: Живееме за да одиме на гробишта, да си помуабетиме со нашите деца
Обвинители, дали нашиот молк, тишината и тагата по нашите деца, кои се убиени, ви даде право да ослободите лица кои...
Деветнаесетгодишно момче загина откако со БМВ излета од пат
Момче на 19-годишна возраст од село Миравци, загина утрово околу четири часот кога со автомобил БМВ, што го управувало, излетало...
МВР го објави идентитетот на загинатите во тешката сообраќајка
На 18.04.2025 во 20.40 часот во ОВР Кичево e пријавено дека на магистралниот пат Кичево-Гостивар, кај место викано „Сеферов бунар“,...
Тошковски: Голема неприлагодена брзина е причината за сообраќајката во која загинаа три лица
Голема неприлагодена брзина е причината за трагедијата која вчера се случи на патот Кичево-Гостивар, а во која загинаа три лица....
Со протестен марш на семејствата, ќе се бара правда за настраданите во пожарот во Кочани
Во Кочани за денеска во 12:05 часот е најавен нов протестен марш на семејствата на настраданите во пожарот во дискотеката...
Три лица загинаа, а осум се повредени во сообраќајната несреќа на патниот правец Кичево-Гостивар
Три лица загинаа, а осум се повредени во сообраќајната несреќа што вчера вечерта се случи на патниот правец Кичево-Гостивар. Од...
Велигден е тука, но нашите деца ги нема, не прашува ли некој нас како ги минуваме деновите, пишува Златкова, мајка на загинато момче во дискотеката во Кочани
Велигден е тука, но нашите деца ги нема. Престанаа да им чукаат срцата, ги закопавме во црната земја. Некои биле...
Одземени возила: биле користени во „диви“ трки во Куманово
На 16.04. и 17.04.2025 во СВР Куманово било пријавено дека на автопатот Куманово – Скопје се одвиваат диви трки со...
Синдикатот на културата разочаран од Љутков: вработените останаа без плата за најголемиот христијански празник
Секој март од 2021 па наваму, кога се коригира минималната плата и кога платите во културата треба да се усогласат...
Наместо куќен притвор, мерки на претпазливост за двајца поранешни инспектори на ДПИ, иста мерка и за лице од дискотеката
Основното јавно обвинителство Кочани, постапувајќи во предметот во врска со пожарот во кабаре клуб “Пулс”, до Основниот суд во Кочани...
Се задушил од запалена плинска боца: пронајден починат маж во Кавадарци
Центарот за управување со кризи (ЦУК) информира дека пожар во урбана средина бил трагичен за повозрасно лице во Кавадарци. Од...
Историја без Албанци-Новата програма за седмо одделение ги исклучува од учебниците, реагираат од ДУИ
Новата програма на Бирото за развој на образованието при Министерството за образование и наука за предметот „Историја и општество“ за...
(Видео) Автомобил влече врзан коњ низ Скопје: полицијата го идентификуваше возачот
МВР го идентификуваше возачот на автомобилот кој влечеше врзан коњ во Скопје по вчерашното видео на кое реагираа граѓаните. Во...
Владата озаконува паушални фактури за струја, граѓаните не смеат да бидат жртви, апелираат Инженери на Македонија
Инженери на Република Македонија (ИРМ), денеска упати апел до пратениците и Министерството за енергетика за да ги отстранат како што...
Маркетите од денеска со нова обврска: ќе треба јавно да ги објават цените на производите
Трговците се должни од денеска да ги објавуваат продажните цени на производите на нивните официјални веб страници. Министерството за економија...
Трамп ѝ се закани на Кина со царини до 245 проценти; Кина: Бесмислена игра со броеви, одиме до крај
Кина ги отфрли најновите најави за зголемување на американските царини, нарекувајќи ги заканите на администрацијата на Доналд Трамп „бесмислена игра...
