Спорт
Барселона на „новиот Меси“ ќе му даде професионален договор за 16. роденден
Барселона има нов мегаталент од својата академија, познатата „Ла Масија“. Тоа е 15-годишниот Ламин Јамал, кој дебитираше во саботата против Бетис и со тоа стана најмладиот дебитант во историјата на клубот.
Веќе извесно време тренира со првиот тим, Чави Ернандез е воодушевен од неговите квалитети, но и од неговиот карактер, што е подеднакво важно кога е во прашање толку голем клуб.
Јамал во јули ќе наполни само 16 години, а потоа ќе потпише нов договор, негов прв професионален.
Чави потврди дека планот е Јамал да остане во првиот тим и дека дури ќе биде дел од експедицијата во текот на летото.
„Јамал има силен карактер, опуштен е и има голема самодоверба на теренот како да не е 15-годишник. Го сакаме во тимот, бидејќи на тренинзите гледаме што може да направи. Преговорите во врска со неговиот договорот одат во вистинска насока, сѐ е под контрола и јас сум целосно смирен“, изјави Чави.
Инаку, Лакин Јамал е крилен напаѓач, одличен во игра еден на еден, а поради одличните дриблинг вештини веќе го нарекуваат „новиот Меси“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Швајцарија ќе игра на СП во ракомет
Светската ракометна федерација (ИХФ) и врачи специјална покана на Швајцарија за настап на Светското првенство на наредната година. Швјацарците одиграа два драматични натпревар во баражот против Словенија, на крајот Словенците се пласираа на Мундијалот.
Две селекции од регионот, Србија и Црна Гора се надеваа но на крајот извисија за специјалната покана.
Иако претходно беше најавено дека Европската ракометна федерација (ЕХФ) во дописот доставен до ИХФ наведува дека врз основа на пласманот на Европското првенство, Црна Гора е прва на листата на замени, а по неа се Швајцарија, Србија, Грузија и Фарски Острови, сепак ИХФ донесе поинаква одлука.
За потсетување, во баражот Србија по голема борба беше поразена од големиот фаворит Шпанија, додека Црна Гора се изрезил против Италија .
Покрај резултатите и квалитетот на изборот на кандидатите, ИХФ се осврна и на економскиот аспект, поточно можноста за продажба на ТВ правата, а Швајцарија кога сето тоа ќе се собере беше најпосакувана.
Дополнително, треба да се нагласи дека ИХФ воопшто во предвид ги немала Србија и Црна Гора, туку покрај Швајцарија во игра биле Кина и Саудиска Арабија.
Од просторите на поранешна Југославија покрај Македонија пласман изборија Хрватска како еден од домаќините и Словенија.
Спорт
Гасперини: На неверојатен начин се запишавме во историјата
Аталанта го победи Баер Леверкузен со 3:0 во финалето на Лига Европа во Даблин и со тоа стигна до својот прв европски трофеј во историјата.
Стрелец на сите три гола за тимот од Бергамо беше Нигериецот Адемола Лукман. Првиот гол го постигна во 12. минута, вториот во 26., а третиот во 76. минута.
Аталанта одигра совршен натпревар, најзаслужен за тоа е тренерот Џан Пјеро Гасперини кој во целост го надмудри младиот колега Чаби Алонсо.
„Мислам дека испишавме историја, но начинот на кој го освоивме трофејот е неверојатен. Ги повторивме изданијата од Ливерпул и Лисабон. Спортинг ја освои лигата, Ливерпул беше прв во Премиер лигата кога игравме таму, Баер Леверкузен доминираше во Бундеслигата”. рече Гасперини и продолжи:
„Ние често играме со тројца напаѓачи, моравме да одиме на победа во финалето. Моравме да бидеме офанзивни, немаше да биде доволно за победа доколку решевме да се браниме. Знаевме дека овие тимови се одлични кога напаѓаат, но не се толку добри кога ќе ги принудиш да се бранат. Сите мои играчи беа извонредни“.
Спорт
Баерн преговара и со Венсан Компани
Тренерот на Барнли, Венасн Компани, од следната сезона би можел да го предводи Баерн Минхен.
Според новинарот на „Скај спорт Германија“, Флоријан Плетенберг, Баерн е сериозно заинтересиран за Винсент Компани.
Се наведува дека се водени прелиминарни разговори и дека некои од клупските ченици сметале дека Компани има голем потенцијал.
Баерн долго време се мачи да најде нов тренер. Откако донесоа одлука да се разделат со Томас Тухел, не можат да најдат соодветна замена.
Понуда од клубот одбија Јулијан Нагелсман, Чаби Алонсо, Зинедин Зидан, Ралф Рагник.
Наводно, Баер го следи Компани уште од моментот кога влезе во тренерските редови и ја започна кариерата како стратег на Андерлехт.
Моментално е тренер на Барнли, минатата сезона успеа да избори промоција во Премиер лигата, но оваа сезона експресно се врати назад. Неговиот тим заврши на 19. место на табелата во елитното англиско првенство.
Баерн би морал да плати обештетување доколку дојде до договор за соработка.